HEBRU 7:27 - Laibaibal Thiang (BSI)

²⁷ Amah nih cu tlângbawi nganbik hna bantukin ni chiarte, Amah sualnâk caah raithawinâk pêk tain, cuhnu ah mizapi sualnâk ca i raithawinâk pêk ta kha a herh ve lo, zeicatiah Amah le Amah â pêk ah khan a lîm dih cang.

Lai (Hakha) Common Language Bible 2006

²⁷ Amah cu tlangbawi dang hna bantuk kha a si lo, amah sualnak caah siseh, midang sualnak caah siseh, ni fate in raithawinak tuah kha a herh lo. Amah le amah raithawinak i aa pek ah khan zungzal ca za in raithawinak pakhat a tuah.

HEBRU 7:27 Խաչաձեւ Հղումներ

HEBRU 9:28

cubantukin Krih zong mi tampi sualnâk phor dingin voikhat pêkchanh in a rak um cang. Hngahhlang ngaiin Amah hngaktu hna caah, sual tel loin, khamhnâk caah a voi hnihnâk ah a ra ṭhân lai.

HEBRU 9:12

meheh le caw thisen he si loin, Amah Thisen theng kha â put i zungzal tlanhnâk kha hmu in voikhat ah zungzal ca zalak in Hmun Thiang Bik ah a rak lut.

HEBRU 9:14

Krih thisen, zungzal Thlarau thawngin Pathian sinah dotla in pekchanh mi nih, Pathian nung rianṭuan dingin, an chiaṭha hngalhnâk kha a thimi tuahsernâk chungin zeitlukindah a thianter chin chin lai!

EFESA 5:2

Krih nih a kan dawt i Pathian sinah raithawinâk le rimhmui pekchanhmi ah kan ca i â pêk bangin dawt nâkin nung u.

HEBRU 5:3

Hiruangah hin mizapi ca lawngah si loin, amah ca zongah sual thawinâk cu a pêk ve awk a si.

TITAS 2:14

Amah nih nawlbuarnâk vialte chungin a kan tlanh khawh nâkhnga, Amah caah thiantermi, a hlei khun in Amah mi si in, rianṭha ṭuan i â zuammi kan si khawh nâkhnga Amah hrimhrim kha kan caah â pe.

ROM 6:10

Zeitintiah thihnâk i a thihmi kha voikhat ah zungzal ca in sualah a thi; asinain nunnâk i a nun kha Pathian ah a nung.

HEBRU 9:25

tlângbawi nganbik hna nih mah thisen zong a si lomi i put in kum chiarte Hmun Thiang bik i an rak luh bang khan, Anih cu Amah i pechan dingin a lut ṭhân ti lai lo;

HEBRU 9:7

Asinain a changtu ah tlângbawi nganbik kha amah lawngin kumkhat voikhat thisen put in a lut tawn, cucu amah ca le, mizapi nih hngal loin an tuahmi sualnâk ca i raithawinâk kha a pêkchanh tawn.

HEBRU 5:1

Zeitintiah Tlângbawi Ngan bik cu minung sinin thimmi, minung caah Pathian sinah sual raithawinâk le thilpêk pêchântu ah ruahmi an si.

EFESA 2:22

nannih zong Amah ah Thlarau i Pathian umnâk dingah pehtonh i sakmi nan si.

HEBRU 8:4

Zeitintiah Amah hi lei cungah a ummi rak si sehlaw tlângbawi zong a si theng hnga lo, a chan cu nawlbia ningin thilpêk pechântu kha an um ko.

HEBRU 9:26

Cutin sihlahsehlaw, vawlei ser hramthawk khan voitampi a rak temtuar cang hnga. Asinain hi cân dongh ah hin, sualnâk hlawnh dingin a ra i Amah hrimhrim kha sual raithawinâk ah â pe.