HEBRU 3:6 - Laibaibal Thiang (BSI)

⁶ asinain Krih cu Fapa bangin Pathian chungkhar cungah zumhtlâk a si i chungkhar cu kanmah hi kan si, a dongh tiangin duh a nungmi zumhnâk le ruahchannâk kha kan i tlaih ahcun.

Lai (Hakha) Common Language Bible 2006

⁶ Sihmanhsehlaw Khrih zumh awk tlak a sining cu, Pathian inn a zohkhenhtu Fapa ningin a si. Cu inn cu kanmah hi kan si i cu kan simi cu kan i ruahchanmi kha fek te le ṭih lo tein kan i tlaih peng lawngah kan si zungzal lai.

HEBRU 3:6 Խաչաձեւ Հղումներ

2 KORIN 6:16

Pathian ṭempal le milem nih zeidah remnâk an ngeih? Nannih cu Pathian nung ṭempal nan si. Pathian nih hitihin a chim, “An sinah ka um lai i an lakah khua ka sa lai. An Pathian ka si lai i annih cu kami le an si lai.”

1 KORIN 3:16

Pathian ṭempal nan si le Pathian Thlarau nan chungah a um ti kha nan hngal lo maw?

1 PETER 2:5

nannih zong a nungmi lung bangin, Jesuh Krih thawngin, Pathian cohlan awktlâk in thlarau lei raithawinâk kha pe in, a thiangmi tlângbawi, Pathian umnâk ding i sakmi nan si.

HEBRU 10:35

Cucaah a liannganmi ṭuanman a ngeimi, nan zumhfehnâk kha hlawnh hrimhrim hlah u.

HEBRU 6:11

Cun nan i ruahchanmi hi a taktak i a phâk khawh nâkhnga, a dongh tiangin taihmâk chuah in pehzulh u, ti hi kan duh hringhran ko,

1 KORIN 6:19

Asilo ah nan pum hi nan chung i a ummi, Pathian sin in nan hmuhmi, Thiang Thlarau ṭempal a si le, nanmah ta nan si ti lo, ti kha nan hngal lo maw?

HEBRU 10:23

Kan i ruahchanmi zumhnâk hi â hninhlonâk dingah fek tein i tlai u sih, zeitintiah Biakamtu cu zumhtlâk a si.

HEBRU 4:11

Cucaah cu dinhnâk ah lut dingin i zuam u sih, culoahcun nawl a ngai lomi hna bangin kan tlu ve sual lai.

HEBRU 3:14

Zeitintiah Krih cotu kan si a hramthawk i kan zumhnâk kha a dongh tiang fek tein kan i tlaih ahcun,

BIAPHUAN 3:11

Ngaihmanh, ka ra zau lai! Na bawiluchin kha ahohmanhnih an in chuh nâkhnga lo, na ngeihcia kha fek tein i tlaih.

HEBRU 4:14

Cuticun van hmanh i a lan cangmi a lianngan Tlângbawi Nganbik, Jesuh, Pathian Fapa kan ngeih caah, kan zumhnâk hi fek tein i tlaih u sih.

HEBRU 1:2

hi ni hmadung ah a Fapa in kan sinah bia a chim cang, Amah cu thil vialte rocotu ah a ruah i Amah hmangin vawlei hi ser a si.

1TIMOTE 3:15

ka rauh deuh sual zongah Pathian chungkhar hna chungah khuasakning nan hngalh khawh nâkhnga ka ṭialmi a si. Pathian chungkhar hna cu Pathian nung kawhhran, biatak hrambunhnâk le suttung a si.

KOLOSE 1:23

vanrang tang sermi vialte sinah chimmi thawngṭha nan theihmi ah hninh khawh loin hram nan bunh i ruahchannâk le zumhnâk i nan um taktak ahcun, keimah Paul zong cu rianṭuantu ah ser ka si.

MATTHAI 10:22

Ka min ruangah mi vialte huat nan tong lai. Asinain a donghtiang a hmunmi cu khamh an si lai.

1THESALON 5:16

I lawm zungzal u,

ROM 15:13

Thiang Thlarau ṭhawnnâk thawngin ruahchannâk in a khatmi nan sikhawh nâkhnga, ruahchannâk Pathian nih nan zumhnâk ah lomhnâk le daih nâkin in khahter hna seh.

