HEBRU 7:16 - Laibaibal Thiang (BSI)

¹⁶ amah cu thisa phung i nawlpêkmi bantuk si loin, nun dongh ngeilo ṭhawnnâk bantukin a ra.

Lai (Hakha) Common Language Bible 2006

¹⁶ Amah cu minung sermi phung le lam in tlangbawi cangmi a si lo, hrawh khawh lomi nunnak ṭhawnnak thawngin tlangbawi a cangmi a si.

HEBRU 7:16 Խաչաձեւ Հղումներ

KOLOSE 2:20

Cucaah vawlei cawnpiaknâk hrampi cu Krih sinah nan thihtâk hnu ah, zeiruangahdah vawilei mi bangin nan nun ṭhân i vawilei sining tangah um ṭhân in-

BIAPHUAN 1:18

Keimah cu a nungmi ka si, ka rak thi cang, cun zohhmanh zungzal ca in ka nung cang. Amen. Thihnâk le Mithikhua tawh kha ka ngeih hna.

HEBRU 10:1

Zeitintiah nawlbia cu a um laimi thilṭha hna muithlâm a si i cu thil hna muisam taktak cu a si lo. Cucaah kum fatin a phung bangin an pêk chanhmi raithawinâk nih a pe chantu hmanh tlam a tlinter kho hna lo.

HEBRU 7:28

Zeitintiah nawlbia nih derthawmnâk a ngeimi minung kha tlângbawi ngan ah a ruah tawn nain nawlbia umhnu ah chiat i serhnâk bia nih, Fapa, zungzal ca i tlintermi kha a ruah.

HEBRU 7:3

Amah cu pa ngeilo, nu ngeilo, hringsortu ngeilo, hramthawknâk le donghnâk zong ngei lomi Pathian Fapa bangin canter a si i peh thliah mahin tlângbawi a si.

KOLOSE 2:14

kan leiba ṭialnâk câ, nawlpêk in ṭialmi, a kan ralchantu le dawnkhântu kha a hrawh cang, cucu vailam ah khenhchih in lo diam a lâk cang.

GALATI 4:9

Atu Pathian nan hngalh hnu ah, asiloah, Pathian hngalhmi nan si hnu ah tiawk a si deuh, zeitindah san a tlai lomi cawnpiaknâk hramah i mer in cu sal i um cu nan duh ṭhân khawh rih?

GALATI 4:3

Cubantukin kannih zong ngakchia kan si lio ah, vawlei cawnpiaknâk hram tangah sal in kan rak um.

HEBRU 7:21

(annih cu chiat i serh lo i tlângbawi siter an si, asinain a nih tlângbawi i sertu nih cun chiat i serh in hi bia hi a chim, “BAWIPA nih chiat â serh i â lêt ti lai lo, ‘Nangmah cu Melkhizedek Tlângbawi si ningin zungzal tlângbawi na si,”)

HEBRU 7:17

Zeitintiah, “Nangmah cu, Melkhizedek Tlângbawi si ningin zungzal tlângbawi na si,” tiah a hngalhter.

ROM 7:14

Zeitintiah nawlbia cu thlarau lei thil a si. Kei tu cu thisa mi, sual sal i zuarmi ka si.

HEBRU 7:15

Cun Melkhizedek sining bangin tlângbawi dang a rak chuah ahcun kan chim ciami kha a fiang chin chin,

HEBRU 9:14

Krih thisen, zungzal Thlarau thawngin Pathian sinah dotla in pekchanh mi nih, Pathian nung rianṭuan dingin, an chiaṭha hngalhnâk kha a thimi tuahsernâk chungin zeitlukindah a thianter chin chin lai!