HEBRU 6:12 - Laibaibal Thiang (BSI)

¹² cuticun zumhnâk le lungsaunâk thawngin biakam a co cangmi hna zohchunh in nan tha thu hlah seh.

Lai (Hakha) Common Language Bible 2006

¹² Mi thathu si awk kha kan in duh hna lo, sihmanhsehlaw an zumhnak le an lungsaunak thawngin Pathian nih bia a kamhmi hna a hmumi hna bantuk si awk kha kan in duh hna.

HEBRU 6:12 Խաչաձեւ Հղումներ

HEBRU 13:7

Nan sin i Pathian bia a rak chimtu le nan hotu hna kha philh hna hlah u, an nunning kha i zohchunh u law, an zumhnâk kha zul hna u.

HEBRU 10:36

Zeitintiah Pathian duhnâk nan tuah hnu i a kamhmi nan co khawh nâkhnga inkhawhnâk nan herh.

1JOHAN 2:25

Hi bia hi Amah hrimhrim nih a kan kamhmi kha a si, zungzal nunnâk hi.

ROM 12:11

Taihmâk leiah daithlang loin, thlarau ah ṭhahnem ngai ulaw, Bawipa kha rian u,

HEBRU 5:11

Cu kongah chim awk tampi kan ngei nain nan theihnâk hnâ a cheh caah chimfian a har.

2 PETER 1:10

Cucaah unau hna, kawh nan sinâk le thim nan sinâk hi fehter dingin teihmâk chuah chin chin u, cucu nan tuah ahcun zeitikhmanhah nan tlu lai lo.

JEIM 1:3

hniksaknâk phunkip nan ton tikah lomhnâk lawng te ah ruat u.

HEBRU 12:1

Cuticun kannih zong, hi tlukin a liannganmi hngalhpitu bu nih minmei bangin ankan kulh caah kan thilrit hna le fawi tein a kan foih kho tu sualnâk kha hlonh hna u sih law, kan hmai i tlikzuamnâk a ummi ah inkhawhnâk he tli u sih,

HEBRU 1:14

An dihlak in rianṭuantu thlarau, khamhnâk ro a co hngami zohkhenhtu ah thlah an si lo maw?

ROM 4:12

cuarpar tanmi hna anpa a si, cuarpar tanmi hna pa lawng si loin kan pa Abraham cuarpar tan lo i a um lio ah zumhnâk i a nun bantukin a nungmi ca zongah a si ve.

ROM 2:7

Ṭhatnâk a tuah lengmang i sunparnâk le upatnâk le thihkhawhlonâk kawltu sinah zungzal nunnâk a pêk lai,

PHUNGTHLÛKBIA 18:9

A rian ah a tha a thumi cu, hrawktu lianngan unau pa a si.

BIAPHUAN 13:10

Sal ah a hruaitu pauh cu sal ah an um lai; vainam in mi a thattu cu vainam in thah a si ve lai. Hika ah hin mithinghlim hna inkhawhnâk le zumhnâk a lang.

HEBRU 11:33

cu hna nih zumhnâk in ram an lâk i dinnâk an tuah, biakammi kha an co i chiandeih kâ zong an phih,

HEBRU 6:15

Cuticun lungsau ngaiin a ṭuan hnu ah, kamhmi kha a co.

2 THESALON 1:4

Cuticun serhsatnâk le harnâk vialte nan tuarnâk i nan inkhawhning le nan zumhnâk ruangah Pathian kawhhran hna sinah kan hmai a hngal tawn,

LUKA 8:15

Asinain lei ṭha i a tlami tu cu, lungthin fel le ṭha in bia cu an theih, an i cinken peng i tuar khawhnâk he thei tlai an chuah tawn.

MATTHAI 22:32

“Kei, Abraham Pathian, Isak Pathian, Jokob Pathian ka si, a timi kha nan rel bal lo maw? Pathian cu a thimi Pathian a si lo i a nungmi Pathian a si,” tiah a leh hna.

PHUNGTHLÛKBIA 15:19

Thathu mi hna lam cu hlingbur bantuk a si i midik hna lam cu lamthlurpi a si.

PHUNGTHLÛKBIA 13:4

Mithathu nunnâk nih a duh ngai nain zeihmanh a ngei lo, asinain miteima nunnâk cu rumter a si lai.

PHUNGTHLÛKBIA 12:24

Mi taima kut nih a uk lai i thathu mi cu ba cikcek in hranhram in ṭuanter an si lai.

1THESALON 1:3

zumhnâk i rian nan ṭuanmi le, dawtnâk ruangah nan thabâtnâk, kan Bawipa Jesuh Krih i ruahchannâk ruangah kan Pathian le Pa hmaiah nan lungsaunâk kha philh lo tein,

LUKA 16:22

Cun hitihin a si. Kutdawhpa cu a thi i vanmi nih Abraham ṭang chungah an kalpi. Mirumpa zong a thi ve i an vui.

MATTHAI 25:26

Apu nih, sinum sual le thathu pa, ka tuh lonâkah ka zûn i ka vorh lonâkah ka ah ti kha na hngal maw?

PHUNGTHLÛKBIA 2:20

Cubangin ṭhatnâk lam na zulh khawh i dinnâk lam kha na zulh peng nâkhnga.

PHUNGTHLÛKBIA 28:10

Miṭha, lamdik lo i a hruaitu cu amah cawhmi khor ah a tla lai, miṭha sawi awk um lo mi nih thil ṭha an co lai.

PHUNGTHLÛKBIA 26:14

In khar kawpza â mer bantukin thathu mi cu ihkhunah an i mer tawn.