HEBRU 6:1 - Laibaibal Thiang (BSI)

¹ Cucaah, Krih kong zumhnâk hramthawknâk hna kha kal takin tlamtlinnâk leiah hmai nawr u sih, a thimi tuahsernâk, i ngaihchihnâk, Pathian lei zumhnâk,

Lai (Hakha) Common Language Bible 2006

¹ Cucaah hmailei ah fong u sih, Khrihfa cawnpiaknak a hram kan i domhnak kha hnulei ah kaltak u sih law a tlam a tlingmi cawnpiaknak kha fuh u sih. Santlai lomi rian kaltak kha a hram in i domh ṭhan lengmang ti hlah u sih, cun Pathian zumh zong kha a hram in i thawk ṭhan lengmang ti hlah u sih;

HEBRU 6:1 Խաչաձեւ Հղումներ

HEBRU 9:14

Krih thisen, zungzal Thlarau thawngin Pathian sinah dotla in pekchanh mi nih, Pathian nung rianṭuan dingin, an chiaṭha hngalhnâk kha a thimi tuahsernâk chungin zeitlukindah a thianter chin chin lai!

2 KORIN 7:1

Cucaah ka dawtmi hna, cubantuk biakam cu kan ngeih caah taksa le thlarau thûrtertu vialte chungin i thianter usih law, Pathian ṭih bu tein thianhlimnâk hi tlinter u sih.

LAMKALTU 26:20

cuticun Damaska khua mi hna sinah le Jerusalem khua mi hna sinah ka phuan hmasa bik, cun Judia ram dihlak i mi vialte sinah le, Gentel mi hna sin zongah, an i ngaihchih i Pathian leiah an i mer i ngaihchihnâk he â tlakmi thil hna an tuah nâkhnga ka phuan tawn.

HEBRU 12:13

cuticun kebei mi kha tlu sawn loin damter an si nâkhnga, nan ke caah nan lam kha dinter hna u.

MATTHAI 21:32

Zeitintiah Johan cu dinnâk lam hmuhsaktuah a ra i nan zum duh lo, ngunkhuai khawltu le hlawhhlang tu nih an zumh, cucu nan hmuh ko nain zum dingin nan i mer duh lo.

HEBRU 7:11

Cucaah Levi phun tlângbawi sinâk in tlamtlinnâk cu hmuh khawh a si ahcun (cutangah cun mizapi nih nawlbia kha an hmuh i) Âron sining i kawh a si lomi, Melkhizedek sining in tlângbawi dang um cu zeidah a herh?

EFESA 4:12

zeitintiah mithiang hna timhtuahnâk i rianṭuantu ding le Krih pum ṭhanter dingah,

JOHAN 12:44

Cuticun Jesuh a au i, “Aka zummi pauh, keimah aka zumh si loin, aka thlahtu a zumh a si.

JOHAN 5:24

“Biataktein biataktein, kan chim hna, ka bia a thei i aka thlahtu a zummi pauh cu zungzal nunnâk a ngei cang, biaceihnâk ah a phân lai lo, thihnâk in a chuak cang i nunnâk ah a lan cang.

MATTHAI 3:2

“I ngaihchih u, zeicatiah vanbawi pennâk cu a nai cang,” tiah a ti.

1TIMOTE 3:16

Pathianmisinâk biathli liannganning cu elkhawh a si lo. Pathian cu thisa ah â cang i Thlarau ah thiamcoter a si, vanmi nih an hmuh i Gentel mi hna sinah aupi le vawlei mi nih an zumh i sunparnâk ah kaipimi a si.

2 KORIN 7:10

Zeitintiah Pathian duhning i ngaihchiatnâk nih khamhnâk dingah ngaihchihnâk a chuahpi, cucu i ngaihchih awk a si hrimhrim lo. Vawlei ngaihchiatnâk nih cun thihnâk ah a phâkter.

2TIMOTE 2:19

Asinain a fekmi Pathian lungphun cu a dirpeng ko, hi hmelchunhnâk hi a ngei: “Bawipa nih Ami le cu a hngalh” ti le, “Bawipa min a hlammi pauh nih sual kaltâk seh ti hi.”

LAMKALTU 20:21

Judah mi le Grik mi hna sin zongah an i ngaihchih i Pathian lei i an i mer nâkhnga kan Bawipa Jesuh Krih i zumhnâk an ngeih khawh nâkhnga ka theihter tawn hna,

LAMKALTU 11:18

Cu bia cu an theih tikah an dai i, “Cutiasiahcun Pathian nih Gentel mi zong nung dingin ngaihchih a sian ve hna a si cu,” tiah Pathian an thangṭhat.

