JOHAN 15:16 - Laibaibal Thiang (BSI)

¹⁶ Nannih nih nan ka thim lo, keimah nih kan thim hna, theiṭha chuah awk le a hmunmi theitlai chuah dingin kan ruahmi hna nan si, ka min in Pa sinah nan halmi pauh an pêk hna nâkhnga.

Lai (Hakha) Common Language Bible 2006

¹⁶ Nannih nih cun nan ka thim lo, keimah nih kan thim hna i a hmun ding thei kha tampi in va tlai tuah u tiah kan fial hna. Cucaah ka min in nan halmi paoh cu ka Pa nih an pek hna lai.

JOHAN 15:16 Խաչաձեւ Հղումներ

SALM 145:4

Chankhat hnu chankhat na tuahmi kha an thangṭhat lai, a lianngan ngaimi na tuahmi thil hna cu an hngalhter lai.

SALM 71:18

Atu ka tar cang i ka sam apar hnu ah hin, Maw Pathian, ka kaltâk sawh hlah; atu chanthar mi hna le, a chuak hngami vialte sinah, na ṭhawnnâk le thiltikhawhnâk hi ka phuan chuah hlan ah cun.

PHUNGTHLÛKBIA 11:30

Miding hna theitlai cu nunnâk thing a si i thlarau tlaitu hna cu mifim an si.

MATTHAI 21:22

Zeizong vialte hi zumhnâk he thlacam in nan hal ahcun, nan hmuh ko lai,” tiah a leh hna.

MATTHAI 7:7

Hal law, pêk na si lai; kawl law, na hmuh lai; king law, on piak na si lai.

LUKA 6:13

A thaizing ah a zultu kha a sinah a kawh hna i anmah chungin hleihnih a thim hna. An min ah lamkaltu tiah a ti hna.

JOHAN 13:18

Nan dihlak kong ka chim lo. Ka thimmi cu ka hngalh. Asinain cathiang nih, “Ka changreu â hrawmmi nih, a kedil ka cungah a chuan, tiah a chimmi tlinnâk ding caah a si.

JOHAN 15:19

Nannih vawlei mi hei si ulaw, vawlei nih cun amah ta a simi cu a dawt ko lai. Vawlei mi nan si lo. Vawlei in kan thimmi hna nan si ruangah vawlei nih an huat hna.

JOHAN 15:5

Keimah hi misur ruang cu ka si, nannih a nge nan si. Keimah ah a um peng i kei zong a mah i ka um pengnâk cu tampi in theitlai a chuah tawn; keimah lo in zeihmanh nan tuah kho lo.

JOHAN 6:70

Jesuh nih, “Nannih hleihnih hna hi Keimah thimmi nan si lo maw? Nan lak i pakhat khuachia a hei si rih,” tiah a ti.

LAMKALTU 1:24

Cun thla an cam i “Maw, Bawipa, lungthin vialte a hngaltu, hi hna pahnih lakah aho deuh dah na thim kan hngalter ko.

LAMKALTU 1:8

Asinain nan cungahThiang Thlarau a phâk tikah thiltikhawhnâk nan ngei lai, Jerusalem le Judah ram vialte, Samaria ramkip le vanhram deng tiangin ka bia hngalhpitu nan si lai,” tiah a ti.

LAMKALTU 10:41

mi vialte sinah cun a si lo, hngalhpitu dingah Pathian nih a thim khunmi hna sin lawngah a si, thihnâk in a thawhṭan hnuah a sin i a ei i a dingmi kan sin zongah.

LAMKALTU 22:14

Anih nih, ‘Kan pupa hna Pathian nih a duhnâk hngaltu ding le mifel cu hmu in a chimmi theitu dingah an thim.

LAMKALTU 9:15

Asinain Bawipa nih, “Kal ko, Jentel mi le, siangpahrang hna le, Israel mi hna sinah ka min luhpitu dingah ka thimmi ûm a si.

