JOHAN 6:27 - Laibaibal Thiang (BSI)

²⁷ A rawkral khomi rawl ruah ah i phar len hlah u, Mi Fapa nih pêk an timhmi hna rawl ruah tu ah i pharlen u; zeicatiah Pa Pathian nih Amah cu a chinchiah cang.

Lai (Hakha) Common Language Bible 2006

²⁷ Hi a rawk khomi rawl caah hin ṭuan hlah ngat u, a hmunmi rawl, zungzal nunnak rawl caah ta nan ṭuan. Hi rawl cu Mi Fapa nih hin kan pek hna lai, zeicahtiah Pa a simi Pathian nih keimah cungah hin a lungsinak kha a khenh cang,” tiah a ti.

JOHAN 6:27 Խաչաձեւ Հղումներ

KOLOSE 3:2

Cunglei thil ah nan ruahnâk chia u law, leicung thil ah hin chia hlah u.

JOHAN 6:54

Ka taksa a ei i ka thisen a dingmi pauh cu zungzal nunnâk a ngei cang, cun ni donghni ah a mah cu ka thawhter lai.

2TIMOTE 2:19

Asinain a fekmi Pathian lungphun cu a dirpeng ko, hi hmelchunhnâk hi a ngei: “Bawipa nih Ami le cu a hngalh” ti le, “Bawipa min a hlammi pauh nih sual kaltâk seh ti hi.”

JOHAN 6:40

Cun hihi aka thlahtu duhning a si, Fapa a hmu i a zummi pauh nih zungzal nunnâk ngeiseh law, cun ni dongh ni ah keimah nih ka thawhter lai,” tiah a ti.

ROM 6:23

Zeitintiah sualman cu thihnâk a si, asinain Pathian thilpêk cu kan Bawipa Jesuh Krih thawngin zungzal nunnâk a si.

JOHAN 10:28

An sinah zungzal nunnâk ka pêk i an tlau hrimhrim lai lo. Ka kut chungin ahohmanh nih an ka chut kho lai lo.

JOHAN 6:51

Keimah hi van in a rungṭummi changreu nung ka si. Hi changreu a eimi pauh, zungzal in a nung peng lai. Vawlei nunnâk dingah ka pêk hngami changreu cu ka taksa hi a si.” tiah a ti.

LAMKALTU 10:38

Nazaret Jesuh, kha bantukin Pathian nih Thiang Thlarau le thiltikhawhnâk in sathau a thuh ning le thilṭha tuah in khual a tlawng i khuachia serhsatmi vialte a damter hnanâk kong kha, zeitintiah a sinah Pathian a um.

JOHAN 17:2

Mi vialte cung i nawlngeihnâk na pêk bangin, Anih zong nih na pêkmi vialte zungzal nunnâk a pek khawh hna nâkhnga.

MATTHAI 6:19

“Lei i rungrul le cirik nih an ei khawh i mifir nih an bauh i an fir khawhnâk ah hin nan ro va khong hlah u;

JOHAN 6:58

Hihi vanin chungreu a rungṭummi cu a si, nan pupa hna nih mânâ an ei i an thih ṭhân bantuk kha a si lo. Hi changreu a eimi cu zungzal in a nung peng lai.

2 PETER 1:17

Zeitintiah Pa Pathian sinin thangṭhatnâk le sunparnâk a hmuh lio ah, Liannganbik sinin aw a rak phân i, “Hihi ka Fapa dawtmi, kâ lawmhnâk bik cu a si,” tiin.

FILIPI 2:13

zeitintiah Amah lawmhnâk le duhnâk bangin nanmah ah a ṭuntu cu Pathian a si.

1 PETER 1:24

Zeicatiah “Mi vialte hi ram bantuk men an si, An sunparnâk vialte zong ram pangpar bantuk men an si. Ram cu a uai i a par cu a tla.

LUKA 3:22

Cun Thiang thlarau cu ṭhuro pum bantukin a rung zuang i a cungah â fu, van in aw a rung chuak i, “Nangmah cu ka dawtmi Fapa na si; Na cungah ka lawm tak tak,” tiah a ti.

1THESALON 1:3

zumhnâk i rian nan ṭuanmi le, dawtnâk ruangah nan thabâtnâk, kan Bawipa Jesuh Krih i ruahchannâk ruangah kan Pathian le Pa hmaiah nan lungsaunâk kha philh lo tein,

KOLOSE 1:29

Cu rian ṭuan dingah, a liannganmi a ṭhawnnâk nih keimah i a ṭuan ningin biatak tein ka ṭuan tawn.

JOHAN 3:33

A hngalhtermi bia a zumtu nih Pathian cu a dikmi a si, tiah a fehter.

LAMKALTU 2:22

“Nannih Israel mi hna, hi bia hi ngai u; Nazaret Jesuh kha, nan lakah a liannganmi thil le, khuaruahhar le hmelchunhnâk hna hmangin Pathian nih a dirkamh i a langhtermi a si kha nanmah hrimhrim nih nan hngalh.

JOHAN 6:68

Simon Peter nih, “Bawipa aho sinahdah kan kal lai? Nangmah nih zungzal nunnâk bia kha na ngei.

LUKA 9:35

Minmei chungin aw a rak chuak i, “Hihi ka dawtmi ka Fapa a si. Amah bia ngai u,” tiah a ti.