LAMKALTU 3:19

Cucaah nan sualnâk hlohpiak a si khawh nâkhnga i ngaichih ulaw, Pathian sinah kir u, cuticun Bawipa sinin tharchuahnâk cân a phân kho lai,

JOHAN 14:1

“Lungrethei in um hlah u, Pathian nan zumh khah, keizong ka zum ve u.

MARKA 6:12

Cuticun an kal i mizapi kha sualnâk i ngaihchih dingin phungkha an chimh hna;

MARKA 1:1

Pathian Fapa, Jesuh Krih thawngṭha hramthawknâk:

MATTHAI 4:17

Cu cân thawkin Jesuh nih, “I ngaihchih u, vanbawi pennâk cu a nai cang” tiah chim hram a thawk.

1JOHAN 4:12

Ahohmanh nih zeitik hmanh ah Pathian an hmu ballo. Pakhat le pakhat kan i dawt ahcun, Pathian kan sinah a hmun, a dawtnâk zong kanmah ah tlam a tling.

1 PETER 1:21

Thihnâk in a thawh tertu le sunparnâk petu Pathian cu nan zumh i nan zumhnâk le ruahchannâk cu Pathian ah a um.

JEIM 1:4

Inkhawhnâk nih, a tuah hngami tlamtling tein tuah sehlaw, zeihmanh bau loin nan tlam a tling lai i tlamtlinnâk ah nan um kho lai.

HEBRU 11:6

Zumhnâk lo in Amah lawmhmi si khawh a si hrimhrim lo; Pathian sinah a rami nih, Amah cu a um ti kha a zumh hrimhrim lai i biatak chuah in a kawltu sinah laksawng petu a si ti kha a zumh awk a si.

KOLOSE 4:12

Epafaras nanmah chungmi, Krih Jesuh ah ṭemmi sal nih nan kut an tlaih hna. Pathian duhning in lamkip i nan um i tlam nan tlin khawh nâkhnga, fak piin nan caah thla camtu a si.

KOLOSE 1:28

Kan chimmi cu Amah hi a si, mikip hi Krih Jesuh ah tlinter an si ti hi fimnâk vialte he cawnpiak in mi kip ralrin kan pêk hna.

EFESA 2:5

nawlbuar ruang i a thimi kan si lio ah, Krih sinah a kan nunter (zângfahnâk in khamh nan si),

1 PETER 5:10

Zângfahnâk vialte Pathian, zungzal a sunparnâk co dingin an kotu hna Krih Jesuh nih, cân tawite nan tuar hnu ah, tlam tlinter le fehter in, ṭhawnter le fek tein in dirter ko hna seh.

EFESA 2:1

Cun nannih nawlbuarnâk le sualnâk ruangah a thimi nan si lioah Amah nih an nunter hna;

1 KORIN 13:10

Asinain a tlingmi a phâk tikah a tling lomi cu hlawt an si ko lai.

LAMKALTU 17:30

A ngaingai tiah, Pathian nih kan hngalh lo cân hna cu â cinken lo, asinain atu ah ramkip i mi vialte ngaihchih dingin nawl a pêk hna.

LAMKALTU 2:38

Peter nih, “I ngaichih ulaw, nan sual ngaihthiamnâk caah Jesuh Krih min in Baptisma ing u; cun pekmi Thiang Thlarau hi nan co lai.

MATTHAI 7:25

ruah a sur i tilet a tho, thlitu hrangin cu inn cu a nam len nain lungpi cungah sakmi a si caah a rawk kho lo.

MATTHAI 5:48

Cucaah van i nan Pa a tlin bantukin nannih zong nan tlin ve awk a si.

PHUNGTHLÛKBIA 4:18

Asinain midik hna lam cu ni ceu bantuk a si, cucu chun laifang ceunâk bantuk a si.

1TIMOTE 6:19

zungzal nunnâk cu an i tlaih khawh nâkhnga le a ra laimi caah i ṭhumhnâk ṭha khong luaimai dingin tha pe hna.

LUKA 6:48

Inn satu, thuk ngaiin vawlei a cawh i lungpi cungah a hram a bunhmi bantuk an si. Ti let a tho i cu inn cu a huai len nain, lungpi cung i fek tein sakmi a si caah â hnin kho lo.

MATTHAI 21:29

Anih nih, ka duh lo, tiah a leh, asinain a hnu ah a lung â thleng i a kal.

1 KORIN 2:6

Asinain puitling hna sinah fimnâk bia zong kan chim tawn, asinain hi vawlei fimnâk bia hi a si lo, zeihmanh lo i a cang hngami, hi vawlei biaceihtu hna fimnâk bia zong a si lo.

KOLOSE 3:14

Cu thil vialte hna cungah dawtnâk i hruk u, cucu pumkhat sinâk i funtomnâk tlamtling a si.