HEBRU 6:18 - Laibaibal Thiang (BSI)

¹⁸ cucu thlenkhawh lomi thil pahnih: lihchim kholo Pathian a sinâk le, kan hmai i a chiahmi ruahchannâk hmuh awkah le himnâk ca i a zâmmi hna caah a ṭhawngmi hnangamnâk kan ngeih khawhnâk kha an si.

Lai (Hakha) Common Language Bible 2006

¹⁸ Hi thil pahnih, biakamnak le chiatsernak hna hi thlen khawh a si lomi thil an si i hi hna kongah hin Pathian nih a lih a chim kho lo. Cucaah a sin i him tein a ummi kannih nih cun kan hmai i a kan chiahpiakmi ruahchannak kha ralṭha ngaingai in fek tein kan i tlaih.

HEBRU 6:18 Խաչաձեւ Հղումներ

TITAS 1:2

Cân hramthawk hlan in a rak kamh cangmi zungzal nunnâk ruahchannâk kha lih a chim kho lomi Pathian nih a cân hmân teah,

2TIMOTE 2:13

Zumh tlâk loin kan um hmanh ah Amah cu zumhtlâk a si zungzal. Amah le Amah â hlaw kho lo.

ROM 3:4

Si naisai hlah! Pathian cu a dikmi si sehlaw, mikip hi lih chimmi si hna seh. “Nang nih Na bia in thiam na co i biaceih na si tikah na tei khawh nâkhnga,” tiah ṭialmi bang khan.

SALM 46:1

Pathian cu kan himnâk le kan ṭhawnnâk a si, harnâk cân ah bawmtu nai bik a si.

1JOHAN 1:10

Sualnâk kan tuahlo kan ti ahcun, Amah kha lih chim ah ka canter i a bia zong kanmah ah a um lo.

HEBRU 3:11

Cuticun thin hungin chiat kâ serh i, “Ka dinhnâk ah an lut lai lo,” tiin.

1TIMOTE 1:1

Paul, Pathian a kan khamhtu le kan i ruahchanmi Jesuh Krih nawlpêk bangin Jesuh Krih lamkaltu nih.

ROM 3:25

Pathian lung saunâk nih cuhlan i sualnâk rak tuahmi kha hngalhpiak ti loin a dinnâk langhter nâkah zumhnâk in a thisen cu lungdamternâk bangin Pathian nih a umtermi a si,

PHUNGTHLÛKBIA 4:13

Nuncawnnâk cu fek tein i tlaih law, thlah ti hlah; i tlaih peng ko, zeitintiah na nunnâk a si.

SALM 110:4

BAWIPA nih chiat a serh cang i â lêt ti lai lo. “Nang cu Melkhizedek tlângbawi bangin zungzal tlângbawi na si,” tiin.

1JOHAN 5:10

Pathian Fapa zumtu nih amah ah hngalhnâk a ngei. Pathian a zumlotu nih Amah cu lihchim ah a canter, a chan cu Pathian nih a Fapa kong i a hngalhtermi a zumh lo caah a si.

1TIMOTE 6:12

Zumhnâk i raldohnâk ṭha kha doh in zungzal nunnâk kha i tlaih, cucu co ding i kawh na si, hngalhpitu tampi mit hmuh ah zumhnâk ṭha na phuan cang kha.

ROM 15:5

Cubangin lungsaunâk le hnangamnâk Pathian nih Krih Jesuh bia bantukin pakhat le pakhat ruahnâk pakhat in ngeihter hna seh.

HEBRU 11:7

Zumhnâk in Noa cu hmuh rih lomi thil kongah cung leiin ralrin pêk a si, Pathian ṭih buin a chungkhar khamhnâk caah tilawng a tuah, cu nih cun vawlei kha thiamlo a coter i zumhnâk ningin dinnâk ro cotu a si.

1THESALON 1:10

A Fapa, thihnâk in a thawhter i a ra laimi thinhunnâk chungin a kan khamhtu Jesuh vanin a rat lai nâk hngahhlang ngaiin nan cuanhning hna cu anmah hrim hrim nih an chim lênmi a si.

KOLOSE 1:27

Gentel mi hna lakah hi a sung lawimi le a rummi biathli hi Pathian nih an sinah langhter a duhmi cu a si, cucu nan chungah a ummi Krih, nan i ruahchanmi sunparnâk kha a si;

KOLOSE 1:23

vanrang tang sermi vialte sinah chimmi thawngṭha nan theihmi ah hninh khawh loin hram nan bunh i ruahchannâk le zumhnâk i nan um taktak ahcun, keimah Paul zong cu rianṭuantu ah ser ka si.

LUKA 2:25

Cun ngaihmanh, Jerusalem khua ah mi pakhat, a min Simeon a um, cupa cu mi dik le Pathian a tlaihchanmi a si i Israel Hnangamtertu ding kha a rak hngak pengtu a si, a cungah Thiang Thlarau a um,

MATTHAI 24:35

Lei le van an rawk lai, ka bia cu zeitilei hmanh in a rawk lai lo.

HEBRU 7:21

(annih cu chiat i serh lo i tlângbawi siter an si, asinain a nih tlângbawi i sertu nih cun chiat i serh in hi bia hi a chim, “BAWIPA nih chiat â serh i â lêt ti lai lo, ‘Nangmah cu Melkhizedek Tlângbawi si ningin zungzal tlângbawi na si,”)

HEBRU 3:6

asinain Krih cu Fapa bangin Pathian chungkhar cungah zumhtlâk a si i chungkhar cu kanmah hi kan si, a dongh tiangin duh a nungmi zumhnâk le ruahchannâk kha kan i tlaih ahcun.

KOLOSE 1:5

Zeicatiah vanah nan ca i chiahmi ruahchannâk ruangah a si, cucu thawngṭha biatak kong nan rak theih cangmi kha a si,

FILIPI 2:1

Cucaah Krih ah thapeknâk a um i dawtnâk hnangamnâk a um i Thlarau hawikomhnâk, vêl le zângfahnâk kha a um ahcun,

MATTHAI 3:7

Asinain Johan nih Farasih le Sadusih mi baptisma ing ding i an rat kha a hmuh tikah, “Rul fale hna! A ra laimi thinhunnâk zâmtâk dingin ahonihdah ralrin an pêk hna?

PHUNGTHLÛKBIA 3:18

 tlaihtu hna caah nunnâk thingkung a si i â nunpimi vialte cu lunglawmmi an si.

SALM 62:8

Mizapi hna, Amah cu i bochan zungzal u; Ahmai ah nan lungthin bung u, Pathian cu kan himnâk a si. (Selah)

ROM 5:5

Cun ruahchannâk nih kan lung a donghter bal lo, zeicatiah kan sinah a kan pêkmi Thiang Thlarau thawngin Pathian dawtnâk cu kan lungthin chungah toih a si cang.

HEBRU 6:17

Cubantukin Pathian nih, roco dingin bia a kamhmi hna sinah a bia â lêt lai lo ti kha fianter chinchin nâkah chiatserh in a fehter ṭhân,

HEBRU 7:19

zeitintiah nawlbia nih zeihmanh a tlinter kho lo; kap khat leiah, ruahchannâk ṭha deuh phâkter a si i cu nih cun Pathian kha a kan naihter.