HEBRU 2:11 - Laibaibal Thiang (BSI)

¹¹ Zeitintiah Thiantertu le thiantermi hna cu an dih lakin mi pakhat ta an si. Cucaah annih cu, “Unau hna” tiah kawh awkah a zahpi hna lo.

Lai (Hakha) Common Language Bible 2006

¹¹ Minung cu an sualnak kha a thianhpiak hna; minung sualnak a thianhtu le an sualnak a thianhpiakmi hna minung cu, an bu hnih in, an Pa cu aa khat ko. Cu ruangah cun Jesuh nih ka unau hna ti i kawh kha a ning a zak lo.

HEBRU 2:11 Խաչաձեւ Հղումներ

HEBRU 10:14

Zeitintiah voi khat raithawinâk nih thianter lengmangmi hna cu zungzal ca in a tlinter cang hna.

HEBRU 10:10

Cu duhnâk in Jesuh Krih taksa voikhat ah zungzal ca pêkchanhnâk thawngin thianter kan si cang.

JOHAN 20:17

Jesuh nih, “Ka tlai peng hlah, atu tiangin Pa sinah ka kai rih lo; ka u nau hna sinah va kal law, an sinah, “Ka pa, nan Pa, ka Pathian, nan Pathian sinah ka kai lai, a ti tiah, va ti,” tiah a ti.

HEBRU 13:12

Cubangin Jesuh zong nih, Amah thisen hrimhrim in mi a thianter khawh nâkhnga, hau lengah ah a rak tuar.

ROM 8:29

Zeitintiah a fapa cu unau tampi lak i fater a si khawh nâkhnga, a hngalh chungmi hna cu, Amah fapa bantuk i um dingah a khaukhih diam cang hna.

JOHAN 17:19

Anmah ruangah kâ thianter tawn, annih zong biatak in thianter an si khawh nâkhnga.

JOHAN 17:21

an dihlak in pumkhat an si khawh nâkhnga. Ka Pa, Nang keimah ah, kei Nangmah ah ka um bantukin an dih lak in Kanmah ah pumkhat i an um khawh nâkhnga, cun vawlei nih Nangmah nih naka thlah ti a zumh khawh nâkhnga.

MATTHAI 25:40

Siangpahrang nih, ‘Biataktein kan chimh hna, hi ka unau hna lak i a hmebik cungah nan tuahmi hi keimah cungah a tuahmi nan si, tiah a leh hna lai.

HEBRU 2:14

Zeicatiah ngakchia hna hi taksa le thisen cotu an si caah Amah zong nih an sining kha â hrawm ve, cucu thih ṭhawnnâk ngeitu Satan kha a thihnâk thawngin a hrawh khawh nâkhnga le,

GALATI 4:4

Asinain a tlingmi cân a phâk tikah, Pathian nih a Fapa cu a run thlah, nu hrin nâkin, nawlbia tangah a rak chuak,

LAMKALTU 17:26

Cun leicung vialte i khuasa dingin thisen pakhat chungin miphun vialte a ser i an caah khuacân a khiahpiak hna i an umnâk ramri zong a khampiak hna.

HEBRU 11:16

Asinain an duhmi cu ram ṭha deuhmi a si i cucu vanram a si. Cucaah Pathian nih an Pathian si a ning a zak lo i an caah khualipi a rak timhtuah piak hna.

MARKA 8:38

Zeitintiah tuchan ṭhangthar ṭangdang kai a hmangmi le misual hna lakah keimah le ka bia a zahpimi pauh, Mi Fapa nih, van mithiang hna he a Pa sunparnâk thuamin a rat tikah cu minung cu a zahpi ve lai,” tiah a ti.

MATTHAI 28:10

Jesuh nih, “Ṭih hrimhrim hlah u, kal ulaw, Galili ram i kal dingin ka unau kha va chim hna u, cuka ah cun anka hmuh lai,” tiah a ti.

LAMKALTU 17:28

Zeitintiah Amah ah, kan nung, kan cawl, kan câng i khua kan sa, nan hlaphuah thiam hna zong nih, “Kannih zong a tefa kan si ve,” an rak ti bang khan.

LUKA 9:26

Zeitintiah keimah le ka bia a zahpimi pauh cu, Mi Fapa nih a sunparnâk le a Pa sunparnâk le a van mithiang hna sunparnâk he a rat tikah a zahpi ve lai.

MARKA 3:34

A pawng i a ṭhumi hna cu a hei zoh hna i, “Ka nu le ka nau le cu hi hna hi an si,”

HEBRU 3:1

Cucaah, a thiangmi unau, vanlei kawhnâk a comi hna, kan zumhnâk i lamkaltu le Tlângbawi Nganbik Krih Jesuh kha ruat tuah u.