JOHAN 7:32 - Laibaibal Thiang (BSI)

³² A kong i mizapi an i caih len kha Farasih hna nih an rak theih, cuticun Farasih hna le tlângbawi hna nih Amah tlaitu dingah palik kha an thlah.

Lai (Hakha) Common Language Bible 2006

³² Farasi mi hna nih khan mizapi, cu bantukin a thli in an i ceih kha an theih caah, anmah le tlangbawi upa pawl nih khan Jesuh va tlaih awkah cun biakinn vengtu palik kha an hei thlah hna.

JOHAN 7:32 Խաչաձեւ Հղումներ

LAMKALTU 5:26

Ṭempal hotu hna cu vengtu hna he an va kal i mizapi nih lungin an rak cheh lai kha an ṭih caah zângennâk um loin an ratpi hna.

JOHAN 18:3

Cuticun Judas nih ralkap hna le, tlângbawi hna le, Farasih nih an thlahmi kilvengtu hna he a ratpi hna i meiin le meifar le hriamnam hna i put in cuka ah cun an ra.

JOHAN 12:19

Farasih hna nih anmah le anmah an i caih i, “Zohhmanh u, zeihmanh nan tuah kho ti lo hih. Zohhmanh u, vawlei nih Amah an zulh cang hih!” tiah an ti.

MATTHAI 23:13

Nannih nawlbia cawnpiaktu le Farasih depde hna, ngaihchia nan va si dah! Zeitintiah vanbawi pennâk kha mi nan kharkanh hna, nanmah le nan lut duh lo, luh a duhmi zong nan kham hna.

MATTHAI 12:14

Farasih hna cu an chuak i Amah an thah khawh nâkhnga khua an khâng.

MATTHAI 26:58

Peter zong nih lamhlat nawn in a zulh ve i tlângbawi nganbik tualrawn a phân ve. A va lut ve i a donghtiang thil umtuning hngalh awkah sinum hna sinah a um.

JOHAN 7:30

Cucaah tlaih an timh, asinain a cân a tlin lo caah ahohmanh nih kut in an tawng lo.

JOHAN 11:46

Asinain cheukhat cu Farasih hna sinah an kal i Jesuh tuahmi thil kha an va chimh hna.