JOHAN 16:20 - Laibaibal Thiang (BSI)

²⁰ Biataktein, biataktein, kan chimh hna, nannih ngaihchia in nan ṭap lai, vawlei tu cu â nuam lai, nannih nan ngaih a chia lai, asinain nan ngaihchiatnâk cu lunglomhnâk ah a cang lai.

Lai (Hakha) Common Language Bible 2006

²⁰ Biatak kan chimh hna: nannih cu nan ṭap nan ai len lai, sihmanhsehlaw vawlei cu aa lawm lai; nan ngaih a chia lai, sihmanhsehlaw nan ngaihchiatnak cu lunglawmhnak ah a cang te lai.

JOHAN 16:20 Խաչաձեւ Հղումներ

JEIM 1:2

Ka unau hna, nan zumhnâk hneksaknâk nih inkhawhnâk a chuahter ti kha hngal in,

MATTHAI 5:4

Ngaihchiami cu mithluachuak an si, zeitintiah hnangam tein an um te lai.

2 KORIN 6:10

ngaihchia bangin, i lawmpeng ṭungin, sifak mi bangin, mitampi rumter ṭungin, zeihmanh ngei lo bangin, zeizong vialte ngei ṭungin kan um tawn.

MARKA 16:10

Amah he a rak umṭi cangmi hna sinah a va kal i mithi ngai i an ṭah lioah a va chimh hna.

JUDAS 1:24

Cubangin nan tlûk nâkhnga lo an kilveng khotu le a sunparnâk hmai ah lawmhnâk taktak he thûrhnawm lo in an chia khotu,

LUKA 24:21

Kannih nih Israel hna tlanhtu a si lai tiah kan i ruahchan thlathlak he. Cuhleiah, cuthil a sinâk cu nihin hi a nithumnâk a si.

SALM 30:11

Ka zûnngaihnâk kha lâmnâk ah na thlen, ka buri puan kha naka phoihpiak i lomhnâk puan na ka aihter.

SALM 30:5

A thinhunnâk cu mitṭhep kar lawng a si i a duhpiaknâk cu nunnâk caah; ṭahnâk nih zan a nguh kho ko, asinain zingah lunglomhnâk a phân.

GALATI 5:22

Thlarau theitlai tu cu, dawtnâk, lawmhnâk, daihnâk, lungsaunâk, zângfahnâk, ṭhatnâk, zumhawktlaksinâk,

ROM 5:11

Culawng a si lo, atu Amah thawngin remṭhannâk kan co hnu ah kan Bawipa Jesuh Krih thawngin Pathian zongah kan i lawm.

LUKA 24:17

Anih nih, “Kalpah i hmaichia ngai in nan i ruah lenmi kha zeidah a si,” tiah a ti.

LUKA 23:27

Cun mibu tampi nih an zulh, Amah ngaihchiat pi i a ṭap lengmang mi nu hna zong an um ve.

BIAPHUAN 18:7

Amah le amah â sunparter i â nomhter bantuk khan ngaihchiatnâk le temtuarnâk in cham ve u; zeitintiah a lungin, ‘Siangpahrang nu bangin ka ṭhu i nuhmei ka si lo, ngaihchiatnâk zong ka tong lai lo,’ tiah a ti.

BIAPHUAN 11:10

Vulei i a ummi minung hna cu an i lawm tuk lai i nuamhhnaihnâk kha an tuah lai, lawmhpinâk laksawng kha pakhat le pakhat an i kuat lai, zeicatiah cu profet pahnih hna cu lei i a ummi minung hna harnâk a petu an si caah a si.

LAMKALTU 5:41

Cuticun biaceihtu hna sinin an kal i a Min ruangah mualphonâk tuar awktlâk i ruah an si caah an i lawm ngaingai.

JOHAN 16:33

Keimah ah hnangam tein nan i dinh khawh nâkhnga hi bia hi nan sinah ka chimmi a si. Vawlei ah hin harnâk nan ton tawn, asinain hnangam tein um u, vawlei cu ka tei cang.”

JOHAN 16:6

Hibantuk bia kan chimh hna ruangah nan lungthin cu ngaihchiatnâk in a khat.

LUKA 22:62

Cuticun Peter cu a chuak i lunghno ngai in a ṭap thluah mah.

LUKA 22:45

Thlacamnâk in a rak kir i a lamkaltu sinah a ra, ngaihchiat ruang i an i hngilh kha a hmuh hna.

LUKA 6:21

Nannih atu i a rawl a ṭammi hna, mithluachuak nan si, zeitintiah nan khim te lai. Nan nih atu i a ṭapmi hna, mithluachuak nan si, zeitintiah nan nih te lai.

MARKA 14:72

A voihnihnâk ah ar cu a khuang ṭhân, Cuticun Peter nih a sinah Jesuh nih, “Ar voihnih a khuan hlanah, voithum naka hlawt lai,” a timi kha a hun hngalh i cucu ruat in a ṭap.

SALM 97:11

Miding kha a ceuh tawn hna i lungthin a dikmi caah lomhnâk a phân tawn.

1THESALON 1:6

Cun harnâk fakpi temtuar buin bia kha cohlâng in Thiang thlarau ah lawmhnâk he Bawipa le kanmah zultu ah nan i cang,

JOHAN 20:20

Cu bia cu a chim dih in an sinah akut le ahnâk kha a zohter hna i Bawipa mui an hmuh cun an i lawm tuk hringhran.

MATTHAI 21:38

Dûm congtu hna nih a fapa an rak hmuh le cângkâ, ‘Hi pa hi ro cotu ding cu a si. Ra u that usih law a co hngami ro kanmah nih kan co lai,’ tiah an ti.