JOHAN 7:36 - Laibaibal Thiang (BSI)

³⁶ Nanka kawl lai i nanka hmu kho lai lo, ka umnâk zongah nan ra kho lai lo, a timi hi zeidah a sullam a si hnga?” tiah an ti.

Lai (Hakha) Common Language Bible 2006

³⁶ ‘Nan ka kawl lai, sihmanhsehlaw nan ka hmu lai lo, ka umnak ding hmun ah cun nan ra kho lai lo,’ a ti. Zeidah a sullam chim a duhmi a si hnga?” tiah an i ceih.

JOHAN 7:36 Խաչաձեւ Հղումներ

JOHAN 3:9

Nikodimu nih, “Zeitindah cucu a si khawh lai?” tiah a ti.

JOHAN 7:34

Nannih nih nanka kawl lai i nanka hmu lai lo, ka umnâk zongah nan ra kho lai lo,” tiah a ti.

1 KORIN 2:14

Vawlei mi nih cun Pathian Thlarau thil kha an cohlang duh lo, zeitintiah a nih caah cun hruhbia an si, thlarau leiin hngalh fian a si caah an hngal kho hrimhrim lo.

JOHAN 12:34

Mizapi nih, “Krih cu zungzal i a um ding a si, tiah nawlbia cauk ah kan theih, zeicadah ‘Mi fapa hi tar in a um lai,’ tiah na chim khawh? cu Mi Fapa cu a hodah a si,” tiah an leh.

JOHAN 6:60

Cucaah a zultu lakah mi tampi nih cu bia cu an theih i “Hihi a har ngai ngaimi bia a si, ahonihdah a theihthiam khawh lai?” tiah an ti.

JOHAN 6:52

Judah mi kha an i al i, “Hi pa nih a taksa cu ei awkah zeitindah a kan pêk khawh lai?” tiah an ti.

JOHAN 6:41

Van i a rungṭummi changreu cu ka si, a timi ruangah Judah mi cu a cungah an zai.

JOHAN 3:4

Nikodimu nih, “Mi a tar hnu ah zeitindah hrin cu a si khawh lai? A nu pawchungah lut ṭhân in hrin cu a si kho lai maw?” tiah a ti.

JOHAN 8:21

Jesuh nih an sinah a chim ṭhân i, “Lo diam ka kal lai, nanka kawl lai i sual ngeibu in nan thi lai. Ka kalnâk dingah nan ra kho lai lo,” tiah a ti.

JOHAN 13:33

Nau le hna, cân tawite nan sinah ka um rih lai. Nannih nih nan ka kawl lai; Judah mi hna sinah, ‘Ka kalnâk ah nan ra kho lai lo,’ tiah ka rak chim cang bang khan, atu zongah kan chimh ṭhân hna.