JOHAN 1:1 - Laibaibal Thiang (BSI)

¹ A hramthawk ah Bia a um, Bia cu Pathian sinah a um, Bia cu Pathian a si.

Lai (Hakha) Common Language Bible 2006

¹ Vawlei hi ser a rak si hlanah Bia cu a rak um cang; cu Bia cu Pathian sinah a rak um i cu Bia cu Pathian a si.

JOHAN 1:1 Խաչաձեւ Հղումներ

JOHAN 17:5

Maw, ka Pa, vawlei umhlan in na sinah sunparnâk ka ngeihmi khan, atu ah Nangmah he ka sunparter hrâm ko.

BIAPHUAN 19:13

Thisen ah ciahmi puan â aih i a min cu Pathian Bia ti a si.

KOLOSE 1:17

Amah cu zeizong vialte hlanah a um cang, cun zeizong vialte hi Amah ah an i fu dih.

JOHAN 1:14

Bia cu titsa ah â cang i kan sinah khua a sa, a sunparnâk kan hmuh. Pa Fa ngeihchun sunparnâk bantukin, zângfahnâk le biatak in a khat.

BIAPHUAN 22:13

Kei cu Alpha le Omaga, Hramthawknâk le Donghnâk, Hmasa bik le Hmadung bik ka si.

JOHAN 1:2

Amah cu a hramthawk in Pathian sinah a um.

BIAPHUAN 1:8

“Kei Alpha le Omega, Hramthawknâk le Donghnâk, a um liomi le a um cangmi le a um laimi Zeizongtuahkho ka si,” tiah Bawipa nih a ti.

FILIPI 2:6

Amah cu Pathian sinâk ngeitu asinain, Pathian tluk i um kha hranhrâm in cuh awkah a ruat lo,

MATTHAI 1:23

“Ngaihmanh, ngaknu thiang fa a pawi lai i Fapa a hrin lai, A min ah Immanuel an ti lai,” timi a tlin nâkhnga ca-ah a si. Immanuel ti cu, “Kan sinah Pathian a um” tinâk a si.

BIAPHUAN 21:6

Cun ka sinah, “Lîm a si cang! Keimah cu Alpha le Omega, Hramthawknâk le Donghnâk. Ati a hâlmi kha nunnâk cerhti man lo tein ka pêk hna lai.

HEBRU 13:8

Jesuh Krih cu nizan, nihin, a zungzal in a hmun.

1JOHAN 5:20

Pathian Fapa cu a ra i a dikmi Amah kha kan hngalh khawhnâk dingah hngalhthiamnâk a kan pêk cang ti kha kan hngalh. Kannih cu a Fapa Jesuh Krih a dikmi Amah ah khan kan um. Hihi Pathian dik le zungzal nunnâk a si.

1TIMOTE 3:16

Pathianmisinâk biathli liannganning cu elkhawh a si lo. Pathian cu thisa ah â cang i Thlarau ah thiamcoter a si, vanmi nih an hmuh i Gentel mi hna sinah aupi le vawlei mi nih an zumh i sunparnâk ah kaipimi a si.

JOHAN 16:28

Keimah hi Pa sin in a chuak i vawlei i a rami ka si. Vawlei hi chuahtak in Pa sin i a tlung`hân ding ka si,” tiah a ti.

BIAPHUAN 1:17

Ka hmuh tikah mithi bangin ake hramah ka tlu. Asinain a orhlei kut kha ka cungah a chiah i “ṭih hlah, keimah cu Hmasa bik le Hmahnung bik ka si,” tiah a ti.

JOHAN 20:28

Thomas nih a leh i, “Ka Bawipa le ka Pathian na si,” tiah a ti.

TITAS 2:13

Ruahchannâk duhnung, a lianngan mi kan Pathian le kan Khamhtu Jesuh Krih sunparnâk he â langhnâk kha kan cuan.

HEBRU 7:3

Amah cu pa ngeilo, nu ngeilo, hringsortu ngeilo, hramthawknâk le donghnâk zong ngei lomi Pathian Fapa bangin canter a si i peh thliah mahin tlângbawi a si.

BIAPHUAN 3:14

“Cun Loadisia kawhhran vancungmi sinah hitihin ṭial, ‘Amen, Zumhtâk le Hngalhpitu Taktak, Pathian sermi thil hna Hrampi nih hitihin a chim.

EFESA 3:9

Jesuh Krih thawngin zeizong vialte sertu Pathian nih zungzal in a rak thuhmi i hawikawmhnâk biathli cu mi vialte sinah phuang dingin hi zângfahnâk hi pêk ka si.

BIAPHUAN 1:2

amah nih Pathian bia le Jesuh Krih kong a hmuhmi vialte kha a hngalhter hna.

1JOHAN 5:7

Vanah hngalhpitu pathum an um, Pa, Bia, le Thiang Thlarau an si; hi pathum hna hi pumkhat an si.

ROM 9:5

hringtu hna kha an ta a si rih, thisa leiin ti ah Krih cu an chung i a chuakmi a si, Amah cu thil vialte cung i ummi, zungzal in thangṭhat awktlâk Pathian a si. Amen.

JOHAN 1:18

Zeitikhmanh ah Pathian cu ahohmanh nih an hmu ballo. Fapa ngeihchun, Pa `angchungah a ummi nih Amah cu a phuan cang.

SALM 45:6

Maw Pathian, na bawiṭhutdan cu zungzal in a hmunmi a si, dinnâk ṭhiangṭhut zong na pennâk ṭhiangṭhunh a si.

BIAPHUAN 2:8

“Cun Smirna kawhhran vacungmi sinah hitihin ṭial, Hmaisa bik le Hmahnung bik, a thi cang i a nung ṭhânmi nih hi bia hi a chim.

2 PETER 1:1

Simon Peter, Jesuh Krih sal le, Lamkaltu nih, khamhtu Jesuh Krih kan Pathian dinnâk thawngin a sunglawimi zumhnâk kan comi bantuk a co vemi hna sinah,

BIAPHUAN 1:11

Cu aw nih “Kei cu Alpha le Omega, Hmaisa bik le Hmahnung bik ka si. Na hmuhmi cu cauk ah ṭial law, Asia ram i a ummi kawhhran pasarih; Efesa, Smirna, Pergamos, Thiatira, Sardis, Filadelfia le Laodisia sinah kuat hna,” tiah a ti.

LUKA 24:53

an cân vialte ṭempal ah Pathian thangṭhat le lawmhnâk bia chimnâk ah an hman. Amen.

JOHAN 8:58

Jesuh nih, “Biataktein, biataktein kan chimh hna, “Abraham um hlanah, a UMMI ka si,” tiah a ti hna.

KOLOSE 1:15

Amah cu hmuh khawh lomi Pathian muisam sermi thil vialte ah hrin-hmasa bik a si;