JOHAN 4:6 - Laibaibal Thiang (BSI)

⁶ Jokob tikhor zong cuka ah a um. Jesuh cu a khualtlawnnâk ah a battuk caah tikhor hramah a ṭhu. Cu cân cu chun suimilam hleihnih hrawng a si.

Lai (Hakha) Common Language Bible 2006

⁶ Cuka ah cun Jakob tikhor kha a um i Jesuh cu a khualtlawnnak ah cun a bat caah tikhor pawngah cun a ṭhu. Cu caan cu chun hrawng khi a si.

JOHAN 4:6 Խաչաձեւ Հղումներ

HEBRU 4:15

Zeitintiah kan derthawmnâk a kan ruahpiak kho lotu Tlângbawi Ngan a ngeitu kan si lo, kanmah bangin a phun kipin tukforhnâk a rak tong nain, a sual lomi ngeitu kan si.

HEBRU 2:17

Cucaah minung hna caah sualngaihthiamnâk tuahpiak dingin, Pathian lei ah Tlângbawi Nganbik, velngeimi le zumhtlâk a si khawh nâkhnga zeizong kipah a unau hna bang i a run i can kha a ca zongah a herhmi a si.

MATTHAI 8:24

Chikkhatteah rili cungah thli a hrang, tilet a tho i an tilawng cu a hun nam len. Anih tu cu â hngilh.

MATTHAI 27:45

Chun suimilam hleihnih in zanlei pathum tiang khua a mui dih.

MATTHAI 4:2

Ni sawmli le zan sawmli rawl a ulh hnu ah a rawl a ṭâm.

2 KORIN 8:9

Zeitintiah kan Bawipa Jesuh Krih zângfahnâk cu nan hngalh, Amah cu rum hmanhsehlaw, a sifahnâk thawngin nannih nan rum nâkhnga, a si a fak.

JOHAN 11:9

Jesuh nih, “Nikhat ah suimilam hleihnih a ceu lo maw? Chun ceu i mi a kal ahcun vawlei ceu kha a hmuh caah â chuih bal lo.

LUKA 9:58

Jesuh nih, “Cinghngia nih kua an ngei i vanva nih bu an ngei, Mi fapa cu luchiahnâk a ngei lo,” tiah a ti.

LUKA 2:7

Cun a fater ah pa a hrin i puan in a zual, khualbuk ah an i tlum ti lo caah saṭil rawlpêknâk kuangah a ihter.

JOHAN 4:5

Cuticun Samaria ram i khua pakhat Saikhar an timi kha a phân, cu hmun cu Jakob nih a fapa Josef sin i loram a pêkmi pawng kha a si.

JOHAN 4:7

Samaria nu pakhat tithan awkah a ra i Jesuh nih, “Din awk ka pe,” tiah a ti.

JOHAN 4:12

Kan pa Jokob nâk in na ngan deuh maw? Anih nih hi tikhor hi a kan pêk, amah zong nih a din, a tefa le a saṭil zong nih an din,” tiah a ti.