HEBRU 7:19 - Laibaibal Thiang (BSI)

¹⁹ zeitintiah nawlbia nih zeihmanh a tlinter kho lo; kap khat leiah, ruahchannâk ṭha deuh phâkter a si i cu nih cun Pathian kha a kan naihter.

Lai (Hakha) Common Language Bible 2006

¹⁹ Moses Nawlbia nih khan zeihmanh thil tlamtling ah a ser khawhmi a um lo. Sihmanhsehlaw atu cu ruahchannak ṭha deuh kha a hung phan i cu thawng cun Pathian kha kan naih khawh cang.

HEBRU 7:19 Խաչաձեւ Հղումներ

LAMKALTU 13:39

Moses nawlbia in thiam nan co khawhlo lioah, Amah zumtu hna cu zeizong vialte ah thiam coter an si.

HEBRU 4:16

Cucaah bomh kan herh cân ah vel le zângfahnâk kan co khawh nâkhnga zângfahnâk ṭhutdanh cu ralṭha in panh u sih.

HEBRU 9:9

Cu thil cu atu cân hmuhsaknâk a si; an thilpêk le raithawinâk hna nih a pechantu hna chiaṭha hngalhnâk zong an ṭuanmi nih a ṭhatter kho lo,

ROM 8:3

Zeitintiah thisa zângder ruangah nawlbia nih a tuah khawh lomi kha, Pathian nih a Fapa kha sual thisa bantukin, sual ruangah a run thlah i thisa ah a ummi sualnâk cu thiam lo a coter,

HEBRU 11:40

Pathian nih annih le kannih â ruang tein tlamtlinter i kan um khawh nâkhnga, a ṭha chinmi thil a kan ruah piak caah a si.

HEBRU 10:1

Zeitintiah nawlbia cu a um laimi thilṭha hna muithlâm a si i cu thil hna muisam taktak cu a si lo. Cucaah kum fatin a phung bangin an pêk chanhmi raithawinâk nih a pe chantu hmanh tlam a tlinter kho hna lo.

HEBRU 6:18

cucu thlenkhawh lomi thil pahnih: lihchim kholo Pathian a sinâk le, kan hmai i a chiahmi ruahchannâk hmuh awkah le himnâk ca i a zâmmi hna caah a ṭhawngmi hnangamnâk kan ngeih khawhnâk kha an si.

ROM 5:2

amah thawng lila in atu i kan dirnâk, hi zângfahnâk ah hin, zumhnâk in kan lut i lawmhnâk he Pathian sunparnâk kan i ruahchan.

HEBRU 8:6

Asinain atu ah a ṭha deuhmi biakam, ṭha chin chinin kamhmi bia cungah fehter cangmi caah lamkaltu a si bangin, a ṭha deuhmi rian a co cang.

HEBRU 7:25

Cucaah Amah lan in Pathian sinah a rami hna cu a dongh tiangin a khamh khawh hna, zeicatiah an ca i nawlpiak dingin zungzal i a nun peng caah.

GALATI 2:16

Asinain nawlbia tuahsernâk thawngin minih thiam a co kho lo, Jesuh Krih zumhnâk thawng lawng lawngin thiam a co kho ti kha kan hngalh, kannih zong nih nawlbia tuahsernâk thawng si loin, Krih zumhnâk thawngin thiam kan co khawh nâkhnga, Krih Jesuh cu kan zumh, nawl bia tuahsernâk thawngin ahohmanh nih thiam an co lai lo.

JOHAN 14:6

Jesuh nih, “Keimah hi lam le, biatak le, nunnâk ka si. Keimah in dah ti lo cun ahohmanh Pa sin ah an phân bal lo.

SALM 73:28

Asinain kei ka caah cun Pathian naih hi a ṭha; Bawipa PATHIAN cu kâ bochan, cuticun na tuahmi thil vialte cu ka phuan khawh cang lai.

HEBRU 7:11

Cucaah Levi phun tlângbawi sinâk in tlamtlinnâk cu hmuh khawh a si ahcun (cutangah cun mizapi nih nawlbia kha an hmuh i) Âron sining i kawh a si lomi, Melkhizedek sining in tlângbawi dang um cu zeidah a herh?

1TIMOTE 1:1

Paul, Pathian a kan khamhtu le kan i ruahchanmi Jesuh Krih nawlpêk bangin Jesuh Krih lamkaltu nih.

KOLOSE 1:27

Gentel mi hna lakah hi a sung lawimi le a rummi biathli hi Pathian nih an sinah langhter a duhmi cu a si, cucu nan chungah a ummi Krih, nan i ruahchanmi sunparnâk kha a si;

EFESA 3:12

Amah i zumhnâk thawngin amah lila ah khan ralṭha le ngamh ngaiin luh khawhnâk kan ngei.

GALATI 3:24

Cuticun zumhnâk thawgin thiam kan co khawh nâkhnga nawlbia cu Krih lei ah a kan hruaitu a si.

JOHAN 1:17

Zeitintiah nawlbia cu Moses hmangin pêk a si, asinain zângfahnâk le biatak cu Jesuh Krih in a um.

ROM 7:7

Zeidah kan chim kun lai? Nawlbia cu sual a si maw? Si naisai hlah! Khatte lei khelin, Nawlbia um hlah sehlaw sual hi sual a si kan hngal lai lo. Nawlbia nih, ‘hngar hlah’ ti hlah sehlaw, ‘hngar’ hi sual a si kan hngal lai lo.

GALATI 3:21

Nawlbia nih Pathian biakam cu a ralchanh maw? Ralchanh naisai hlah. Nuntertu nawlbia hi pêk rak si cang sehlaw, dinnâk zong nawlbia thawngin a um tak tak awk a si.

HEBRU 3:6

asinain Krih cu Fapa bangin Pathian chungkhar cungah zumhtlâk a si i chungkhar cu kanmah hi kan si, a dongh tiangin duh a nungmi zumhnâk le ruahchannâk kha kan i tlaih ahcun.

HEBRU 7:20

Cun chiat i serhnâk um loin tlângbawi siter zong an si lo.

HEBRU 11:6

Zumhnâk lo in Amah lawmhmi si khawh a si hrimhrim lo; Pathian sinah a rami nih, Amah cu a um ti kha a zumh hrimhrim lai i biatak chuah in a kawltu sinah laksawng petu a si ti kha a zumh awk a si.

JEIM 4:8

Pathian naih u law, Amah zong nih an naih hna lai. Nannih misual hna, nan kut ṭawl ulaw, ruahnâk set ngei lomi hna, nan lungthin thianter u.