HEBRU 8:1 - Laibaibal Thiang (BSI)

¹ Cubangin hihi kan chimmi hna tlângkomhtu cu a si; cubantuk Tlângbawi Ngan bik, van cungah Cungnung bik ṭhutnâk orhlei kam i a ṭhumi,

Lai (Hakha) Common Language Bible 2006

¹ Ka chimmi chungah a biapi bik cu hihi a si: cu bantuk Tlangbawi Ngan thengte cu kan ngei i amah cu vancung i a Lian Ngan Bik orhlei kam i a ṭhumi a si.

HEBRU 8:1 Խաչաձեւ Հղումներ

KOLOSE 3:1

Krih sinah thawhter nan si ahcun cunglei Pathian orhlei ah a ṭhumi Krih umnâk i a ummi thil hna khi kawl u.

HEBRU 1:3

Amah hi a sunparnâk ceu cu a si i Mi a sinâk kokek taktak langhtertu a si, a bia ṭhawnnâk nih zeizong vialte hi a tlaih i kan sualnâk kha Amah hrimhrim nih a thianter hnu ah Cungnung bik orhlei kamah a ṭhu.

BIAPHUAN 3:21

Teitu sinah ka bawiṭhutdan cungah ka pawng i ṭhutnâk nawl ka pêk lai, kei zong nih ka tei i ka Pa sinah a bawiṭhutdanh cung i ka ṭhut bantukin.

HEBRU 12:2

Jesuh kan zumhnâk hrampi le tlintertu lei khi zoh in tli u sih, Anih nih cun a hmai lei i chiahmi lawmhnâk ruangah ningzahnâk zeirel loin vailamtahnâk kha tuar in Pathian ṭhutdanh orhlei kamah a ṭhu.

HEBRU 2:17

Cucaah minung hna caah sualngaihthiamnâk tuahpiak dingin, Pathian lei ah Tlângbawi Nganbik, velngeimi le zumhtlâk a si khawh nâkhnga zeizong kipah a unau hna bang i a run i can kha a ca zongah a herhmi a si.

HEBRU 10:12

Asinain Anih nih cun zungzal caah sual thawinâk voikhat lawng a tuah hnu ah Pathian orhlei kam ah a ṭhu;

SALM 104:1

Maw ka nunnâk, BAWIPA cu thangṭhat! Maw BAWIPA ka Pathian nangmah cu na lianngan hringhran ko: Sunparnâk le upatnâk i thuamhmi na si.

SALM 21:5

A sunparnâk cu na khamhnâk ah a lianngan, upatnâk le lianhngannâk a cungah na chiah.

HEBRU 1:13

Asinain vanmi ahosin bik ahdah hihi a chim bal? “Na ral hna na ke chiahnâk i ka canter hlan pauh cu ka orhlei ah ṭhu,” tiin.

EFESA 6:20

zeitintiah hi thawngṭha Lamkaltu, cikcin in hrenchihmi ka si, cucaah ka chim hngami ral ṭhain ka chim khawh nâkhnga ka nawlpiak u.

SALM 145:12

Minung fale hna sinah na tuahmi thil lianngan le, â dawhmi le liannganmi a pennâk hngalhter dingin.

SALM 110:1

BAWIPAnd nih ka Bawipa sinah, “Na ral hna na ke lamhchan i ka ser hna hlan pauh cu, ka orhlei ah ṭhu,” tiah a ti.

MARKA 16:19

Cubangin Bawipa nih an sinah bia a chim dih in vanah lâk in a um i Pathian orhlei kutah a ṭhu.

HEBRU 3:1

Cucaah, a thiangmi unau, vanlei kawhnâk a comi hna, kan zumhnâk i lamkaltu le Tlângbawi Nganbik Krih Jesuh kha ruat tuah u.

HEBRU 4:14

Cuticun van hmanh i a lan cangmi a lianngan Tlângbawi Nganbik, Jesuh, Pathian Fapa kan ngeih caah, kan zumhnâk hi fek tein i tlaih u sih.