JOHAN 14:27 - Laibaibal Thiang (BSI)

²⁷ “Daihnâk kan chiahta hna, keimah daihnâk kan pêk hna, vawlei pêkmi bangin kan pek hna lo. Nan khuaruah har hlah seh, ṭih zong ṭih hlah u.

Lai (Hakha) Common Language Bible 2006

²⁷ “Daihnak kan chiahtak hna, keimah daihnak cu kan pek hna. Vawlei nih an pek hna bantukin kan pe hna lo. Lungrethei le vansang au in um hlah u: nan thin zong phang hlah u.

JOHAN 14:27 Խաչաձեւ Հղումներ

FILIPI 4:7

cun Pathian daihnâk, theihthiamnâk vialte a lonhtu nih khan nan lungthin le nan ruahnâk kha Krih Jesuh ah a kilven lai.

JOHAN 16:33

Keimah ah hnangam tein nan i dinh khawh nâkhnga hi bia hi nan sinah ka chimmi a si. Vawlei ah hin harnâk nan ton tawn, asinain hnangam tein um u, vawlei cu ka tei cang.”

2 THESALON 3:16

Daihnâk Bawipa Amah hrimhrim nih a lam kipah daihnâk in pe zungzal ko hna seh. Bawipa cu nan dihlak cungah um ko seh.

KOLOSE 3:15

Cun Pathian daihnâk nih nan lungthin kha uk ko seh, cubantuk i um dingin pum pakhat ah kawh nan si, cun â lawmmi si u.

2TIMOTE 1:7

Zeitintiah Pathian nih ṭihnâk thlarau a kan pe lo, ṭhawnnâk dawtnâk le ruahnâk ṭha thlarau tu kha a kan pêk.

ROM 15:13

Thiang Thlarau ṭhawnnâk thawngin ruahchannâk in a khatmi nan sikhawh nâkhnga, ruahchannâk Pathian nih nan zumhnâk ah lomhnâk le daih nâkin in khahter hna seh.

ROM 8:6

Thisa duhnâk lawng ruah cu thihnâk a si. Thlarau thil ruah cu nunnâk le daihnâk a si.

GALATI 1:3

Pa Pathian leh kan Bawipa Jesuh Krih sinin zângfahnâk le daihnâk um ko seh,

GALATI 5:22

Thlarau theitlai tu cu, dawtnâk, lawmhnâk, daihnâk, lungsaunâk, zângfahnâk, ṭhatnâk, zumhawktlaksinâk,

SALM 29:11

BAWIPA nih a mi hna sinah ṭhawnnâk a pek lai i BAWIPA nih a mi le kha daihnâk he thlua a chuah hna lai.

ROM 5:1

Cucaah zumhnâk thawngin thiamcoter kan si caah, ka Bawipa Jesuh Krih thawngin Pathian he remnâk kan ngei.

JOHAN 14:1

“Lungrethei in um hlah u, Pathian nan zumh khah, keizong ka zum ve u.

SALM 112:7

Thawngpang ṭhalo nih a ṭihter lai lo; BAWIPA â bochan i a lungthin a fek.

ROM 5:10

Zeitintiah ral kan si lio hmanhah a Fapa thihnâk thawngin Pathian he kan i remṭhân ahcun, atu kan i remṭhân hnu ah a nunnâk ruangah khamh kan si chin chin lai.

JOHAN 20:21

Jesuh nih, “Nan cungah daihnâk um ko seh,” Pa nih a ka thlah bantukin kei zong nih kan thlah ve hna.

SALM 56:11

Pathian ah Amah kâ bochan i ka ṭih lai lo. Minung nih zeidah anka tuah khawh lai?

SALM 91:5

Zan i ṭihnung na ṭih lai lo i chun i thal a zuangmi zong na ṭih hna lai lo.

KOLOSE 1:20

cun van i a ummi le lei i a ummi vialte zong Amah he remterṭhân kha a duh caah a vailam thisen in daihnâk kha a rak ser;

ROM 1:7

Rom khua i Pathian dawtmi, mithiang si dingin kawhmi vialte sinah Pathian, kan Pa le Bawi Jesuh Krih sin in zângfahnâk le daihnâk nan cungah um ko seh.

SALM 85:10

Vêl le biatak an i tong i dinnâk le daihnâk an i hnam.

1 KORIN 1:3

Kan Pa Pathian le Bawipa Jesuh Krih sinin zângfahnâk le daihnâk nan sinah um ko seh.

SALM 56:3

Ka ṭih hna tikah, nangmah kan bochan lai.

JOHAN 20:19

Cuni ṭhiamṭhiam zarhkhat chung ni hmasa bik zanleiah Judah mi hotu an ṭih ruangah lamkaltu hna umnâk innkâ kha an khar hnu ah, an lakah Jesuh cu a rak dir i an sinah, “Nan cungah daihnâk um ko seh,” tiah a ti.

