HEBRU 6:10 - Laibaibal Thiang (BSI)

¹⁰ Zeicatiah Pathian hi nan ṭuanmi le Amah minin dawtnâk i nan langhtermi rian le mithiang hna ca i nan rak ṭuan cangmi le nan ṭuan cuahmah mi hna philh ding tiangin mi dinglo a si lo.

Lai (Hakha) Common Language Bible 2006

¹⁰ Pathian cu miding lo a si lo. Rian nan rak ṭuanmi le nan Khrihfa hawi nan rak bawmh tawn hna i atu zongah nan bawmh ko rih hna thawngin nan langhtermi amah nan dawtnak kha a philh lai lo.

HEBRU 6:10 Խաչաձեւ Հղումներ

MATTHAI 10:42

Cun ahohmanh hi mi hna lak i a hme bik hmanh hi, aka zultu a si ruang i ti hraikhat a petu cu, biataktein kan chimh hna zeitileihmanh in a ṭuanman a sung hrimhrim lai lo.

HEBRU 13:16

Asinain thilṭha tuah le nunsian hi phihhlah u. Cubantuk raithawinâk ah Pathian â lawm tawn.

GALATI 6:10

Cucaah cân rem kan ngeih ning cio in, mi vialte cungah thilṭha tuah u sih, a hleiin zumhnâk i kan chung le sinah tuah u sih.

LAMKALTU 10:4

Kornelias nih a hmuh tikah a ṭih i, “Bawipa zeidah a si?” tiah a ti. Anih nih a sinah, “Na thlacamnâk le thilpêk kha hngalh peng dingin Pathian sinah a phân.

1THESALON 1:3

zumhnâk i rian nan ṭuanmi le, dawtnâk ruangah nan thabâtnâk, kan Bawipa Jesuh Krih i ruahchannâk ruangah kan Pathian le Pa hmaiah nan lungsaunâk kha philh lo tein,

KOLOSE 3:17

Bia in siseh, tuahsernâk in siseh, nan tuahmi thil kipah Bawipa Jesuh min in tuah dih u law, Amah thawngin Pa Pathian sinah lawmhnâk bia chim u.

PHUNGTHLÛKBIA 14:31

Misifâk lamhchihtu cu anmah sertu zomhtaihtu a si, asinain sertu a upat tu nih michambau zângfahnâk a ngei.

1TIMOTE 6:18

Thilṭha tuah hna seh, thilṭha tuahnâk ah rum hna seh, midang nih an ciangzar an tem ve nâkhnga nun siang hna seh,

MARKA 9:41

Zeitintiah ka minin ti hraikhat an petu hna cu, biataktein kan chimh hna, an hmuh hngami cu an sung hrimhrim lai lo.

ROM 12:13

mithiang hna chamhbaunâk bawm hna ulaw, khual tlung ṭha tein zohkhenh u.

LAMKALTU 11:29

Cuticun zultu hna nih an tikhawhtawk cio in Judia ram i unau hna sinah bomhnâk kuat an timh.

GALATI 5:13

Ule nau hna, zalong ding i kawhmi nan si, nan zalonâk tu cu thisa caah cânremah hmang hlah u, dawtnâk in rian i ṭuanpiak cio u.

PHUNGTHLÛKBIA 19:17

Misifak a zângfahtu nih BAWIPA sinah a cawih a si, a rak pêk cangmi thil hna cu a cham ṭhân hrimhrim lai.

LAMKALTU 10:31

‘Kornelias, na thlacamnâk Pathian nih a theih i mi sifak na bomhmi zong Pathian hmai ah theihpiak a si.

JOHAN 13:20

Biataktein, biataktein, kan chimh hna, ka thlahmi a rak cohlangtu pauh cu keimah cohlangtu a si. Aka cohlangtu pauh cu aka thlahtu cohlangtu a si.” tiah a ti.

2TIMOTE 4:8

Ahnubik ah dinnâk luchin cu ka caah chiah a si, cucu biaceihtu fel, Bawipa nih cu Ni ah aka pêk lai, kasin lawngah a si lai lo, Â langhnâk â ngaihmi vialte sin zongah a pêk lai.

2 KORIN 9:1

Mithiang hna caah rianṭuannâk kong tu cu nan sinah ṭial theng a herh lo;

1JOHAN 1:9

Kan sualnâk kha kan phuan ahcun, kan sualnâk ngaithiam ding le kan dinlonâk vialte thianter dingin Amah cu zumhawk a tlâk i a dingmi a si.

SALM 20:3

Na pêkchanhmi vialte in theihpiak seh law na khanghthawinâk cu in cohlang ko seh. (Selah)

GALATI 5:6

Zeitintiah Krih Jesuh ah cun cuarpartan hi zeihmanh a ṭhahnem lo, cuarpar tanlo zong zeihmanh a ṭhahnem hlei lo. Zumhnâk, dawtnâk i ṭuan lawng kha a ṭhahnemmi cu a si.

HEBRU 10:32

Hlan i ceunâk nan rak hmuh hnu i temtuarnâk le buainâk nganpi nan tuarmi kha ruat ṭhân hmanh u,

MATTHAI 20:7

Annih nih, ‘Ṭuannâk kan thei lo,’ tiah an ti. Anih nih, “Nan nih zong misur dûmah va ṭuan ve u, nan hmuh awk a simi cu nan hmu ko lai,” tiah a ti hna.

MATTHAI 25:17

Cubantuk in talen hnih a pêkmi zong nih a dang talen hnih a hmuh ve.