JOHAN 11:48 - Laibaibal Thiang (BSI)

⁴⁸ Hibangin kan zohsawh ko ahcun, mi vialte nih Amah an zumh lai, Rommi an ra lai i kan hmun le kan miphun hi an kan lâkpiak ko lai,” tiah an ti.

Lai (Hakha) Common Language Bible 2006

⁴⁸ Hitihin kan thlahdorh ko ahcun mi vialte nih an zumh lai. Cun Rom pawl kha an ra lai i kan biakinn he kan miphun he an kan hloh dih lai,” an ti.

JOHAN 11:48 Խաչաձեւ Հղումներ

LAMKALTU 5:28

“Hi pa min i cawnpiak ti lo ding kan in ti cang hna, zohhmanh u, nan cawnpiaknâk Jerusalem khua nan khahter cang, cu pa thisen mawh cu kan cungah chawnh nan timh fawn,” tiah an chalh hna.

LUKA 11:52

Nannih nawlbia hngaltu hna, ngaihchia nan va si dah! Zeitintiah fimnâk tawh cu nan thuh. Nanmah le nan lut duh lo, luh a duhmi hna zong nan kham hna,” tiah a ti.

LUKA 8:12

Lamkam i a tlami cu bia a thei cangmi an si, khamhnâk an co nâk dingah an zumh nâkhnga lo, khuachia cu a ra i an lungthin i a ummi bia kha a lakpiakmi bantuk an si.

MATTHAI 27:25

Mi vialte nih, “A thisen mawh cu kanmah le kan fa le cungah tla ko seh,” tiah an leh.

MATTHAI 22:7

Cu thil cu siangpahrang nih a theih tikah a thin a hung ngaingai. Ralkap a thlah hna i lainawngmi kha hrawkin an khua zong mei in a khanghter dih hna.

JOHAN 1:7

Cupa cu hngalhpitu ah a ra, ceunâk bia cu hngalhpitu le, amah thawngin mi vialte nih an zumh nâkhnga.

MATTHAI 22:9

Cucaah zatlâng lamah kal ulaw, nan hmuhmi pauh rawl ei awkah va sawm hna u,’ tiah a ti.

MATTHAI 24:15

“Profet Daniel nih a rak chimmi, ‘Ṭhiotu fihnung’ hmun thiang i a dir nan hmuh tikah a reltu hna nih a sullam hngal ko hna seh.