SALM 40:7

Cutikah, “Zohhmanh, zualmi Cathiang ah ka kong ṭial a si bangin, keimah ka ra;

SALM 2:7

“Nawlpêk kha ka phuan lai: BAWPA nih, ‘Nang cu ka Fapa na si, ni hin ah kan hrin’ tiah ka sinah a chim cang.

HEBRU 12:16

culoahcun, nupa sualnâk tuah hmangmi le Esau bangin Pathian upat lomi a um sual lai. Anih nih a fater sinâk kha rawl voikhat eiah a zuar.

GALATI 5:6

Zeitintiah Krih Jesuh ah cun cuarpartan hi zeihmanh a ṭhahnem lo, cuarpar tanlo zong zeihmanh a ṭhahnem hlei lo. Zumhnâk, dawtnâk i ṭuan lawng kha a ṭhahnemmi cu a si.

HEBRU 4:11

Cucaah cu dinhnâk ah lut dingin i zuam u sih, culoahcun nawl a ngai lomi hna bangin kan tlu ve sual lai.

KOLOSE 2:22

timi minung nawlpêk hna le cawnpiaknâk, a lo tlau zau dingmi hna ah nan i pêk ṭhân khawh?

1 KORIN 9:2

Midang caah lamkaltu ka silo hmanh ah, elkhawh lo in nan caah cun ka si ko. Zeitintiah nanmah hi Bawipa lamkaltu ka si hmelchunhnâk cu nan si.

1 KORIN 6:13

Eiding cu paw caah a si, paw zong eiding caah a si, asinain Pathian nih a hrawh ve ve lai. Taksa hi nupa sual tuahnâk caah a si lo i Bawipa caah a si. Bawipa zong cu taksa caah a si.

ROM 4:11

Cuarpar tan lo i a um lioah, zumhnâk thawngin dinnâk a hmu tiah hmelchunhnâk, cuarpartan hmelchunhnâk zong a simi cu a hmuh cang; cuticun cuarpar tan lomi zong siseh miding i ruah an si khawh nâkhnga le, a zumtu vialte pa a si khawh nâkhnga,

JOHAN 15:24

Ahohmanh nih an tuah bal lomi an lak ah tuah hlah ning law sual an ngei hnga lo, atu cu annih nih kei le ka Pa ankan hmuh cang i huat zong ankan huat.

JOHAN 14:6

Jesuh nih, “Keimah hi lam le, biatak le, nunnâk ka si. Keimah in dah ti lo cun ahohmanh Pa sin ah an phân bal lo.

JOHAN 11:42

Ka bia na ngaih zungzal ti ka theih ca zongah kâ lawm. Hika i a dirmi mizapi hna ruangah cucu ka chim, Naka thlah tiah an zumh khawh nâkhnga,” tiah a ti.

JOHAN 8:18

Mah tein mah kong hngalhtertu ka si, aka thlahtu Pa zong nih ka kong a hngalhter,” tiah a ti.

MARKA 9:7

Cun minmei a rak zâm i lo lakin a tuam hna, cun minmei in aw a hung chuak i, “Hihi ka dawtmi Fapa a si, Amah bia ngai u,” tiah a ti.

MARKA 1:11

Van in aw a rung chuak i, “Nangmah hi ka dawtmi Fapa, na cungah kâ lawm ngai ngai,” tiah a ti.

MATTHAI 17:5

A chim lioah khan, zohhmanh, a rângmi minmei nih a tuam hna i chikkhatteah minmei chungin aw pakhat a hung chuak, “Hihi Ka Fapa dawtmi a si, Amah bia kha ngai u,” tiah a ti.

MATTHAI 3:17

Cun ngaihmanh, van in aw a rung chuak i, “Hihi ka Fapa dawt, ka lawmh tukmi a si,” tiah a ti.

JEIM 1:11

Ni a rak san i thlilum a hran tikah hramh cu a uai, a par kha an tla i â dawhnâk a lo cawlh. Cubantukin mirum hna cu an lamthluan ah an loral ko lai.

2 KORIN 4:18

Hmuhkhawhmi thil lawng zoh loin, hmuhkhawh lomi khi kan zohmi cu a si. Zeitintiah hmuhkhawhmi hi cânkhat ca lawng a si i hmuhkhawh lomi cu zungzal ca a si.

MATTHAI 8:20

Jesuh nih, “Cinghngia nih kua an ngei, vate nih bu an ngei, Mi Fapa nih luchiahnâk hmanh a ngei lo,” tiah a ti.

PHUNGTHLÛKBIA 9:5

“Ra ulaw, ka changreu rak ei u, a phunphun cawhchihmi ka misur hi rak ding u,” tiah a ti.

MATTHAI 25:46

Cu hna cu zungzal hrem nâkah an kal lai i miding hna cu zungzal nunnâk ah an kal lai,” tiah a ti hna.

JOHAN 3:15

Amah a zummi pauh cu lotlau loin zungzal nunnâk an ngei lai.

JOHAN 6:47

Biataktein, biataktein kan chimh hna, aka zummi pauh cu zungzal nunnâk a ngei cang.

JOHAN 6:53

Jesuh nih, “Biataktein, biataktein kan chimh hna, Mi Fapa taksa nan ei i a thisen nan din lo ahcun, nanmah tein nunnâk nan ngei lo.

JOHAN 6:62

Mi Fapa hi hlan i a rak umnâk i a kai nan hmuh tikah zeitindah nan ti kun lai?