HEBRU 3:12 - Laibaibal Thiang (BSI)

¹² Unau hna, i ralring u, culoahcun Pathian nung kaltâk duhnâk tiangin nanmah lakah mi zeimaw chungah zumhlonâk lungthin sual a um sual lai.

Lai (Hakha) Common Language Bible 2006

¹² Ka u le ka nau hna, a nungmi Pathian zamtak a duhmi lungthin ṭhalo le Pathian bochan duh lonak lungthin a ngeimi nan um sual nakhnga lo i ralring u.

HEBRU 3:12 Խաչաձեւ Հղումներ

HEBRU 12:25

I ralring u Biachimtu hi nan rak hlawtsual lai. Zeitintiah vawlei i Biachimtu an duh lo ruangah hremnâk in an luat khawh lo ahcun van in Biachimtu zei i kan rel lo sual ahcun kan luat lo chin chin lai,

1 KORIN 10:12

Cucaah fek tein ka dir ko a timi kha i ralring seh, culoahcun a tlu sual lai.

HEBRU 10:38

Ka miding cu zumhnâk in a nung lai. Hnulei a tawlh ahcun a cungah kâ lawm lai lo.

HEBRU 12:15

I ralring u, Pathian zângfahnâk ah tling loin nan um sual lai. Khâtnâk hram a corhmi nih an buaiter hna lai, mi tampi nih thûrhnomhnâk ah an hman cang;

HEBRU 3:10

Cucaah kha chan hna cungah ka thin a hung, cun an lungthin in an pial zungzal, ka lam kha an hngal lo,” tiah ka ti.

MARKA 13:33

Thlacam in i ralring u, zeicatiah a cân kha nan hngal lo.

MATTHAI 24:4

Jesuh nih, “Ahohmanh nih an in hlen nâkhnga lo, i ral ring u.

PHUNGTHLÛKBIA 1:32

Zeitintiah mi sawsawh hna nih an pialter hna nâk nih a thah hna lai, khua lu khua taw ruat loin an umnâk nih a hrawh hna lai.

MARKA 13:9

I ralring u, biaceihnâk ah an in chuahpi hna lai, Sinagog ah an in velh hna lai, ka bia hngalhter awkah, hruaitu le uktu hna hmai ah keimah ruangah chuahpi nan si te lai.

1THESALON 1:9

Zeitintiah nan sin kan rat lio i nan kan cohlan ning le, milem kaltâk in Pathian leiah nan i mer ning, Pathian nung le a dikmi rian ṭuan dingin nan i pek ning,

SALM 18:21

Zeitintiah BAWIPA lam kha kâ cinken i ka Pathian cu suaksual ngai in ka kaltâk bal lo.

ROM 11:21

Zeitintiah Pathian nih a nge tak tak hmanh a zuah lo ahcun, nang zong an zuah hlei lai lo.

LUKA 21:8

Anih nih, “An in hlen nâkhnga lo i ral ring u. Mitampi nih, ‘Amah cu ka si, an ti lo le, a cân a phân deng cang, tiah keimah min chalh in an ra lai. Cunbantuk mi cu zul hna hlah u.

MARKA 13:23

Nannih tu cu ralring tein um u, ngaihmanh u, thil vialte kan chimh chung cang hna hi,” tiah a ti.

MATTHAI 16:16

Simon Peter nih, “Krih Pathian nung Fapa na si,” tiah a ti.

KOLOSE 2:8

I ralring u, culoahcun mi zeimaw nih Krih cawnpiakning si loin, fimnâk le pakpalawng hlennâk le, minung hna i chanhchinmi phung le vawlei phunghram men in hlen nan si sual lai.

HEBRU 3:1

Cucaah, a thiangmi unau, vanlei kawhnâk a comi hna, kan zumhnâk i lamkaltu le Tlângbawi Nganbik Krih Jesuh kha ruat tuah u.

HEBRU 3:19

Cuticun zumhlonâk ruangah an lut kho lo ti kha kan hngalh.

HEBRU 9:14

Krih thisen, zungzal Thlarau thawngin Pathian sinah dotla in pekchanh mi nih, Pathian nung rianṭuan dingin, an chiaṭha hngalhnâk kha a thimi tuahsernâk chungin zeitlukindah a thianter chin chin lai!

HEBRU 10:31

A nungmi Pathian kut i tluk cu ṭih a nung tak takmi a si.

HEBRU 12:22

Asinain nannih cu Zion tlâng, Pathian nung khualipi, van Jerusalem, relcawklo vanmi hna civuipi,