ROM 1:13

Cubangin unau hna, Gentel dang hna sinin theipar ka hmuh cang bangin nan sin zongin ka hmuh khawh nâkhnga nan sin i rat hi voi tampi kâ timh cangnâk kha theihter kan duh hna. (Asinain atu tiang kham ka si ko rih)

ROM 1:5

Amah min thawngin zumhnâk cu miphun vialte zumhter dingah amah ah zângfahnâk le lamkaltu sinâk kan co,

ROM 15:4

Zeitintiah Cathiang chungah inkhawhnâk, hnangamnâk le ruahchannâk kan ngeih khawh nâkhnga hlan lioah an rak ṭialmi hna kha kanmah cawnpiaknâk dingah ṭialmi an si.

ROM 9:21

Bêllei tlangkhat chungin ûm ṭha deuh le a dang ṭhalo deuh ser dingin ûmsertu nih nawl a ngei lo maw?

1 KORIN 10:11

Cuthil hna cu i zohchunh awkah an cungah a tlungmi a si i cân hmadung phâk lainâk i a kan chimhringtu dingah an ṭialmi a si.

GALATI 1:15

Asinain Pathian duhningin, ka nu paw chungin aka thleidangtu le a zângfah nâkin a ka kotu nih,

EFESA 2:10

Thilṭha tuah dingah Krih Jesuh ah sermi kan si i Amah kutchuak kan si, cu thilṭha tuah cu kan umnâk dingah Pathian nih a rak timhlamh ciami a si.

KOLOSE 1:23

vanrang tang sermi vialte sinah chimmi thawngṭha nan theihmi ah hninh khawh loin hram nan bunh i ruahchannâk le zumhnâk i nan um taktak ahcun, keimah Paul zong cu rianṭuantu ah ser ka si.

KOLOSE 1:6

cucu vawlei vialte ah a phân i theitlai a chuah bantukin nan sin zongah a rak phân, Pathian zângfahnâk biatak nan ngaih i nan hngalh hnuah nanmah lak zongah theitlai a chuah cuahmah lio a si;

1TIMOTE 2:7

zeitintiah keimah zong cu bia chimtu le lamkaltu ah ruahmi ka si, Krih ah biatak ka chim i ka lih lo, zumhnâk le biatak ah Gentel mi hna cawnpiaktu ah ruahmi ka si.

2TIMOTE 1:11

cucu Gentel mi hna cawnpiak dingah lamkaltu le cawnpiaktu ah ruahmi ka si.

2TIMOTE 2:2

Cun hngalhpitu tampi hna le keimah sinin na theihmi hna kha midang a cawnpiak chin khotu zumhawktlâk sinah pe chin hna.

TITAS 1:5

Hiruangah Kret tikulh ah kan chiah ta, cucu lîm lomi thil kha ningcang tein narak tuah i nawl kan pêk bangin khua kipah upa kha na rak chiah hna nâkhnga-

HEBRU 11:4

Zumhnâk in Âbel nih Kain nâkin raithawinâk ṭha deuh Pathian sinah a pêk, cunihcun miding a sinâk a langhter, a pêkmi cu Pathian nih a hngalhpi i cu thil nih a thih hnu tiangin bia a chim.

JEIM 3:18

Dinnâk theitlai cu daihnâk sertu hna nih daihnâk in an tuh tawn.

1 PETER 3:15

Bawipa Pathian kha nan lungthin ah thleidang ulaw, nanmah i nan ngeihmi ruahchannâk kong an haltu hna pauh lungnemnâk le hmaizah awktlâk i leh awkah timhcia tein um u.

1 PETER 3:2

anmah ṭihzahnâk he nun thianghlim tein nan um an in hmuhnâk ah hin a si.

1JOHAN 4:10

Dawtnâk cu hihi a si, Pathian kan dawt hi si loin, Amah nih a kan dawt i kan sualnâk hna ngaihthiamnâk ah a Fapa a run thlahmi hi a si.

1JOHAN 4:19

Akan dawt hmasat caah kan dawt ve.