JOHAN 20:30 - Laibaibal Thiang (BSI)

³⁰ Jesuh nih a lamkaltu hna mithmuh ah hmelchunhnâk dang tampi a tuah tak tak hna, cu hna cu hi cauk ah hin ṭial an si lo.

Lai (Hakha) Common Language Bible 2006

³⁰ Hi cauk chung i ṭial lomi hmelchunhnak tampi, Jesuh nih a zultu hna hmai i a tuahmi an um ko rih.

JOHAN 20:30 Խաչաձեւ Հղումներ

JOHAN 21:25

Cun hi hleiah Jesuh tuahmi dang tampi a um, cu hna cu pakhat hnu pakhat ṭial dih ding siseh law, ṭialnâk cauk vialte cu vawlei hmanh nih a tlum lai ka zum lo. A men.

1JOHAN 5:13

Nannih Pathian Fapa min a zumtu hna sinah, zungzal nunnâk kan ngei tiah nan i hngalh khawh nâkhnga hihi ka ṭial, cun Pathian Fapa min hi nan zumh peng khawh nâkhnga ca zongah a si.

1 KORIN 10:11

Cuthil hna cu i zohchunh awkah an cungah a tlungmi a si i cân hmadung phâk lainâk i a kan chimhringtu dingah an ṭialmi a si.

ROM 15:4

Zeitintiah Cathiang chungah inkhawhnâk, hnangamnâk le ruahchannâk kan ngeih khawh nâkhnga hlan lioah an rak ṭialmi hna kha kanmah cawnpiaknâk dingah ṭialmi an si.

JOHAN 2:11

Jesuh nih i hmelchunhnâk tuah a thawknâk hi Galili ram i Kana khua ah a si: A sunparnâk a langhter i a lamkaltu hna nih Amah kha an zumh.

JOHAN 6:2

Cuticun mizaw hna cung i hmelchunhnâk a tuahmi kha an hmuh cang caah Amah cu mi tampi nih an zulh.