JOHAN 8:11 - Laibaibal Thiang (BSI)

¹¹ Anih nih, “Coter lo, Bawipa” tiah a ti. Jesuh nih, “Keizong nih thiamlo kan coter lo, kal law va sual ti hlah,” tiah a ti.

Lai (Hakha) Common Language Bible 2006

¹¹ Minu nih cun, “Bawipa, ahohmanh an tang lo,” tiah a leh. Cu tikah Jesuh nih, “Kei zong nih sual kan phaw ve lo. Va kal law a sual bel va sual ti hlah,” tiah a ti.)

JOHAN 8:11 Խաչաձեւ Հղումներ

JOHAN 3:17

Zeitintiah vawlei sualphawt awkah Pathian nih a Fapa vawleiah a thlah lo, vawlei hi Amah thawngin khamh a si khawh nâkhnga a thlahmi a si.

JOHAN 5:14

Hnu deuh ah Jesuh nih cupa cu ṭempal ah a hmuh i a sinah, “Ngaihmanh, na dam cang hih. Thilṭhalo chin chin nih an tlunh hnawh sual nâkhnga lo sualnâk va tuah ti hlah,” tiah a ti.

JOHAN 8:15

Nannih nih taksa bangin bia nan ceih. Kei cu ahohmanh ka ceih hna lo.

LUKA 15:7

Kan chimh hna, cubangin miding sawmkua le pakua ngaihchih a herh lomi nâkin misual pakhat a ngaihchihmi kongah vanah lunglomhnâk a tam deuh.

LUKA 5:32

Midingmi hna auh awkah ka ra lo i misual hna auh i ngaihchihter awkah ka ra, tiah a leh hna.

PHUNGTHLÛKBIA 28:13

A sualnâk a thuptu cu a hlawhtling lai lo, asinain thup loin, a phuang i a hlawtu hna nih velngeihnâk an hmuh lai.

ROM 2:4

Asiloah, Pathian ṭhatning hngalhnâk nih ngaihchihnâk ah an hruai khawh ti kha hngal loin, Pathian ṭhatnâk, lungsaunâk, a in khawhnâk kha na zomhtaih lai maw?

LUKA 13:3

A si lo, kan chimh hna, nan i ngaihchih lo ahcun anmah bangin nan lotlau dih lai.

LUKA 15:10

Cubangin kan chimh hna, Pathian vanmi hna hmaiah, misual pakhat ngaihchih nâkah an i lawm tawn.

JOHAN 18:36

Jesuh nih, “Ka pennâk cu hi vawlei pennâk hi a si lo. Ka pennâk cu hi vawlei pennâk hi sisehlaw, Judah mi hna kut i ka phâk nâkhnga lo ka sinum hna nih an doh ve hnga. Asinain ka pennâk cu hika ah a si lo,” tiah a ti.

LUKA 15:32

Hi na nau hi a thi i a nung ṭhân cang. A tlau i kan hmuh ṭhân. Cucaah lunglawm tein um ding kan si lai lo maw,’ tiah a ti,” tiah a ti.

LUKA 13:5

A si lo, kan chimh hna, nan i ngaihchih lo ahcun anmah bantukin nan lo tlau dih lai.

2 PETER 3:15

cun kan Bawipa lungsaunâk cu khamhnâk ah ruat tuah u, kan unau dawtmi Paul zong nih a sin i pêkmi fimnâk bangin nan sin i a ṭial bang khan,

1 KORIN 5:12

Zeitintiah lênglei mi hna kong cu ka ceih awk a si hnga maw? Nan ceih ding cu a chungmi hna hi an si awk a si.

LUKA 9:56

Zeitintiah Mi Fapa hi minung nunnâk rawh tertu ah si loin khamhtu dingah a rami ka si,” tiah a sîk hna. Cuticun khawdang ah an kal.