MATTHAI 24:13

Asinain a donghtiang a hmunmi nih khamhnâk a hmuh lai.

BIAPHUAN 2:25

Asinain nan ngeihcia kha fek tein ka rat hlantiang i tlaih u;

BIAPHUAN 2:18

“Cun Thiatira kawhhran vancungmi sinah hitinhin ṭial, Pathian Fapa; meialh bantuk mit a ngei i dartleumi bantuk kephah a ngeimi nih hi bia hi a chim.

2 THESALON 2:16

Cubangin kan Bawipa Jesuh Krih le kan Pa Pathian a kan dawtu le zângfahnâk ruangah zungzal hnangamnâk le ruahchannâk ṭha a kan petu Amah hrimhrim nih,

ROM 5:2

amah thawng lila in atu i kan dirnâk, hi zângfahnâk ah hin, zumhnâk in kan lut i lawmhnâk he Pathian sunparnâk kan i ruahchan.

SALM 2:12

Fapa cu hnam u, culoahcun a thin a hung sual lai, cân tlawmte a thin a hun tikah, lam lakah nan lotlau dih sual lai. Amah â hngatchanmi vialte cu mithluachuak an si.

1 PETER 1:8

Amah cu nan hmu lo nain nan dawt, atu ah nan hmu lo nain Amah cu nan zumh, cucaah nan zumh chan nan thlarau khamhnâk kha nan hmuh caah,

GALATI 6:9

Cuticun thilṭha tuah neng hlah u sih. Kan i thlahdorh lo ahcun a cân te ah kan zûn te ko lai.

ROM 11:22

Cucaah Pathian ṭhatnâk le ṭih a nunning hi ruat hmanh, a tlumi caah cun ṭih a nung ngai ngai, A ṭhatnâk i na hmunh ahcun, na caah a ṭha. Culoahcun tan na si ve sual lai.

MATTHAI 16:18

Cun nang cu, Peter na si tiah kan chimh, hi lung cungah hin ka kawhhran ka dirh lai i Mithi kutkâ hmanh nih an ngamh lai lo.

ROM 12:12

ruahchanhnâk ngeiin i lawm ulaw, harnâk lakah inkhawhnâkin, ṭhahnem ngaiin thla cam lengmang ko u.

GALATI 6:10

Cucaah cân rem kan ngeih ning cio in, mi vialte cungah thilṭha tuah u sih, a hleiin zumhnâk i kan chung le sinah tuah u sih.

EFESA 3:12

Amah i zumhnâk thawngin amah lila ah khan ralṭha le ngamh ngaiin luh khawhnâk kan ngei.

HEBRU 4:16

Cucaah bomh kan herh cân ah vel le zângfahnâk kan co khawh nâkhnga zângfahnâk ṭhutdanh cu ralṭha in panh u sih.

HEBRU 6:18

cucu thlenkhawh lomi thil pahnih: lihchim kholo Pathian a sinâk le, kan hmai i a chiahmi ruahchannâk hmuh awkah le himnâk ca i a zâmmi hna caah a ṭhawngmi hnangamnâk kan ngeih khawhnâk kha an si.

HEBRU 7:19

zeitintiah nawlbia nih zeihmanh a tlinter kho lo; kap khat leiah, ruahchannâk ṭha deuh phâkter a si i cu nih cun Pathian kha a kan naihter.

HEBRU 10:19

Cucaah unau hna, Jesuh thisen thawngin hmunthiang bik i luhnâk dingah ralṭhatnâk kan ngei,

HEBRU 10:21

cun Pathian chungkhar ah Tlângbawi Nganbik kan ngeih caah,

HEBRU 11:1

Zumhnâk hi ruahchanmi thil a um taktak tiah hngalhnâk, hmuh lomi thil hmuhfiannâk a si.

1 PETER 4:17

Zeitintiah biaceihnâk cu Pathian chungkhar ah hin thawk a za cang, kanmah hmanh i a thawk ahcun, Pathian Thawngṭha zum duh lo hna donhgnâk cu zeitlukdah a si te lai?

BIAPHUAN 2:26

Cun teitu le a dongh tiang ka rian a pehzulhtu sinah miphun hna cung i ṭhawnnâk ka pêk lai i