JOHAN 7:18 - Laibaibal Thiang (BSI)

¹⁸ Mah ṭawnchawm a chimtu nih amah sunparnâk a kawl, sihmanhsehlaw a thlahtu sunparnâk lawng a kawltu cu midik a si i Amah ah dinlonâk zeihmanh a um lo.

Lai (Hakha) Common Language Bible 2006

¹⁸ Mah duhning in mi a cawnpiak lengmangmi cu mah thangṭhatnak a kawlmi an si. Sihmanhsehlaw a thlahtu thangṭhatnak tu a duhmi cu lih chim lo tein a um i a chungah hrokhrawlnak zeihmanh a um lo.

JOHAN 7:18 Խաչաձեւ Հղումներ

JOHAN 5:41

Minung conglomh ka cohlang lo.

1THESALON 2:6

Midang ca thilrit pe kho tiangin Krih lamkaltusinâk kan ngei ko nain, nansin in siseh midang sin in siseh, aho sin hmanh in thangṭhatnâk kan kawl bal lo.

JOHAN 12:28

“Ka Pa, na min thangṭhat tuah,” tiah a ti. Vanin aw a rak chuak i, “Ka thangṭhat cang, Ka thangṭhat rih ko lai,” tiah a ti.

1 PETER 4:11

Jesuh Krih thawngin Pathian cu zeizong vialte ah thangṭhat i a um khawh nâkhnga, mi zei pauh nih phung a chim ahcun Pathian chimning tein chim seh, mizei pauh nih rian a ṭuan ahcun Pathian nih ti khawhnâk a pêk ning tein ṭuan seh, sunparnâk le biaceihnâk cu zungzal in zungzal tiang Amah ta a si. Amen.

MATTHAI 6:9

Cucaah nannih cu hitihin thla cam u; Vancung khua i a ummi kan Pa, na min thianghlim seh.

PHUNGTHLÛKBIA 25:27

Khuaihliti tamtuk ei hi a ṭha lo, cubantuk in mi nih amah sunparnâk a kawlmi hi sunparnâk a si lo.

JOHAN 11:4

Jesuh nih cucu a theih tikah, “Hi zawtnâk hi thihnâk ding a si lo, Pathian sunparnâk dingtu a si, Pathian Fapa cu hiruangah hin thangṭhat i a um khawh nâkhnga,” tiah a ti.

JOHAN 8:54

Jesuh nih, “Keimah i thangṭhat ninglaw, kâ thangṭhatnâk cu zeihmanh a si lai lo. Kan Pathian nan timi ka Pa cu aka thangṭhattu a si.

JOHAN 12:43

Zeitintiah Pathian thangṭhatmi sinâk in minung thangṭhatmi si kha an thaihchan deuh.

1JOHAN 2:29

Amah cu miding a si ti kha nan hngalh ahcun, dinnâk a tuahtu cu Amah hrin a si ti kha nan hngalh.