HEBRU 3:14 - Laibaibal Thiang (BSI)

¹⁴ Zeitintiah Krih cotu kan si a hramthawk i kan zumhnâk kha a dongh tiang fek tein kan i tlaih ahcun,

Lai (Hakha) Common Language Bible 2006

¹⁴ Zeicahtiah a hramthawk tein ralṭha ngaiin kan rak zumhmi kha fek tein a dongh tiang kan i tlaih ahcun, kan dihlak in Khrih hawi kan si dih zungzal lai.

HEBRU 3:14 Խաչաձեւ Հղումներ

HEBRU 3:6

asinain Krih cu Fapa bangin Pathian chungkhar cungah zumhtlâk a si i chungkhar cu kanmah hi kan si, a dongh tiangin duh a nungmi zumhnâk le ruahchannâk kha kan i tlaih ahcun.

HEBRU 6:11

Cun nan i ruahchanmi hi a taktak i a phâk khawh nâkhnga, a dongh tiangin taihmâk chuah in pehzulh u, ti hi kan duh hringhran ko,

1 PETER 4:13

Krih teminnâk nan i hrawmhnâk a si tiah ruat in i lawm deuh u, cuticun a sunparnâk kha langhter a si tik ah lunglomh nâkin nan khat te lai.

HEBRU 12:10

Zeitintiah annih nih cântawi te chung ṭha an ti ningin an kan chimhhrin tawn, Anih nih cun kan ṭhatnâk dingin le a thiannâk kan i hrawm khawh nâkhnga a kan chimhhrin tawn.

HEBRU 6:4

Zeitintiah voikhat ceunâk a hmu cang i van thilpêk a tep cang i Thiang Thlarau co terin,

EFESA 3:6

Cu biathli cu Thawngṭha thawngin Krih ah Gentel mi hna hi rocopi hawi, pum ṭengnge, biakam co pitu an si, timi hi a si.

HEBRU 3:1

Cucaah, a thiangmi unau, vanlei kawhnâk a comi hna, kan zumhnâk i lamkaltu le Tlângbawi Nganbik Krih Jesuh kha ruat tuah u.

ROM 11:17

Cun Oliv nge cheukhat kha tan piakin nang olive deu kha olive tak takah peh na si i a kung cawmtu a hram zong nâ hrawm ahcun,

1 KORIN 10:17

Zeitintiah kannih hi tampi kan si nain, changreu tlangkhat, taksa pumkhat kan si. Changreu tlangkhat chungin kan co cio mi a si.

1JOHAN 1:3

cu kan hmuh le kan theihmi cu nan sinah kan phuan, cucu nanmah he hawikomhnâk kan ngeihkhawh nâkhnga caah a si. Kanmah nan kan hawikomhnâk hi Pa le a Fapa Jesuh Krih he i hawikomhnâk a si.

1 KORIN 1:30

Nannih tu cu Amah thawngin Krih Jesuh ah nan um, Amah cu Pathian sinin kan ca fimnâk, dinnâk, thiannâk le tlanhnâk a si,

1 PETER 5:1

Nan lakah upa hna, kei nan upat hawi, Krih tuarnâk hngalhpitu, sunparnâk a lang hngami cotu ding a simi nih hin tha kan pêk hna.

1TIMOTE 6:2

An hotu le zumtu an si i unau an si ruangah zeirel loin um hna hlah seh, anmah ruang i ṭhathnemnâk hmutu an si caah zumtu le dawtmi an si caah rian ṭuanpiak hna seh. Cucu cawnpiak law tha pe hna.

1 KORIN 9:23

Nanmah he covo kangeih khawh nâkhnga hihi thawngṭha ruangah ka tuahmi a si.

ROM 11:22

Cucaah Pathian ṭhatnâk le ṭih a nunning hi ruat hmanh, a tlumi caah cun ṭih a nung ngai ngai, A ṭhatnâk i na hmunh ahcun, na caah a ṭha. Culoahcun tan na si ve sual lai.

HEBRU 11:1

Zumhnâk hi ruahchanmi thil a um taktak tiah hngalhnâk, hmuh lomi thil hmuhfiannâk a si.