HEBRU 5:9 - Laibaibal Thiang (BSI)

⁹ Tlamtlinter a si hnu ah, a nawl ngaitu vialte caah zungzal khamhnâk hrampi ah a cang.

Lai (Hakha) Common Language Bible 2006

⁹ A tlingmi ah ser a si tikah amah nawl a ngaimi vialte hna caah zungzal khamhnak hram ah a cang i

HEBRU 5:9 Խաչաձեւ Հղումներ

HEBRU 9:15

Hiruangah hin Amah cu biakam thar lamkaltu a si i biakam hmasa tang i nawlbuarnâk kha tlanh dingin a rak thi, cucaah kawhmi hna nih zungzal roconâk biakam cu an co khawh lai.

HEBRU 2:10

Zeitintiah Amah caah le Amah thawngin thil vialte hi an um i fapa tampi sunparnâk ah luhter in, a teminnâk thawngin an khamhnâk tuahpiaktu tlam tlinter cu Pathian caah tuahawk hrim a si ko.

HEBRU 12:2

Jesuh kan zumhnâk hrampi le tlintertu lei khi zoh in tli u sih, Anih nih cun a hmai lei i chiahmi lawmhnâk ruangah ningzahnâk zeirel loin vailamtahnâk kha tuar in Pathian ṭhutdanh orhlei kamah a ṭhu.

HEBRU 9:12

meheh le caw thisen he si loin, Amah Thisen theng kha â put i zungzal tlanhnâk kha hmu in voikhat ah zungzal ca zalak in Hmun Thiang Bik ah a rak lut.

LAMKALTU 5:32

Cu thil hna hngalhpitu cu kan si. Cubangin Pathian nih a nawl a ngaimi hna sin i a pêkmi Thiang Thlarau hi hngalhpitu a si ve,” tiah an leh.

1 PETER 1:22

Unau dawtnâk taktak kha ngei in, Thlarau thawngin biatak zum in, nan thlarau nan thianter cang caah, lungthin thiang te le biatak tein pakhat le pakhat i daw u,

HEBRU 11:8

Zumhnâk in Abraham nih a co hngami hmun i kal dingah kawhnâk kha a pom. A kalnâk ding hmun hmanh hngal loin â thawh cawlh.

2 THESALON 1:8

Pathian a hngal lomi le kan Bawipa Jesuh Krih thawngṭha a zum lomi hna cu mei alh he phu a hlam lai.

ROM 2:8

asinain mah zawn lawng ruatin biatak zul duh loin dinlonâk a zultu hna sinah thinhunnâk le thinhannâk,

ROM 1:5

Amah min thawngin zumhnâk cu miphun vialte zumhter dingah amah ah zângfahnâk le lamkaltu sinâk kan co,

2 KORIN 10:5

elhniahnâk le a sangmi thil, Pathian hngalhnâk dawntu dingah â santer chawmmi hna cu hrawk in, khuaruahnâk vialte hna cu Krih nawlngaihnâk sal ah kan luhpi tawn,

ROM 15:18

Zeitintiah Gentel mi hna zumhter dingin Krih nih keimah ah a lîmcangmi dah ti lo cu bia in siseh tuahsernâk in siseh ka phuang ngam lo,

2TIMOTE 2:10

Cucaah Krih Jesuh khamhnâk cu zungzal i lianngannâk he an hmuh ve nâkhnga thimmi hna ruangah thil vialte ka tuar tawn.

ROM 10:16

Asinain thawngṭha bia cu an dih lakin an zum lo. Isaiah nih hitihin a chim. (Bawipa, kan chimmi ahonihdah an zumh?) tiin.

ROM 6:17

Sual sal nan si ko nain khamh nan sinâk kong cawnpiaknâk nan sinah phuanmi kha nan lungthin in nan rak zulh caah Pathian sinah lawmhnâk bia um ko seh.

HEBRU 2:3

hi tluk in a nganmi khamhnâk hi zei rel loin kan um ahcun, zeitindah kan luat khawh lai? Cucu a hramthawk ah Bawipa nih a rak chim i a theitu hna nih kan sinah an fehter.

JOHAN 19:30

Cuticun Jesuh nih mitsur thor cu a din hnu ah, “Â lîm cang,” tiah a ti. Cun a lu a khun i a thlarua a thlah.

MATTHAI 17:5

A chim lioah khan, zohhmanh, a rângmi minmei nih a tuam hna i chikkhatteah minmei chungin aw pakhat a hung chuak, “Hihi Ka Fapa dawtmi a si, Amah bia kha ngai u,” tiah a ti.

SALM 51:6

Ngaihhmanh, chunglei in biatak na duh i chunglei ah hin fimnâk ka cawnpiak hrâm ko.

JUDAS 1:21

Pathian dawtnâk ah i kilveng ulaw, zungzal nunnâk tiangin kan Bawipa Jesuh Krih velngeihnâk kha zoh u.

1JOHAN 5:20

Pathian Fapa cu a ra i a dikmi Amah kha kan hngalh khawhnâk dingah hngalhthiamnâk a kan pêk cang ti kha kan hngalh. Kannih cu a Fapa Jesuh Krih a dikmi Amah ah khan kan um. Hihi Pathian dik le zungzal nunnâk a si.

HEBRU 11:40

Pathian nih annih le kannih â ruang tein tlamtlinter i kan um khawh nâkhnga, a ṭha chinmi thil a kan ruah piak caah a si.

2 THESALON 2:16

Cubangin kan Bawipa Jesuh Krih le kan Pa Pathian a kan dawtu le zângfahnâk ruangah zungzal hnangamnâk le ruahchannâk ṭha a kan petu Amah hrimhrim nih,

LAMKALTU 3:15

Nunnâk Bawi kha nan thah, asinain Pathian nih Amah cu a thawhter, cucu hngalhpitu kan si.

LUKA 13:32

Anih nih, “Va kal u law cu cenghngia sinah, ‘Zohhmanh, nihin he, thaizing he khuachia ka ṭhawl hna lai, mizaw zong ka damter hna lai i a nithum nâkah ka lîm lai,’ tiah va chim u.

SALM 51:8

Na khiah ciami ruh hi â nomh ṭhân khawh nâkhnga lomhnâk le nomhnâk thawng kha ka theihter.

SALM 45:17

Na min cu chan vialte hngalh awkah ka ser lai, cucaah mi nih an in thangṭhat zungzal lai.

LAMKALTU 4:12

Midang ahosinhmanhah khamhnâk a um lo, zeitintiah vanrang tang i min sakmi vialte lakah a kan khamh khotu mindang pakhat hmanh a um lo,” tiah a ti.

FILIPI 2:12

Cucaah ka dawt le hna, nawl nan ngaih tawn bangkhan, ka um lio lawngah si loin, atu ka um lo zongah ngai chin chinin ṭih le ther buin khamh nansinâk kha chuak lakin ṭuan ve u,

HEBRU 1:14

An dihlak in rianṭuantu thlarau, khamhnâk ro a co hngami zohkhenhtu ah thlah an si lo maw?

HEBRU 9:28

cubantukin Krih zong mi tampi sualnâk phor dingin voikhat pêkchanh in a rak um cang. Hngahhlang ngaiin Amah hngaktu hna caah, sual tel loin, khamhnâk caah a voi hnihnâk ah a ra ṭhân lai.