HEBRU 5:12 - Laibaibal Thiang (BSI)

¹² Zeitintiah atu cân hna ah cun cawnpiaktu hmanh nan si awk a si cang ko nain, Pathian bia hramthawknâk cawnpiaktu nan herh ko rih, rawlhak si loin hnuk i cawmchan nan herh ko rih.

Lai (Hakha) Common Language Bible 2006

¹² Nannih cu saya hmanh si awk nan si cang nain, Pathian bia cawnnak hmasa bik chimtu saya kha nan herh rih. Rawl taktak ei kha nan cu cang, sihmanhsehlaw caw hnuk ṭheo nan ding ko rih.

HEBRU 5:12 Խաչաձեւ Հղումներ

HEBRU 6:1

Cucaah, Krih kong zumhnâk hramthawknâk hna kha kal takin tlamtlinnâk leiah hmai nawr u sih, a thimi tuahsernâk, i ngaihchihnâk, Pathian lei zumhnâk,

1 PETER 2:2

ngakchia chuakkâ bantukin, zeihmanh cawh lomi hnûk (Pathian) bia hi duh u, cu thawng cun nan ṭhang lai,

HEBRU 5:13

Zeitintiah hnuk a dingmi pauh cu bawhte a si ruangah, dinfelnâk bia kha a theifiang kho lo.

KOLOSE 3:16

Krih bia cu fimnâk phunkip he nanmah ah khat ko seh, biazâi le hla, thlarau lei hla hna in i cawm changin i cawnpiak u law, Bawipa sinah nan lungthin in zângfahnâk he hla sa u.

SALM 34:11

Ngakchia hna ra u law, ka bia ngai tuah u; BAWIPA ṭihzah kan cawnpiak hna lai.

MATTHAI 17:17

Jesuh nih, “Maw, zumhnâk ngeilo le ningcang loin a nungmi hna, nan sinah zeicandah ka um ko rih lai? Zeicandah kan in ko rih hna lai? Amah cu ka sinah ratpi u,” tiah a ti.

1 PETER 4:11

Jesuh Krih thawngin Pathian cu zeizong vialte ah thangṭhat i a um khawh nâkhnga, mi zei pauh nih phung a chim ahcun Pathian chimning tein chim seh, mizei pauh nih rian a ṭuan ahcun Pathian nih ti khawhnâk a pêk ning tein ṭuan seh, sunparnâk le biaceihnâk cu zungzal in zungzal tiang Amah ta a si. Amen.

1 KORIN 14:19

asinain kawhhran hna sin ah cun holh dang i kâ 10000 chimnâk in midang ka cawnpiak khawh nâkhnga, hngalhnâk i bia kâ 5 chim ka duh deuh.

ROM 3:2

A lamkip in san a tlai! A biapi bik cu an sin i Pathian bia pêk an si caah a si.

LAMKALTU 7:38

“Amah hi a si, ramcar i â pummi hna lak i a rak ummi, Sinai tlâng i vanmi nih a chawnhmi, kan pu le hna sin i bia chimtu le kan sin i pêkding bia nung rak hmutu kha,

MARKA 9:19

Anih nih, “Maw, ṭhangthar zumhnâk a ngei lomi hna, zeicandah nan sinah ka um lai? Zeicandah kan in khawh hna lai? Ka sinah ratpi tuah u,” tiah a ti.

FILIPI 3:1

A donghnâk ah ka ule nau hna, Bawipa ah i lawm u. Zeitintiah ṭial cangmi bia ṭial ṭhân hi ka neng lo i nan caah kilvengtu a si.

1 KORIN 14:20

Ule nau hna, hngalhnâk ah ngakchia si hlah u, asinain sualnâk lei tu ah bawh te si ulaw hngalhnâk ah upa si u.

GALATI 4:3

Cubantukin kannih zong ngakchia kan si lio ah, vawlei cawnpiaknâk hram tangah sal in kan rak um.

HEBRU 5:11

Cu kongah chim awk tampi kan ngei nain nan theihnâk hnâ a cheh caah chimfian a har.

HEBRU 10:32

Hlan i ceunâk nan rak hmuh hnu i temtuarnâk le buainâk nganpi nan tuarmi kha ruat ṭhân hmanh u,