KOLOSE 1:9 - Laibaibal Thiang (BSI)

⁹ Hiruangah kannih zong nih thlarau lei fimnâk le theihthiamnâk vialte nan ngeih i Amah duhning i hngalhnâk in nan khah khawh nâkhnga, nan kong kan theih ni in nan ca thlacam le nawlpiak kan ngol lo;

Lai (Hakha) Common Language Bible 2006

⁹ Nan kong kan theih ri in nan caah thla kan cam lengmang. Pathian nih nannih cu amah hngalhnak le a Thlarau nih an pekmi hna fimnak le hngalhnak in in khahter hna seh tiah Pathian cu kan nawl.

KOLOSE 1:9 Խաչաձեւ Հղումներ

JEIM 3:17

Asinain cung leiin a chuakmi fimnâk cu hmaisa bik ah a thiang, cuhnu ah daihnâk a duh, a nun a nem, nawl a ngai, zângfahnâk le theipar ṭha in a khat, thleidan a ngei lo i ziar a ngei lo.

JEIM 1:5

Nan lakah fimnâk a baumi nan um ahcun, Pathian sinah hal seh law, mi vialte sinah siangngai le uilo tein a pe tawntu nih a pêk lai.

KOLOSE 4:5

Lenglei mi hna lakah fim ngaiin um u law a herh ningin cân rem kha hngak u.

HEBRU 13:21

A duhnâk tuah dingin rianṭha kipah tlam in tlinter hna seh, Jesuh Krih thawngin a mithmuh ah a lawmh tertu nih nanmah ah `uandih ko seh, Amah sinah zungzal in zungzal tiang sunparnâk kha um ko seh. Amen.

1 PETER 2:15

Zeitintiah thilṭha nan tuahmi nih hngalh lo ruang i mihrut bangin a ummi hna dai tein a umter hna kha Pathian duhmi a si,

2 THESALON 1:11

Cucaah kan Pathian nih a kawhnâk ah tel awk a tlâkmi ah an ruah hna i a ṭhatnâk chungah a lawmhmi thilṭha hna cu ṭhawnnâk le zumhnâk in nan tlinter khawh nâkhnga nan caah thla kan cam tawn.

1THESALON 5:17

Ngol loin thla cam u.

SALM 143:10

Na duhnâk tuah awkah ka cawnpiak, zeitintiah nangmah cu ka Pathian na si. Na Thlarau cu a ṭha. Diknâk ramah ka hruai ko.

1JOHAN 5:20

Pathian Fapa cu a ra i a dikmi Amah kha kan hngalh khawhnâk dingah hngalhthiamnâk a kan pêk cang ti kha kan hngalh. Kannih cu a Fapa Jesuh Krih a dikmi Amah ah khan kan um. Hihi Pathian dik le zungzal nunnâk a si.

KOLOSE 3:16

Krih bia cu fimnâk phunkip he nanmah ah khat ko seh, biazâi le hla, thlarau lei hla hna in i cawm changin i cawnpiak u law, Bawipa sinah nan lungthin in zângfahnâk he hla sa u.

HEBRU 10:36

Zeitintiah Pathian duhnâk nan tuah hnu i a kamhmi nan co khawh nâkhnga inkhawhnâk nan herh.

FILIPI 1:4

zeitintiah ni hmasa bikin atu tiang thawngṭha phuannâk ah hawikawmhnâk nankan ngeih peng caah,

FILEMON 1:4

Ka thlacamnâk ah na min chim in Pathian sinah lawmhnâk bia ka chim tawn.

EFESA 6:6

mit rianṭuantu bantuk si loin, minung lawmhtertu men zong si loin Krih sinum taktak bantukin, Lungthin tak takin Pathian duhning tuah in,

ROM 12:2

Hi vawlei sining he i pehtlai hlah u, thilṭha le cohlan awktlâk, a tlingmi Pathian duhnâk cu nan hngalhkhawh nâkhnga nan ruahnâk kha tharchuah le thlen in um ko seh.

1THESALON 1:3

zumhnâk i rian nan ṭuanmi le, dawtnâk ruangah nan thabâtnâk, kan Bawipa Jesuh Krih i ruahchannâk ruangah kan Pathian le Pa hmaiah nan lungsaunâk kha philh lo tein,

1JOHAN 2:17

Vawlei hi a duhnâk he a lo cuahmah ko, Pathian duhnâk a tuahtu cu zungzal in a hmun lai.

1 PETER 4:2

cubantuk mi hna cu an nun chung vialte taksa duhnâk in an nung ti lo i Pathian duhning in an nung cang.

KOLOSE 4:12

Epafaras nanmah chungmi, Krih Jesuh ah ṭemmi sal nih nan kut an tlaih hna. Pathian duhning in lamkip i nan um i tlam nan tlin khawh nâkhnga, fak piin nan caah thla camtu a si.

KOLOSE 1:6

cucu vawlei vialte ah a phân i theitlai a chuah bantukin nan sin zongah a rak phân, Pathian zângfahnâk biatak nan ngaih i nan hngalh hnuah nanmah lak zongah theitlai a chuah cuahmah lio a si;

EFESA 5:17

Cucaah mihrut bangin um hlah u, Bawipa duhnâk zeidah a si ti kha hngalh u.

EFESA 5:10

Bawipa cohlan awk a tlâkmi kha zeidah a si ti hngalh rak i zuam u.

EFESA 1:8

fimnâk le khuaruahthiamnâk vialte in kan sinah zângfaknâk cu liam thluahmah in a kan pêk.

JOHAN 7:17

Amah duhnâk tuah a duhmi pauh nih ka cawnpiakmi hi Pathian sin in maw a si, keimah ṭawnchawm dah a si a hngalh ko lai.

SALM 119:99

Aka cawnpiaktu vialte nâk in theihthiamnâk tam deuh ka ngei, zeitintiah na hngalhternâk kha ka chunmang an si.

1 KORIN 1:5

phuanmi le hngalhnâk vialte ah, Amah ah zeizong vialte ah rumter nan si.

LAMKALTU 12:5

Peter cu thong ah an umter i kawhhran hna nih biatak tein Pathian sinah thla an cam piak.

FILEMON 1:6

na zumhnâk cu midang sinah na hngalhternâk thawngin Krih Jesuh ah na chung i a ummi ṭhatnâk phunkip hna nih hmual an ngeih khawh lai.