JOHAN 3:18 - Laibaibal Thiang (BSI)

¹⁸ Amah a zummi pauh cu sualphawt an si lo; asinain Amah zum lomi pauh cu atu ah sualphawt a si cang, zeicatiah Pathian Fapa ngeihchun a min kha a zumh lo caah.

Lai (Hakha) Common Language Bible 2006

¹⁸ “Fapa kha a zummi paoh cu sual biaceihnak a ing lo, sihmanhsehlaw a zum lomi cu sualphawt a si ko cang; zeicahtiah Pathian Fapa ngeihchun kha a zum lo.

JOHAN 3:18 Խաչաձեւ Հղումներ

1JOHAN 5:10

Pathian Fapa zumtu nih amah ah hngalhnâk a ngei. Pathian a zumlotu nih Amah cu lihchim ah a canter, a chan cu Pathian nih a Fapa kong i a hngalhtermi a zumh lo caah a si.

MARKA 16:16

A zum i baptisma a ingmi cu khamh an si lai, asinain a zumlotu cu thiamlo a co lai.

ROM 8:1

Cucaah atu cu Krih Jesuh ah a um i thisa duhnâk zul loin, Thlarau duhnâk a zulmi hna caah cun thiamlocoternâk zeihmanh a um ti lo.

JOHAN 5:24

“Biataktein biataktein, kan chim hna, ka bia a thei i aka thlahtu a zummi pauh cu zungzal nunnâk a ngei cang, biaceihnâk ah a phân lai lo, thihnâk in a chuak cang i nunnâk ah a lan cang.

1JOHAN 5:12

Fapa a ngeitu nih nunnâk cu a ngei: Pathian Fapa a ngeilotu nih nunnâk cu a ngei lo.

JOHAN 3:36

Fapa a zummi pauh nih zungzal nunnâk a ngeih cang, Fapa zumlomi pauh nih nunnâk an hmu lai lo, an cungah Pathian thinhunnâk tu a hmun.

ROM 5:1

Cucaah zumhnâk thawngin thiamcoter kan si caah, ka Bawipa Jesuh Krih thawngin Pathian he remnâk kan ngei.

1JOHAN 4:9

Hitihin Pathian dawtnâk cu kan cungah langhter a si, Amah thawngin nun kan ngeih khawh nâkhnga, Pathian nih a Fapa ngeihchun cu vawlei ah a run thlah.

ROM 8:34

ahonihdah thiamlo a coter lai? A thimi kha Krih a si, culawng hmanh si loin, a tho ṭhân i Pathian orhlei kamah um in a kan nawlpiaktu cu amah ṭhiamṭhiam kha a si.

JOHAN 20:31

Asinain hi hna hi Jesuh cu Krih Pathian Fapa a si tiah nan zumh i cu zumhnâk thawngin nunnâk Amah min in nan ngeih khawh nâkhnga ṭialmi an si.

JOHAN 6:47

Biataktein, biataktein kan chimh hna, aka zummi pauh cu zungzal nunnâk a ngei cang.

JOHAN 6:40

Cun hihi aka thlahtu duhning a si, Fapa a hmu i a zummi pauh nih zungzal nunnâk ngeiseh law, cun ni dongh ni ah keimah nih ka thawhter lai,” tiah a ti.

JOHAN 1:18

Zeitikhmanh ah Pathian cu ahohmanh nih an hmu ballo. Fapa ngeihchun, Pa `angchungah a ummi nih Amah cu a phuan cang.

HEBRU 2:3

hi tluk in a nganmi khamhnâk hi zei rel loin kan um ahcun, zeitindah kan luat khawh lai? Cucu a hramthawk ah Bawipa nih a rak chim i a theitu hna nih kan sinah an fehter.

HEBRU 12:25

I ralring u Biachimtu hi nan rak hlawtsual lai. Zeitintiah vawlei i Biachimtu an duh lo ruangah hremnâk in an luat khawh lo ahcun van in Biachimtu zei i kan rel lo sual ahcun kan luat lo chin chin lai,

JOHAN 1:12

Asinain Amah cohlangtu pauh cu Pathian fa i cannâk nawl kha a pêk hna, Amin a zumtu hna cu.

JOHAN 3:16

Zeitintiah Pathian nih vawlei hi a dawt tuk hringhran i a Fapa ngeihchun kha a pêk, Amah a zummi pauh cu lotlau loin zungzal nunnâk an ngei lai.

HEBRU 3:19

Cuticun zumhlonâk ruangah an lut kho lo ti kha kan hngalh.

1JOHAN 3:23

A nawlpêkmi cu hihi a si, a Fapa Jesuh Krih min zumh i nawl a kan pêk bangin pakhat le pakhat kan i dawtmi hi.