HEBRU 5:5 - Laibaibal Thiang (BSI)

⁵ Cubangin Krih zong Tlângbawi Nganbik si dingin Amah le Amah sunparnâk â pe lo. “Nangmah cu ka Fapa na si, nihinah kan hrin,” tiah a sin i a chimtu nih khan sunparnâk cu a pêk.

Lai (Hakha) Common Language Bible 2006

⁵ Cu bantuk ṭhiamṭhiam in Khrih zong nih khan amah nawl in Tlangbawi Ngan ah aa canter lo. Pathian tu nih, “Nangmah cu ka Fapa na si, Nihin ah na Pa ah ka cang,” tiah a ti.

HEBRU 5:5 Խաչաձեւ Հղումներ

SALM 2:7

“Nawlpêk kha ka phuan lai: BAWPA nih, ‘Nang cu ka Fapa na si, ni hin ah kan hrin’ tiah ka sinah a chim cang.

JOHAN 8:54

Jesuh nih, “Keimah i thangṭhat ninglaw, kâ thangṭhatnâk cu zeihmanh a si lai lo. Kan Pathian nan timi ka Pa cu aka thangṭhattu a si.

HEBRU 1:5

Zeitintiah vanmi ahosinahdah hi bia hi a chim bal? “Nang cu ka Fapa na si, Nihin ah kan hrin?” ti le, “Keimah cu Amah caah Pa ka si lai i Amah cu ka caah Fapa a si lai,” timi hi.

JOHAN 7:18

Mah ṭawnchawm a chimtu nih amah sunparnâk a kawl, sihmanhsehlaw a thlahtu sunparnâk lawng a kawltu cu midik a si i Amah ah dinlonâk zeihmanh a um lo.

LAMKALTU 13:33

Pathian nih kannih an tefa hna ca i bia a kamhmi cu Jesuh kha thawhter in a tlinter, Sam pahnihnâk ah, ‘Ka Fapa na si, nihin ah kan hrin,’ tiah a ṭial bang khan.

ROM 8:3

Zeitintiah thisa zângder ruangah nawlbia nih a tuah khawh lomi kha, Pathian nih a Fapa kha sual thisa bantukin, sual ruangah a run thlah i thisa ah a ummi sualnâk cu thiam lo a coter,

HEBRU 1:1

Pathian, hlan lio ah cân dang dangah phun dang dangin hringtu hna sinah profet hna hmangin bia a rak chimtu nih khan,

JOHAN 3:16

Zeitintiah Pathian nih vawlei hi a dawt tuk hringhran i a Fapa ngeihchun kha a pêk, Amah a zummi pauh cu lotlau loin zungzal nunnâk an ngei lai.

HEBRU 2:17

Cucaah minung hna caah sualngaihthiamnâk tuahpiak dingin, Pathian lei ah Tlângbawi Nganbik, velngeimi le zumhtlâk a si khawh nâkhnga zeizong kipah a unau hna bang i a run i can kha a ca zongah a herhmi a si.

HEBRU 3:1

Cucaah, a thiangmi unau, vanlei kawhnâk a comi hna, kan zumhnâk i lamkaltu le Tlângbawi Nganbik Krih Jesuh kha ruat tuah u.

HEBRU 5:10

“Melkhizedek tlângbawi si ningin” Pathian kawhmi Tlângbawi Nganbik a si.