JOHAN 7:29 - Laibaibal Thiang (BSI)

²⁹ Asinain Amah cu ka hngalh, Asin in a chuakmi ka si i Amah thlahmi ka si,” tiah a ti.

Lai (Hakha) Common Language Bible 2006

²⁹ Kei nih cun ka hngalh, zeicahtiah kei cu a sinin a rami ka si i a ka thlahtu cu amah kha a si,” tiah a ti hna.

JOHAN 7:29 Խաչաձեւ Հղումներ

JOHAN 8:55

Nannih nih Amah nan hngal fawn lo. Kei nih cun Amah kha ka hngalh. Amah ka hngal lo, tining law, nanmah bantuk lihchimmi ka si ve lai, Amah ka hngalh i a bia zong ka zulh tawn.

MATTHAI 11:27

Ka Pa nih thil vialte ka kut ah a chiah cang, Pa dah ti lo cun ahohmanh nih Fa hi an hngal lo. Pa zong cu Fa le an sin i Fa nih a hngalhter duhmi dah ti lo cun ahohmanh nih an hngal kho lo.

JOHAN 17:18

Vawlei ah naka thlah bantukin annih zong vawlei ah ka thlah hna.

JOHAN 6:46

Pa a hmumi an um cang tinâk a si lo, Pathian sin in a rami lawnglawng hi Pa a hmutu um chun cu a si.

JOHAN 1:18

Zeitikhmanh ah Pathian cu ahohmanh nih an hmu ballo. Fapa ngeihchun, Pa `angchungah a ummi nih Amah cu a phuan cang.

1JOHAN 4:14

Pa nih Fapa cu vawlei khamhtu bangin a thlah tiah kan hmuh i kan hngalhter fawn.

1JOHAN 4:9

Hitihin Pathian dawtnâk cu kan cungah langhter a si, Amah thawngin nun kan ngeih khawh nâkhnga, Pathian nih a Fapa ngeihchun cu vawlei ah a run thlah.

1JOHAN 1:2

cu nunnâk cu langhter a si, kan rak hmuh i kan hngalhpi, cu zungzal nunnâk Pa sinah a um i kan sinah phuan a simi cu nan sin zongah kan phuan,

JOHAN 13:3

Jesuh nih a kutah Pa nih thil vialte a pêk cangnâk le, Pathian sinin a rat bangin Pathian sinah a kir ṭhân lai ti kha a hngalh,

JOHAN 10:15

Pa nih aka hngalh bangin, kei zong nih Pa ka hngalh i tuu caah ka nunnâk ka pêk.