JOHAN 17:25 - Laibaibal Thiang (BSI)

²⁵ Maw, a dingmi ka Pa, vawlei nih an hngal lo i keinih cun kan hngalh, hi hna zong nih naka thlah tihi an hngalh ve cang.

Lai (Hakha) Common Language Bible 2006

²⁵ A dingmi ka Pa, vawlei nih cun an hngal lo, sihmanhsehlaw kei nih cun kan hngalh i hi hna nih hin na ka thlah hi an hngalh.

JOHAN 17:25 Խաչաձեւ Հղումներ

JOHAN 17:11

Atu cu vawlei ah ka um ti lai lo, annih cu vawlei i ummi an si. Na sinah kara lai. A thiangmi ka Pa, naka pêkmi hna hi na min in kilveng ko hna, kannih pumkhat kan si bantukin pumkhat an si khawh nâkhnga.

JOHAN 17:8

Zeitintiah naka pêkmi bia kha an sinah ka pêk cang; cucu an i nunpi i na sinin a chuakmi ka si hi fiang tein an hngalh cang, Nangnih naka thlah ti zong an zumh cang.

JOHAN 15:21

Sihmanhsehlaw hi thil vialte hna hi ka min ruangah nan cungah an tuah lai, Aka thlah tu an hngalh lo caah.

JOHAN 7:29

Asinain Amah cu ka hngalh, Asin in a chuakmi ka si i Amah thlahmi ka si,” tiah a ti.

JOHAN 16:27

nannih nih nanka dawt i Pa sin in a chuakmi ka si nan zumh caah, Pa hrimhrim nih an dawt hna.

HEBRU 8:11

Ahohmanh nih ‘BAWIPA cu hngal ko’ tiin mah inpa le mah unau an cawnpiak ti lai lo; zeitintiah a hme bikin a ngan bik tiang an dih lakin anka hngalh cang lai.

2 KORIN 4:4

Krih, Pathian muisam, a liannganmi thawngṭha ceunâk nih a ceuh khawh hna nâkhnga lo hi vawlei pathian nih zumlotu ruahnâk kha a cawtter.

JOHAN 10:15

Pa nih aka hngalh bangin, kei zong nih Pa ka hngalh i tuu caah ka nunnâk ka pêk.

JOHAN 8:55

Nannih nih Amah nan hngal fawn lo. Kei nih cun Amah kha ka hngalh. Amah ka hngal lo, tining law, nanmah bantuk lihchimmi ka si ve lai, Amah ka hngalh i a bia zong ka zulh tawn.

LUKA 10:22

Ka Pa nih zeizong vialte ka kutah a chiahcang. Pa in dah tilo cun Fapa hi mizei a si kha ahohmanh nih an hngal lo. Pa zong cu mizei a si tiah, Fapa le an sin i Fapa nih a phuanduhnâk dah ti lo cun ahohmanh nih an hngal kho lo,” tiah a ti.

BIAPHUAN 13:8

Vulei cung i a ummi vialte, vawlei serka i thahmi Tuufa Nunnâk Cauk i minṭial lomi vialte nih amah cu an biak lai.

1JOHAN 1:9

Kan sualnâk kha kan phuan ahcun, kan sualnâk ngaithiam ding le kan dinlonâk vialte thianter dingin Amah cu zumhawk a tlâk i a dingmi a si.

2 THESALON 1:8

Pathian a hngal lomi le kan Bawipa Jesuh Krih thawngṭha a zum lomi hna cu mei alh he phu a hlam lai.

1 KORIN 15:34

Dingfel dingin i hlau u, sualnâk tuah hlah u; zeitintiah cheukhat cu Pathian hngalhnâk nan ngei lo. Nan ning azah nâkhnga hihi ka chimmi a si.

1 KORIN 1:21

Zeitintiah vawlei fimnâk nih Pathian a hngalh khawhlo hnu ah, Pathian fimnâk hmangin, hruhbia hmang i phungchimnâk a zumtu hna khamh an si kha Pathian â lawm deuh.