2 THESALON 1:2

Pa Pathian le Bawipa Jesuh Krih sinin zângfahnâk le daihnâk nan sinah um ko seh.

LAMKALTU 10:36

Pathian nih Israel fale hna sinah bia a rak phâkter i daihnâk bia Jesuh Krih hmangin phuan a si-Amah cu mi vialte Bawi a si-

LUKA 2:14

“Cungnung bikah Pathian thangṭhat in um ko seh. Lei cungah a lawmhmi minung sinah daihnâk um ko seh,” tiah an ti.

LUKA 1:79

Muihnâk le thihnâk thladem tang i a ṭhumi hna ceuh awkah daihnâk lam i kan ke a kal khawh nâkhnga, cunglei ni ceu dawh nih a kan zuan hnawh.

HEBRU 13:20

A liannganmi Tuukhal, kan Bawipa Jesuh thihnâk in thawhtertu, daihnâk Pathian nih a thisen i zungzal biakam thawngin,

LAMKALTU 18:9

Zanah Paul sinah Bawipa â lang i bia a chimh, “ṭih hlah, dai loin bia chim lengmang ko;

MATTHAI 10:26

Cucaah annih cu ṭih hna hlah u; lang lo dingin chinhmi zeihmanh a um lo, hngalh lo dingin thuhmi zeihmanh a um lo.

SALM 27:1

BAWIPA cu ka ceunâk le khamhnâk a si, ahodah ka ṭih hnga? BAWIPA cu kan nunnâk caah ṭhawnnâk a si i ahonihdah anka ṭihter lai?

BIAPHUAN 2:10

Na tuardingmi thil kha zei a si hmanhah ṭih hlah. A ngaingai tiah, khuachia nih nan lak i mi cheukhat hniksak dingin thongah an thlâk hna lai i ni hra chung harnâk nan tuar lai. Thih tiangin zumhtlâk in um law, nunnâk bawiluchin kan pêk lai;

BIAPHUAN 1:4

Kei Johan nih, Asia ram i a ummi kawhhran pasarih hna sinah, a um liomi le a um cangmi le a um laimi sin le bawiṭhutdanh hmai i Thlarau pasarih hna sin le;

HEBRU 7:2

Abraham zong nih zeizong vialte ah cheuhra cheukhat a rak pêkmi pa kha, a hram thawk ah, “dinnâk siangpahrang” ti a rak si; cu hnu ah Salem siangpahrang ti a si, a sullam cu, “daihnâk siangpahrang” tinâk a si.

JOHAN 20:26

Cun niriat hnu ah lamkaltu hna cu inn chungah an um ṭhân, Thomas zong a um ve. Jesuh a ra, inn kha hrenh dih an si ko nain an lakah a hung dir i, “Nan cungah daihnâk um ko seh,” tiah a ti.

SALM 28:3

Misuaksual hna sinah ka chia hlah law, sualpalhnâk a tuahtu hna sin zongah ka chia hlah, an innpa sinah daihnâk an chim nain an lungthin cu Ṭhatlonâk a si.

PHUNGTHLÛKBIA 3:25

ṭih a nungmi launâk zong ṭihhlah, asiloah misuaksual hna tonmi buainâk zong ṭih hlah.

BIAPHUAN 21:8

Asinain miralchia, zumlotu, fihnungmi, lainawngmi, horduh cuaimi, doihthiammi, milem biami hna le lih chimmi vialte umnâk ding cu mei le kât mei tili, thih voihnihnâk cu a si.

GALATI 6:16

Cun hi phung ningin a kalmi hna sinah daihnâk le zângfahnâk an cungah um ko seh, cun Pathian Israel hna cung zongah um ko seh.

LUKA 10:5

Nan luhnâk inn pauh ah a hmaisa bik ah, “Hi inn ah daihnâk phân ko seh,” nan ti lai.

SALM 72:7

A nun lio ah miding kha an hninghno lai i thlapa ceu a um chung pauh cu duh a dimmi daihnâk a um lai.

KOLOSE 1:2

Kolose khua i Krih-ah mithiang le zumhtlâk unau hna sinah: Pathian kan Pa le Bawipa Jesuh Krih sinin zângfahnâk le daihnâk nan sinah um ko seh.

LUKA 12:4

“Ka hawi le hna, taksa a that i cuhnu ah zeihmanh a tuah kho ti lomi cu va ṭih hlah u.

SALM 11:1

BAWIPA ah ka zumhnâk ka chuan; zeitindah ka nunnâk sinah, “Na tlâng cungah vate bangin zâm,” na ti khawh?

SALM 72:2

Na mi kha dinnâk in bia a ceih hna lai i sifâkmi nami hna zong diknâk in bia a ceih hna lai.