HEBRU 2:17 - Laibaibal Thiang (BSI)

¹⁷ Cucaah minung hna caah sualngaihthiamnâk tuahpiak dingin, Pathian lei ah Tlângbawi Nganbik, velngeimi le zumhtlâk a si khawh nâkhnga zeizong kipah a unau hna bang i a run i can kha a ca zongah a herhmi a si.

Lai (Hakha) Common Language Bible 2006

¹⁷ Cucaah zeizong kip ah a unau hna bantuk kha a si awk hrim a si i cu bantukin a si cu, annih nih sual ngaihthiamnak an hmuh khawh nakhnga ding caah, zumh awk a tlakmi le zaangfah a thiammi an Tlangbawi Ngan a si nakhnga caah a si.

HEBRU 2:17 Խաչաձեւ Հղումներ

HEBRU 4:14

Cuticun van hmanh i a lan cangmi a lianngan Tlângbawi Nganbik, Jesuh, Pathian Fapa kan ngeih caah, kan zumhnâk hi fek tein i tlaih u sih.

HEBRU 2:14

Zeicatiah ngakchia hna hi taksa le thisen cotu an si caah Amah zong nih an sining kha â hrawm ve, cucu thih ṭhawnnâk ngeitu Satan kha a thihnâk thawngin a hrawh khawh nâkhnga le,

HEBRU 7:26

Zeitintiah cubantuk Tlângbawi Nganbik, a thiangmi, fahnâk pe ballo, thûrter lomi, misual hna sin in thleidanmi, van nâkin a sâng deuhmi cu kan ngeih awk ah â tlakmi a si.

ROM 5:10

Zeitintiah ral kan si lio hmanhah a Fapa thihnâk thawngin Pathian he kan i remṭhân ahcun, atu kan i remṭhân hnu ah a nunnâk ruangah khamh kan si chin chin lai.

HEBRU 2:11

Zeitintiah Thiantertu le thiantermi hna cu an dih lakin mi pakhat ta an si. Cucaah annih cu, “Unau hna” tiah kawh awkah a zahpi hna lo.

HEBRU 3:5

Moses kha a hnu ah an chim te laimi thil hna hngalhpitu a si khawh nâkhnga Pathian chungkhar vialte lakah zumh a tlâk tak takmi sal a si,

KOLOSE 1:21

Cun nannih sualnâk nan tuah ruang i lungput ah a ral nan si i Amah he ṭhen nan rak si, asinain atu cu Amah he remter`hânmi nan si;

HEBRU 7:28

Zeitintiah nawlbia nih derthawmnâk a ngeimi minung kha tlângbawi ngan ah a ruah tawn nain nawlbia umhnu ah chiat i serhnâk bia nih, Fapa, zungzal ca i tlintermi kha a ruah.

EFESA 2:16

cun i ralnâk kha thah piakin pahnih hna cu vailamtahnâk thawngin Pathian ah taksa pumkhat ah can terin i remṭhânnâk kha a tuah khawh lai.

ROM 15:17

Cucaah Pathian kongah Krih Jesuh ah hmaihngal khawhnâk ka ngei.

HEBRU 3:2

Moses kha Pathian chungkhar pumpi caah zumhtlâk a si bangin, Amah zong a dirhmun i a chiatu caah zumh a tlâk ve.

HEBRU 2:16

A ngaingai ti ah, a bomhmi hna cu vanmi si loin Abraham tefa an si.

HEBRU 3:1

Cucaah, a thiangmi unau, vanlei kawhnâk a comi hna, kan zumhnâk i lamkaltu le Tlângbawi Nganbik Krih Jesuh kha ruat tuah u.

HEBRU 4:15

Zeitintiah kan derthawmnâk a kan ruahpiak kho lotu Tlângbawi Ngan a ngeitu kan si lo, kanmah bangin a phun kipin tukforhnâk a rak tong nain, a sual lomi ngeitu kan si.

HEBRU 5:1

Zeitintiah Tlângbawi Ngan bik cu minung sinin thimmi, minung caah Pathian sinah sual raithawinâk le thilpêk pêchântu ah ruahmi an si.

HEBRU 5:2

Anih cu theihhngalhnâk a ngei lomi le lam a pialmi vel a ngeih khawh hna, zeicatiah Anih zong derthawmnâk tangah a um tawn caah a si.

HEBRU 5:5

Cubangin Krih zong Tlângbawi Nganbik si dingin Amah le Amah sunparnâk â pe lo. “Nangmah cu ka Fapa na si, nihinah kan hrin,” tiah a sin i a chimtu nih khan sunparnâk cu a pêk.

HEBRU 5:10

“Melkhizedek tlângbawi si ningin” Pathian kawhmi Tlângbawi Nganbik a si.

HEBRU 6:20

cuka ah Jesuh, Melkhizeedek Tlângbawi bangin zungzal Tlângbawi Nganbik a simi kha kan ai awh in a rak lut.

HEBRU 8:1

Cubangin hihi kan chimmi hna tlângkomhtu cu a si; cubantuk Tlângbawi Ngan bik, van cungah Cungnung bik ṭhutnâk orhlei kam i a ṭhumi,

HEBRU 8:3

Zeitintiah tlângbawi nganbik pauh cu thilpêk le raithawinâk pechân ding i ruahmi an si. Cucaah hi Tlângbawi Nganbik zong nih pêkchanh awk zei maw cu a ngeih ve a herh.

HEBRU 9:11

Asinain Krih cu a um lai ding mi thilṭha caah Tlângbawi Nganbik bangin a ra, kut i sak a si lomi, hi sermi thil in sakmi zong a si lomi biakthlâm, a ngan deuhmi le tlam a tling deuhmi ah,

HEBRU 10:21

cun Pathian chungkhar ah Tlângbawi Nganbik kan ngeih caah,