ROM 3:26

atu cân ah a dinnâk langhter nâkah, amah zong cu midik a si khawh nâkhnga le Jesuh zumtu pauh thiamcotertu a si khawh nâkhnga.

ROM 3:11

Ahohmanh theithiammi an um lo, ahohmanh Pathian a kawlmi an um lo.

ROM 1:28

Pathian kong hngalh kha an duh lo i a niammi ruahnâk ngeih awk le tuah awkah â tlak lomi tiang tuah dingin Pathian nih hnulei a chit hna.

LAMKALTU 26:18

muinâk chungin ceunâk lei ah an i mer i Satan nawlngeihnâk mertâk in Pathian lei an hoihkhawh nâkhnga, keimah anka zumhnâk thawngin zumhnâk i thianter cangmi hna lakah ro an co khawh ve nâkhnga,” tiah a ti.

LAMKALTU 17:23

Kâ chawhleh pah in nan biakmi hna ka zoh i bia`heng pakhat cungah, “HNGALH LOMI PATHIAN CAAH” tiah ṭialmi ka hmuh. Cuticun hngalh lo buin nan biak tawnmi kha, cu kong cu kan chimh hna.

JOHAN 17:23

Kei an sinah, Nang keimah ah, annih pumkhat an si i an tlamtlin khawh nâkhnga, Nangmah nih naka thlah ti le, naka dawt bangin annih zong na dawt hna ti hi vawlei nih an hngalh khawh nâkhnga.

JOHAN 17:21

an dihlak in pumkhat an si khawh nâkhnga. Ka Pa, Nang keimah ah, kei Nangmah ah ka um bantukin an dih lak in Kanmah ah pumkhat i an um khawh nâkhnga, cun vawlei nih Nangmah nih naka thlah ti a zumh khawh nâkhnga.

JOHAN 17:18

Vawlei ah naka thlah bantukin annih zong vawlei ah ka thlah hna.

JOHAN 17:3

Hihi zungzal nunnâk a si, nang Pathian taktak hngalh le, na thlahmi Jesuh Krih hngalh hi.

JOHAN 16:30

Nangmah nih zeizong vialte na hngalh i hal len zong na herh lo, tiah kan hngalh cang. Hi ruang zongah Pa sin in a chuakmi na si kha kan zumh cang,” tiah an ti.

JOHAN 16:3

Pa le kei an kan hngalh lo ruangah cuthil cu an tuah te lai.

JOHAN 8:19

Annih nih, “Na Pa cu khuazeiahdah a um?” tiah an ti. Jesuh nih, “Nannih nih nanka hngal lo, Ka Pa zong nan hngal hlei lo. Ka hngal ulaw, ka Pa zong nan hngalh ko hnga,” tiah a leh hna.

JOHAN 6:19

Cubangin mengthum mengli hrawng an tilawng an zah hnu ah Jesuh cu tidîl cungah ke in anmah a rak panh lio kha an hmuh i an ṭih.

JOHAN 3:17

Zeitintiah vawlei sualphawt awkah Pathian nih a Fapa vawleiah a thlah lo, vawlei hi Amah thawngin khamh a si khawh nâkhnga a thlahmi a si.

JOHAN 1:18

Zeitikhmanh ah Pathian cu ahohmanh nih an hmu ballo. Fapa ngeihchun, Pa `angchungah a ummi nih Amah cu a phuan cang.

MATTHAI 16:16

Simon Peter nih, “Krih Pathian nung Fapa na si,” tiah a ti.

MATTHAI 11:27

Ka Pa nih thil vialte ka kut ah a chiah cang, Pa dah ti lo cun ahohmanh nih Fa hi an hngal lo. Pa zong cu Fa le an sin i Fa nih a hngalhter duhmi dah ti lo cun ahohmanh nih an hngal kho lo.

BIAPHUAN 16:5

Cun ti vancungmi nih hitihin a chim kha ka theih: “Maw Bawipa, Nang cu miding na si, hibantuk in bia na ceih caah a um liomi le a um cangmi le a um laimi cu na si.