HEBRU 8:13 - Laibaibal Thiang (BSI)

¹³ “Biakam thar,” tiah a chim caah, a hmasa kha a hmang ti lo. Atu i hman ti lomi le a hlun tuk cangmi cu lohtlau â thawk cang.

Lai (Hakha) Common Language Bible 2006

¹³ Pathian nih biakamnak thar kong a chim caah hin a hmasa deuh kha cu a hlun ah a cang i a hlunmi le a ṭetmi paoh cu an lo zau ko lai.

HEBRU 8:13 Խաչաձեւ Հղումներ

2 KORIN 5:17

Cucaah mizei pauh Krih ah a um ahcun sertharmi a si, thilhlun cu an lo i ngaihmanh u, zeizong vialte a thar cang.

HEBRU 9:15

Hiruangah hin Amah cu biakam thar lamkaltu a si i biakam hmasa tang i nawlbuarnâk kha tlanh dingin a rak thi, cucaah kawhmi hna nih zungzal roconâk biakam cu an co khawh lai.

1 KORIN 13:8

Dawtnâk cu a dongh bal lo. Chimchung bia a um ko lai nain an dongh lai, holh dangdang i holh a um ko lai nain an ngol lai, hngalhnâk hi um hmanhsehlaw lohter a si lai.

MATTHAI 24:35

Lei le van an rawk lai, ka bia cu zeitilei hmanh in a rawk lai lo.

LUKA 22:20

Cubangin zanriah ei dih ah, hrai zong kha a lâk i, “Hi hrai hi ka thisen i biakam thar, nan ca i a chuak hngami cu a si.

2 KORIN 3:6

Amah lila ah biakam thar rianṭuantu ah a kan tlinter, câ chung bia men i rianṭuantu si loin, Thlarau riantuantu ah a si deuh. Câ chung bia men nih cun mi a thah i Thlarau nih cun a nunter.

HEBRU 1:11

An rawk dih lai nain Nang cu na hmun lai: Cuvialte cu thilthuam bangin an hlun dih te lai:

HEBRU 7:22

cutluk tam in Jesuh cu a ṭha chin chinmi biakamnâk fehtertu a rak si.

HEBRU 8:6

Asinain atu ah a ṭha deuhmi biakam, ṭha chin chinin kamhmi bia cungah fehter cangmi caah lamkaltu a si bangin, a ṭha deuhmi rian a co cang.

HEBRU 8:8

Amah ah palhnâk a hmuh ruangah BAWIPA nih, “Ngaihmanh Israel chungkhar le Judah chungkhar hna sinah biakam thar ka tuah laimi ni a nai cang.

HEBRU 12:24

Jesuh biakam thar lamkaltu, thisen theh, Abel thisen nâk in bia ṭha deuh chimtu hna sinah a phânmi nan si.