JOHAN 6:63 - Laibaibal Thiang (BSI)

⁶³ Nuntertu cu Thlarau a si, taksa cu san a tlai lo. Nan sin i bia ka chimmi hi thlarau an si i nunnâk zong an si.

Lai (Hakha) Common Language Bible 2006

⁶³ Nunnak petu cu Pathian Thlarau a si; minung ṭhawnnak hi cu zeihmanh a ṭhahnem lo. Nannih kan chimhmi hna bia hi Thlarau le nunnak cu an si.

JOHAN 6:63 Խաչաձեւ Հղումներ

HEBRU 4:12

Zeitintiah Pathian bia cu a nung i a ṭhawng, kaphnih har vainam nâkin a har deuh, nunnâk le thlarau, hliahhlok le thlik tiangin hlang lakin a cheu khawh, lungthin in timhmi le ruahnâk kha a hngalh dih.

GALATI 5:25

Thlarau ah kan nun ahcun, Thlarau zongah kal u sih.

SALM 119:93

Na phungbia kha ka philh hrimhrim hna lai lo, zeitintiah cu hna hmangin nunnâk naka pêk.

JOHAN 6:68

Simon Peter nih, “Bawipa aho sinahdah kan kal lai? Nangmah nih zungzal nunnâk bia kha na ngei.

SALM 119:50

Hihi ka harnâk ah ka hnangamnâk a si, zeitintiah na bia nih nunnâk aka pêk.

1 PETER 1:23

a rawk khomi thlaici ah si lo in, a nungmi Pathian bia le zungzal in a hmunmi a rawk kho lomi thlaici ah hrinṭhân mi nan si.

SALM 119:130

Na bia fianternâk nih ceunâk a pêk i mi sawhsawh kha theihthiamnâk a pêk.

1 KORIN 15:45

Cun hiti hin ṭial a si, “Minung hmasa bik Adam cu a nungmi a si,” Adam hmadung deuh cu nunnâk petu thlarau a rak si.

ROM 10:17

Cuticun theihnâkin zumhnâk a um i theihnâk cu Pathian bia in a um.

1 PETER 3:18

Zeitintiah Krih cu kan sualnâk ruangah voikhat a thi, cuticun miding nih miding lo caah a tuar, cucu Pathian sinah a kan hruai khawhnâk ding a rak si, taksa in thihter a sinain Thlarau in nunter a si,

1THESALON 2:13

Hiruangah hin ngol loin Pathian sinah lawmhnâk bia kan chim, zeicatiah kan sin in nan theihmi Pathian bia nan cohlan tikah minung bia bangin nan cohlang lo, i biatak ngaiin Pathian bia bangin nan cohlan, cucu a zumtu sinah santlai ngaiin rian a ṭuntu hi a si.

ROM 8:2

Zeitintiah Krih Jesuh nunnâk Thlarau nawlbia nih sual le thihnâk nawlbia chungin a ka chuahter cang.

JEIM 1:18

A sermi hna lakah hmasa bik theitlai kan si khawh nâkhnga, Amah duhning tein bia tak chungah a kan hrin.

1 PETER 3:21

Cu thil nih a langhter chungmi baptisma in Jesuh Krih thawhṭhannâk thawngin atu ah khamh kan si. Cu baptisma cu taksa thurhnawmmi thenh men hi si lo in chiaṭha hngalhnâk thiang he Pathian kan lehnâk hi a si.

1TIMOTE 4:8

Zeitintiah taksa zuam nâkin cawlcanghnâk zong hi san a tlai ve ko, asinain Pathian-ṭihzahtu sinâk i cawlcanghnâk nih cun atu nunchung le hmailei caah biakam a ngeih caah a lamkip in san a tlai.

HEBRU 13:9

Cawnpiaknâk phunphun le zumhnâk phun dang dang i hruaiter hlah u. Lungthin hi zângfahnâk i fehter cu a ṭha, ei le din i fehter loin, cubantuk thil hna cu a buaipi tu hna zong nih an hlawkpi theng lo.

GALATI 6:15

Krih Jesuh ah cun cuarpartan hi zeihmanh san a tlai lo i cuarpartan lo zong zeihmanh san a tlai hlei lo. San a tlaimi cu sertharnâk hi a si.

ROM 2:25

Nawlbia na zulh ahcun cuarpartan cu san a tlai ko, nawlbia buartu na si ahcun na cuarpar tan cu tanlo bantuk a si.

GALATI 5:6

Zeitintiah Krih Jesuh ah cun cuarpartan hi zeihmanh a ṭhahnem lo, cuarpar tanlo zong zeihmanh a ṭhahnem hlei lo. Zumhnâk, dawtnâk i ṭuan lawng kha a ṭhahnemmi cu a si.

PHUNGTHLÛKBIA 4:13

Nuncawnnâk cu fek tein i tlaih law, thlah ti hlah; i tlaih peng ko, zeitintiah na nunnâk a si.

JOHAN 5:21

Zeitintiah Pa nih mithi kha a thawhter i a nunter bantukin, Fapa zong nih a duhmi pauh a nunter tawn.

LAMKALTU 5:20

“Kal ulaw, ṭempal ah va dir ulaw, mizapi sinah hi nunnâk bia hi va chim hna u,” tiah a ti.