HEBRU 4:12 - Laibaibal Thiang (BSI)

¹² Zeitintiah Pathian bia cu a nung i a ṭhawng, kaphnih har vainam nâkin a har deuh, nunnâk le thlarau, hliahhlok le thlik tiangin hlang lakin a cheu khawh, lungthin in timhmi le ruahnâk kha a hngalh dih.

Lai (Hakha) Common Language Bible 2006

¹² Pathian bia cu a nung i a ṭhawng. Kap hnih har vainam nakin a haar deuh. Hlang lak in a cheu khawh, nunnak le thlarau an i tonnak tiang, hliahcang le thlik an i tonnak tiang a cheu khawh. Minung lungthin duhnak le ruahnak vialte kha a hngalh dih.

HEBRU 4:12 Խաչաձեւ Հղումներ

EFESA 6:17

Cun khamhnâk kha luchin ah hmang u, Thlarau vainam Pathian Bia kha i tlaih in;

SALM 119:130

Na bia fianternâk nih ceunâk a pêk i mi sawhsawh kha theihthiamnâk a pêk.

1 PETER 1:23

a rawk khomi thlaici ah si lo in, a nungmi Pathian bia le zungzal in a hmunmi a rawk kho lomi thlaici ah hrinṭhân mi nan si.

BIAPHUAN 1:16

A orhlei kut in arfi pasarih kha â put i akâ chungin vainam kaphnihhar a rak chuak. Amui cu chunlai niceu bantuk a si.

1THESALON 2:13

Hiruangah hin ngol loin Pathian sinah lawmhnâk bia kan chim, zeicatiah kan sin in nan theihmi Pathian bia nan cohlan tikah minung bia bangin nan cohlang lo, i biatak ngaiin Pathian bia bangin nan cohlan, cucu a zumtu sinah santlai ngaiin rian a ṭuntu hi a si.

ROM 1:16

Krih thawngṭha cu ka zahpi lo, zeitintiah a zummi vialte caah khamhnâk dingah Pathian ṭhawnnâk a si; a hmasa in Judah mi caah a si i Grik mi ca zongah a si.

SALM 149:6

A sângmi Pathian thangṭhatnâk ankâ ah khat sehlaw, vainam kaphnihhar an kut in i put hna seh.

BIAPHUAN 19:15

Cubangin akâ chungin miphun hna a tuknâk ding a hârmi vainam a chuak. Cun thirfung he a uk hna lai. Zeizongtuahkho Pathian thinhunnâk ṭih a nungmi in misur nennâk khor ah a lamhchih hna lai.

EFESA 5:13

Asinain thil vialte a sining tein langhtermi hi ceunâk rianṭuan a si, zeitintiah langhtermi pauh cu ceunâk a si.

LUKA 8:11

“Tahchunhnâk kha hihi a si. Thlaici cu Pathian bia a si.

SALM 139:2

Ka ṭhut le ka dir zong na hngalh; lam hlatpi khin ka ruahnâk hi na hngalh.

JOHAN 6:51

Keimah hi van in a rungṭummi changreu nung ka si. Hi changreu a eimi pauh, zungzal in a nung peng lai. Vawlei nunnâk dingah ka pêk hngami changreu cu ka taksa hi a si.” tiah a ti.

SALM 45:3

Maw a ṭhawngmi, na vainam cu na taiah somh law, na sunparnâk le na lianhngannâk he.

BIAPHUAN 19:21

Cun a dang vialte hna cu rang râng cungah â citmi kâ chungin a chuakmi vainam in thah an si. Cuticun vanva vialte kha an sa in khimter an si.

BIAPHUAN 2:16

I ngaihchih, culoahcun na sinah ka ra zau lai i ka kâ chung i vainam in ka doh hna lai.

HEBRU 13:7

Nan sin i Pathian bia a rak chimtu le nan hotu hna kha philh hna hlah u, an nunning kha i zohchunh u law, an zumhnâk kha zul hna u.

LAMKALTU 4:31

Thla an cam dih in an i pumhnâk inn kha â hnin, an dihlak in Thiang Thlarau in an khat i ralṭhatnâk he Pathian bia kha an chim.

LAMKALTU 2:37

Cu bia an theih tikah, an lungthin a hriah hna i Peter le lamkaltu hna sinah, “U le nau hna, zeidah kan tuah kun lai?” tiah an ti.

BIAPHUAN 2:23

A fale zong thihnâk in ka thah hna lai, cun kawhhran vialte nih ruahnâk le lungthin zohtu ka si hi an hngalh lai. Nannih zong nan tuahning cio in mikip sinah kan pêk hna lai.

BIAPHUAN 20:4

Cun bawiṭhutdan kha ka hmuh hna i a cungah mi an ṭhu, an sinah biaceihnâk kha an pêk. Pathian bia le Jesuh biahngaltu an si ruangah le sahrang le a lem a bia lo i ankut le ancal ah chinchiahnâk a co lo ruangah anlu an tanmi hna thlarau kha ka hmuh hna. Cu hna cu an hung nung i Krih he kum 1000 chung an uk hna.

1THESALON 5:23

Atu ah daihnâk Pathian nih a dih um nâkin in thianter hna seh, nan thlarau le nan nunnâk le nan pum cu kan Bawipa Jesuh Krih a rat tikah sawiawk um loin himter si ko seh.

2 KORIN 4:2

Ningzah awktlak thuhmi thil hna kha kan hlawt hna, zernâk in kan nung lo, asiloah Pathian bia hi zatlâng hlennâk ah kan hmang fawn lo, Pathian hmai ah biatak cu phuangin mikip chiaṭha hngalhnâk le mit hmuh ah zoh a dawh maw ti hi kan conhmi a si.

PHUNGTHLÛKBIA 5:4

Asinain a donghnâk cu anfangkhâ bantukin a khâ i kaphnih har vainam bantuk in a har.

JEIM 1:18

A sermi hna lakah hmasa bik theitlai kan si khawh nâkhnga, Amah duhning tein bia tak chungah a kan hrin.

2 KORIN 2:17

Zeitintiah mi tampi nih Pathian bia hi chawlehnâk i an hman bangin kannih nih cun kan hmang ve lo; biatak tein; Pathian thlahmi kan si bangin Pathian mithmuh ah Krih ah bia kan chim tawn.

SALM 110:2

BAWIPA nih na ṭhawnnâk ṭhiangthunh cu Zion in a thlah lai. Na ral hna sinah bia na ceih lai.

1 KORIN 1:24

asinain kawhmi hna caah cun, Judah he Grik he Krih cu Pathian ṭhawnnâk le Pathian fimnâk a si.

LAMKALTU 5:33

Cucu an theih tikah an thin a khenh hna i thahnâk ding khua an khâng.

JOHAN 12:48

Mi zei pauh nih an ka hlawt i ka chimmi an pawm lo ahcun thiamlo cotertu ding a ngei. Ka chim cangmi bia nih khan ni dongh ni ah thiamlo a coter te lai.

LAMKALTU 7:38

“Amah hi a si, ramcar i â pummi hna lak i a rak ummi, Sinai tlâng i vanmi nih a chawnhmi, kan pu le hna sin i bia chimtu le kan sin i pêkding bia nung rak hmutu kha,

EFESA 5:26

anih cu bia hmangin ti in a khawlh-ṭawl i a thianter khawh lai;

HEBRU 6:5

Pathian bia ṭha le a ra laimi chan ṭhawnnâk a teh hnu ah,