HEBRU 7:26 - Laibaibal Thiang (BSI)

²⁶ Zeitintiah cubantuk Tlângbawi Nganbik, a thiangmi, fahnâk pe ballo, thûrter lomi, misual hna sin in thleidanmi, van nâkin a sâng deuhmi cu kan ngeih awk ah â tlakmi a si.

Lai (Hakha) Common Language Bible 2006

²⁶ Cucaah Jesuh cu kan duhnak a tlinter khotu Tlangbawi Ngan cu a si; palhnak a ngei lo, sualnak a ngei lo; misual mi hna lak khan ṭhen a si i vancung ah khin cawi a si.

HEBRU 7:26 Խաչաձեւ Հղումներ

2 KORIN 5:21

Zeitintiah Amah ah Pathian dinnâk kan si khawh nâkhnga sualnâk zeihmanh a hngal lomi kha Pathian nih kanmah ruangah sualah a ser.

1JOHAN 2:2

Amah hrimhrim cu kan sualnâk ruangah lungdamternâk a si, kanmah sualnâk lawng si loin vawlei pumpi sualnâk ca zongah a si.

HEBRU 8:1

Cubangin hihi kan chimmi hna tlângkomhtu cu a si; cubantuk Tlângbawi Ngan bik, van cungah Cungnung bik ṭhutnâk orhlei kam i a ṭhumi,

1 PETER 2:22

Amah cu sualnâk zeihmanh a tuah lo i Akâ ah hlennâk bia an hmu bal lo,

1JOHAN 3:5

Amah cu kan sualnâk latu dingah langhter a si cang ti kha nan hngalh, Amah ah sual a um lo.

HEBRU 12:2

Jesuh kan zumhnâk hrampi le tlintertu lei khi zoh in tli u sih, Anih nih cun a hmai lei i chiahmi lawmhnâk ruangah ningzahnâk zeirel loin vailamtahnâk kha tuar in Pathian ṭhutdanh orhlei kamah a ṭhu.

HEBRU 9:14

Krih thisen, zungzal Thlarau thawngin Pathian sinah dotla in pekchanh mi nih, Pathian nung rianṭuan dingin, an chiaṭha hngalhnâk kha a thimi tuahsernâk chungin zeitlukindah a thianter chin chin lai!

HEBRU 1:3

Amah hi a sunparnâk ceu cu a si i Mi a sinâk kokek taktak langhtertu a si, a bia ṭhawnnâk nih zeizong vialte hi a tlaih i kan sualnâk kha Amah hrimhrim nih a thianter hnu ah Cungnung bik orhlei kamah a ṭhu.

LUKA 23:47

Cuticun ralbawipa nih thil umtuning kha a hmuh i, “Hipa hi miding a si hrimhrim ko,” tiah Pathian a thangṭhat.

LUKA 23:41

Kan ca ahcun a dik taktak ko, zeitintiah kannih cu kan tuahmi he â tlâkin a man kan hmuh, asinain anih cu Ṭhatlonâk zeihmanh a tuah lo,” tiah a leh.

1 PETER 3:22

Amah cu vanah a kai i Pathian orhlei ah um in; van mi hna le, nawlngeihnâk le, ṭhawnâk hna cu Amah tangah chiahdih an si.

1 PETER 1:19

asinain sawi le mawhchiat awk um lomi tuufa thisen bantuk a sunglawimi Krih thisen in tlanhmi nan si kha nan hngalh.

HEBRU 7:11

Cucaah Levi phun tlângbawi sinâk in tlamtlinnâk cu hmuh khawh a si ahcun (cutangah cun mizapi nih nawlbia kha an hmuh i) Âron sining i kawh a si lomi, Melkhizedek sining in tlângbawi dang um cu zeidah a herh?

HEBRU 2:10

Zeitintiah Amah caah le Amah thawngin thil vialte hi an um i fapa tampi sunparnâk ah luhter in, a teminnâk thawngin an khamhnâk tuahpiaktu tlam tlinter cu Pathian caah tuahawk hrim a si ko.

LAMKALTU 4:27

“Zeitintiah hi khua ah hin a thiangmi na Sal sathau na thuhmi Jesuh cu fakpi i dohdal dingin, Herod le Pontias Pailat le Jentail mi hna le Israel mi hna an i tong

LAMKALTU 3:14

Mithiang le Midik kha nan duh lo i lainawng tu kha nansin i pêk awkah nan hal,

JOHAN 14:30

Nansinah bia tampi ka chim manh ti lai lo, vawlei bawi a ra lai, cupa nih keimah ah zeihmanh covo a ngei lo.

JOHAN 8:29

Aka thlahtu cu ka sinah a um. Pa nih keimah lawng aka umter ballo, Amah duhnâk ka tuah tawn caah,” tiah a ti.

LUKA 24:46

Cuticun an sinah, “Hitihin ṭial a si, Krih nih a tuar a herh hrimhrim lai i nithum ni ah thihnâk in a thawhṭhân awk a si,

LUKA 24:26

Krih nih cuthil hna cu tuar in a sunparnâk ah a lut ding a si lo maw? tiah a ti hna.

LUKA 23:22

Anih nih a voi thumnâk ah, zeiruangah, zeisualnâkdah a tuah? Amah ah thihnâk tlâk thil ka hmu lo. Cucaah ka velhter hna lai i ka kalter ko lai,” tiah a ti ṭhân.

LUKA 1:35

Vanmi nih a sinah, “Thiang thlarau na sinah a phân lai i Cungnung bik thiltikhawhnâk nih an khuh lai; cucaah a Thiangmi fa a chuak hngami cu Pathian Fapa, ti a si lai.

MARKA 16:19

Cubangin Bawipa nih an sinah bia a chim dih in vanah lâk in a um i Pathian orhlei kutah a ṭhu.

MATTHAI 27:18

Zeitintiah hnahchuah ruangah an tlaihmi a si kha a hngalh.

SALM 68:18

Cunglei ah na kai i saltângmi kha na hruai hna, minung hna sinin thilpêk na hmuh i ralthawh a hmangmi sin tiangin, BAWIPA Pathian cu an sin i a um khawh nâkhnga.

BIAPHUAN 3:7

“Cun Filadelfia kawhhran vancungmi sinah hitihin ṭial, Mithiang, Mi taktak, David tawh ngeitu, ahohmanh khar lo dingin a hung i ahohmanh hun lo dingin a khartu nih khan hi bia hi a chim.”

HEBRU 2:17

Cucaah minung hna caah sualngaihthiamnâk tuahpiak dingin, Pathian lei ah Tlângbawi Nganbik, velngeimi le zumhtlâk a si khawh nâkhnga zeizong kipah a unau hna bang i a run i can kha a ca zongah a herhmi a si.

HEBRU 3:1

Cucaah, a thiangmi unau, vanlei kawhnâk a comi hna, kan zumhnâk i lamkaltu le Tlângbawi Nganbik Krih Jesuh kha ruat tuah u.