JOHAN 15:24 - Laibaibal Thiang (BSI)

²⁴ Ahohmanh nih an tuah bal lomi an lak ah tuah hlah ning law sual an ngei hnga lo, atu cu annih nih kei le ka Pa ankan hmuh cang i huat zong ankan huat.

Lai (Hakha) Common Language Bible 2006

²⁴ Ahohmanh nih an tuah bal lomi ka tuahmi hi an lakah tuah loin rak um ning law cu an cungah sualnak a um hnga lo, asinain atu ning ah cun ka tuahmi kha an hmuh ko i keimah he ka Pa he an kan huat.

JOHAN 15:24 Խաչաձեւ Հղումներ

JOHAN 14:9

Jesuh nih, “Filip, hitluk sau nan sinah ka um nain nanka hngal lo maw? A ka hmumi pauh Pa a hmumi a si, zeitindah Pa kan hmuhter na ti khawh?

JOHAN 5:36

Asinain hngalhternâk ka ngeihmi hi Johan hngalhternâk nâk in a ngan deuh. Pa nih ka lîm awkah a ka pêkmi rian ka ṭuan liomi nih hin Pa nih a thlahmi ka si hi a hngalhter.

JOHAN 10:37

Ka Pa rianṭuantu ka si lo ahcun, ka zum hlah u;

JOHAN 10:32

Jesuh nih, “Ka Pa sinin rianṭha tampi kan hmuhsak cang hna. Zeiruang bik ah dah lungin cheh nan ka timh?” tiah a ti hna.

JOHAN 9:32

Vawlei semka in mitcaw cia in a chuakmi mitdeinâk kong kan thei bal rih lo.

JOHAN 7:31

Mitampi nih Amah cu an zumh i Krih a rak phâk tik zongah, Hi pa nâkin hmelchunhnâk tam a tuah hlei hnga maw?” tiah an ti.

JOHAN 3:2

Cupa cu zanah Jesuh sinah a ra i “Rabbi, Pathian sinin a rami cawnpiaktu na si kha kan hngalh, na tuahmi hmelchunhnâk hna hi Pathian umpi lo ahcun ahohmanh nih an tuah kho lai lo,” tiah a ti.

MATTHAI 9:33

Khuachia kha ṭhawl a si tikah holh kho kha a holh. Mizapi cu an khuaruah a har i, “Israel mi hna lakah hibantuk thil hi hmuhawk a um bal lo,” tiah an ti.

JEIM 4:4

Nannih ṭangdang a kaimi nu le ṭangdang a kaimi pa le hna! Vawlei he i hawikomhnâk hi Pathian he ralchanhnâk a si kha nan hngal lo maw? Cucaah vawlei hawikawm si a duhmi pauh cu Pathian ral ah â cang tawn.

2TIMOTE 3:4

hlawt a hmangmi, lung khongmi, â uahmi, Pathian daw loin mah nomhnâk a daw deuhmi an si lai.

ROM 1:30

kongceih hmang, Pathian a huatu, mipuarthau, miporhlaw, miruamkai, sualnâk thar chuahtertu, nu le pa nawl a ngai lomi,

LAMKALTU 10:38

Nazaret Jesuh, kha bantukin Pathian nih Thiang Thlarau le thiltikhawhnâk in sathau a thuh ning le thilṭha tuah in khual a tlawng i khuachia serhsatmi vialte a damter hnanâk kong kha, zeitintiah a sinah Pathian a um.

LAMKALTU 2:22

“Nannih Israel mi hna, hi bia hi ngai u; Nazaret Jesuh kha, nan lakah a liannganmi thil le, khuaruahhar le hmelchunhnâk hna hmangin Pathian nih a dirkamh i a langhtermi a si kha nanmah hrimhrim nih nan hngalh.

JOHAN 12:45

Aka hmumi pauh cu aka thlahtu hmu a si.

JOHAN 6:36

Asinain nan ka hmuh ko nain nan zum lo tiah kan chimh cang hna kha.

LUKA 24:19

Anih nih, “Zei thil dah?” tiah a ti. Annih nih, “Nazaret Jesuh, Pathian le mi vialte mit hmuh ah bia le tuahsernâk i a min a thang ngaimi profet kong cu ta,

MARKA 2:12

Chikkhatteah a tho i a ihphah zualin an dihlak hmuhah a chuak cawlh, an dihlak in mak an ti ngaingai. “Hi bantuk hi kan hmu bal lo!” tiin Pathian an thangṭhat.

MATTHAI 21:32

Zeitintiah Johan cu dinnâk lam hmuhsaktuah a ra i nan zum duh lo, ngunkhuai khawltu le hlawhhlang tu nih an zumh, cucu nan hmuh ko nain zum dingin nan i mer duh lo.

MATTHAI 11:5

Mitcaw mi nih khua an hmuh, kei beimi ke in an kal, thinghmuimi an thiang, hnachetmi nih thawng an theih, mithi hna thawhter an si i sifak hna nih thawngṭha an theih.

PHUNGTHLÛKBIA 8:36

Asinain ka cungah sualnâk a tuahtu nih amah nunnak a hrawh i aka huatu vialte cu thihnâk a dawtu an si.”

SALM 81:15

BAWIPA a huatu hna kha a hmaiah a hleng in an i pe lai, asinain zungzal in an rawk lan lai.

JOHAN 12:10

Tlângbawi hna nih amah ruanghah mitampi nih an kaltâk hna i Jesuh an zumh ruangah,

JOHAN 9:41

Jesuh nih, “Mit caw rak si ulaw, sualnâk nan ngei hnga lo; asinain atu ah, kan hmuh khawh ko, tiah nan ti fawn. Cucaah nan sualnâk cu a um peng ko,” tiah a ti hna.

JOHAN 15:21

Sihmanhsehlaw hi thil vialte hna hi ka min ruangah nan cungah an tuah lai, Aka thlah tu an hngalh lo caah.

JOHAN 15:22

Kei ra in an sinah bia chim hlah ninglaw sual an ngei hnga lo. Atu cu an sualnâk chungin sawlhphelhnâk an ngei kho ti lo.

JOHAN 15:23

Aka hua mi pauh nih ka Pa zong a huat.

JOHAN 16:9

Sual cu anka zumhlo caah a si.