KOLOSE 2:18 - Laibaibal Thiang (BSI)

¹⁸ Adeu i tangdormi le vanmi a biatu le, langhnâk phundang khun hmu i â chimmi hna, asinain vawilei lungput ngeiin amah le amah â sântermi hna nih nan hmuh hngami ṭuanman cu hleng in inchut hna hlah seh,

Lai (Hakha) Common Language Bible 2006

¹⁸ Langhnak a sang khunmi kan hmu i cucaah hawi nakin kan cungnung deuh, tiah aa ruat i kanmah le kanmah nih kan pum hi kan hrem awk a si, tiah a ti i vancungmi kha kan biak hna awk a si, a timi hna nih khan, sual zeihmanh in phaw hna hlah seh. Cu bantuk mi nih cun, sullam zei set um ṭung loin, minung ruahning in thil an ruahmi kha an i porhlaw i

KOLOSE 2:18 Խաչաձեւ Հղումներ

KOLOSE 2:8

I ralring u, culoahcun mi zeimaw nih Krih cawnpiakning si loin, fimnâk le pakpalawng hlennâk le, minung hna i chanhchinmi phung le vawlei phunghram men in hlen nan si sual lai.

1TIMOTE 1:7

thiam ngaiin an chimmi nih zeidah a sawh i sullam zeidah a ngeih ti zong ruat loin nawlbia cawnpiaktu si kha an duh.

KOLOSE 2:23

Hibantuk biaknâk â ṭanhter ngaimi, a deu in toidormi hna le, pumsa zei i a rel lo i fahnâk â petu hna hi, ṭhat dawh ngaiin a lang nain, pumsa duhnâk teinâk kongah santlaihnâk zeihmanh a ngei lo.

1TIMOTE 4:1

Cân hmadung ahcun mi tampi nih zumhnâk hi an tluktâk lai i hlennâk thlarau le khuachia cawnpiaknâk lei ah an i mer lai tiah Thlarau nih fiang tein a chim,

2 KORIN 11:3

Asinain rulnih a fimzernâk in Evi a hlen bantukin Krih i tluangtlam te i nan umnâk chungin nan ruahnâk kha a hrawh sual lai ti kha ka phang.

ROM 1:25

Pathian biatak kha lih ah an thlen i Sertu bia loin sermi kha an biak i a rian kha an ṭuanpiak. Sertu kha pei zungzal i thangṭhat awktlâk a si cu. Amen.

MATTHAI 24:24

Zeitintiah krih deu le profet deu an chuak lai i a nganmi hmelchunhnâk le khuaruahharnâk tuah in an in hlen hna lai. Si kho sehlaw thimmi hmanh an hlen khawh hna lai.

BIAPHUAN 3:11

Ngaihmanh, ka ra zau lai! Na bawiluchin kha ahohmanhnih an in chuh nâkhnga lo, na ngeihcia kha fek tein i tlaih.

1JOHAN 2:26

Nanmah hlen an timtu hna kong hi nan sin i ka ṭialmi cu a si.

FILIPI 3:14

Krih Jesuh ah Pathian nih cung leiin a ka kawh chan ṭuanman hmu dingin kawltung lei cu ka panh.

EFESA 5:6

Ahohmanh nih pakpalawng biain in hleng hna hlah seh: cuthil hna ruangah dah kaw zumlotu cungah Pathian thinhunnâk cu a langh tawn.

1 KORIN 8:1

Milem biaknâk i pêkchanhmi kongah; kan dihlak in hngalhnâk kan ngei cio tiah kan hngalh. Hngalhnâk nih lung a puamter, asinain dawtnâk nih mi a ṭhatter.

BIAPHUAN 19:10

Cun ake hram in biak ka timh. Asinain ka sinah, “Hitihin tuah hlah! Keimah cu nanmah le nan unau Jesuh hngalhternâk bia cohlangtu nan sal hawi ka si ve ko. Pathian tu bia! Zeitintiah Jesuh hngalhternâk cu chimchungnâk thlarau a si,” tiah a ti.

BIAPHUAN 13:14

Cun sahrang hmasa deuh mithmuh ah hmelchunhnâk tuah khawhnâk pek a simi kha vulei cungah a ummi minung hna hlennâk ah hmangin, vainam hliam hma a pu i a dam ṭhânmi sahrang milem kha tuah dingin lei cungah a ummi kha a chimh hna.

BIAPHUAN 13:8

Vulei cung i a ummi vialte, vawlei serka i thahmi Tuufa Nunnâk Cauk i minṭial lomi vialte nih amah cu an biak lai.

BIAPHUAN 12:9

Cuticun Rul nganpi, Rulpi tar, Khuachia le Satan an timi, vawlei dihlak hlengtu cu a vancungmi vialte hna he vawlei ah an thlâk dih hna.

2 PETER 2:14

an mit cu ṭangdang kaiduhnâk in a khat i ngol kho lo i a sualmi, lungthin fek lomi an lâk tawn hna. Hakkauh lungput an i ṭhan pi i chiatserhmi fa le an si.

KOLOSE 2:4

Cubangin hihi ka chim, culoahcun biachimthiamnâk men in hlen nan si sual lai;

2 KORIN 12:20

Zeitintiah ka rat tikah ka duhning in kan hmu hna lai lo i nan duhning in nanka hmu sual lai lo, ti hi ka phâng ngai, culoahcun i sîknâk le, hnahchuahnâk le, thinhunnâk langhternâk, uanthuannâk le, buaibainâk hna a um sual lai,

1 KORIN 13:4

Dawtnâk cu a lung a sau, zângfahnâk a ngei, dawtnâk cu a hnah a chuak lo, dawtnâk nih â zum lo i â uah fawn lo.

1 KORIN 9:24

Tlik â zuammi cu an dihlak in an tli na in, an lakah pakhat te lawng nih laksawng a hmuh tawn ti kha nan hngal lo maw? Nan co khawh nâkhnga tli ve tuah u.

1 KORIN 4:18

Nan sinah ra tilo dingin nanka ruah caah mi cheukhat tluang nan khawng cawlh.

1 KORIN 3:3

zeitintiah thisa mi nan si peng ko rih. Zeitintiah hnachuahnâk, elhnialnâk, i ṭhennâk hna nan lakah a um tikah thisa mi, minung men men bantukin nan nung ko lo maw?

ROM 16:18

Zeitintiah cubantuk mi hna nih kan Bawipa Jesuh Krih rian an ṭuan lo i an paw ca i rianṭuantu an si, cun an dangnal le biachim thiam nâkin santlailo lungthin an hlen tawn hna.

1 KORIN 4:6

Cuticun unau hna, ṭialmi pinlei tiang i nan kalnâk hnga lo le kanmah sinin nan cawnkhawh nâkhnga, cu thil hna cu nan ṭhatnâk dingah kei le Apollo cungah kan tlunter ko. Cuticun nan lakah mi pakhat hlawrh in pakhat nan lamhchih nâkhnga lo.

EFESA 4:17

Cucaah hihi Bawipa ah kan hngalhter hna, santlai lomi ruahnâk ngeitu, Gentel mi bangin um ti hlah u.