HEBRU 13:5 - Laibaibal Thiang (BSI)

⁵ Nan nunning cu hakkauhnâk tello nun siseh, nan ngeihmi ah lungtling u. Zeitintiah Amah hrimhrim nih, “Zeitikhmanhah kan kaltâk hna lai lo i kan zohsawh hna lai lo,” tiah a ti.

Lai (Hakha) Common Language Bible 2006

⁵ Tangka hi duh tuk hlah u, nan ngeihmi ah khan nan lung awi ko u. Zeicahtiah Pathian nih, “Kan kaltak bal hna lai lo i kan hlaw bal fawn hna lai lo,” a ti.

HEBRU 13:5 Խաչաձեւ Հղումներ

SALM 37:25

Mino ka rak si cang i atu cu ka tar cang, miding kaltâk a si ka hmu bal lo i a tefa hna kutdawh zong ka hmu bal lo.

MATTHAI 6:25

“Cucaah nan nunnâk ca i nan ei nan dinmi kongah siseh, nan pum nih â hrukmi hnipuan kongah siseh lungrethei in um hlah u. Rawl nâkin nunnâk a biapi deuh lo maw? Hnipuan nâkin pum zong a biapi deuh lo maw?.

SALM 37:28

Zeitintiah BAWIPA nih diknâk a dawt, a mithiang hna a kaltâk bal hna lo, himter an si zungzal; asinain misuaksual fale cu hlawnh dih an si lai.

MATTHAI 6:34

Cucaah thaizing caah lungretheiin ruat hlah u, zeitintiah thaizing nih amah kong cu tuaktan te ko seh. Nikhat ca i nikhat lungretheih hi a za ko.

KOLOSE 3:5

Cucaah nan lei taksa ṭengnge nupa sualnâk, thûrhnawmhnâk, hornâk, duhnâk sual le hakkauhnâk, (cucu milem biaknâk a si)hna kha that hna u.

LUKA 3:14

Cubantuk ṭhiamṭhiam in ralkap zong nih, “Kannih ta zeidah kan tuah lai?” tiah an hal. Anih nih, “Ahohmanh va tlerh hna hlah u law, lih in va nam hna hlah u. Nan hlawh ah nan lung tling seh,” tiah a ti hna.

SALM 119:36

Na hngalhternâk bia lei ah ka lungthin hi mer law, hakkauhnâk lei ah cun si hlah seh.

2 PETER 2:14

an mit cu ṭangdang kaiduhnâk in a khat i ngol kho lo i a sualmi, lungthin fek lomi an lâk tawn hna. Hakkauh lungput an i ṭhan pi i chiatserhmi fa le an si.

1TIMOTE 3:3

misur hang ding lomi, velhhmang lomi, phaisaduhtuk lomi, nunnemmi, elhnial hmang lomi, duhfâk lomi,

EFESA 5:5

Zeitintiah nupa sualnâk tuahtu, mithûrhnawm, hakkaumi, hakkauh cu milem biak a si: cubantuk mi hna nih Krih le Pathian Pennâk ah co awk ro zeihmanh an ngei lo ti kha nan hngalh.

2 PETER 2:3

Hakkauh ruangah hlennâk bia hmangin hlawknâk caah an in hman hna lai, zeitintiah hlan liopi in an cungah biaceihnâk cu a hmun i an rawhralnâk ding zong â hngilh lo.

SALM 10:3

Zeitintiah misuaksual nih a lungthin duhmi hmanh kha an i porhlawt pi; BAWIPA hlawt in hakkaumi thluachuah an pêk hna.

EFESA 5:3

Mithiang hna tuah awk ah â tlak bangin nupa sualnâk, thurhnawnhnâk le haukauhnâk hna cu nan lakah a chim hmanh chim hlah u,

1 KORIN 5:11

Asinain atu ka ṭial chan cu unau min pu ve ṭung i nupa sualnâk tuah ngol hlei lomi, mi hakkau, milem biami, misik hmang, zu rimi, ningcanglo lâk hmangmi hna kha komh peng hna hlah u, an sinah rawl hmanh ei hlah u.

LUKA 8:14

Hlingngei mi hramh lak i a tlami cu, bia an theihhnuah an kal i nunchung khuasak tintuknâk le, rum duhnâk le, nawmhhnaih duhnâk nih a dih chih i theitlai an chuah kho lo.

MARKA 7:22

firnâk, hngarnâk, Ṭhatlonâk, hlennâk, hornâk, hnahchuahnâk, thangchiatnâk, porhlawtnâk le hruhnâk hna hi;

JUDAS 1:11

Zeitluk ngaihchia dah an si! Kain lam kha an zulh i hlawh hmu dingah Balaam lamah hakkau ngai in an tli i Kora ralthawhnâk bangin an lo tlau dih te lai.

1 KORIN 6:10

mifir, hakkaumi, zurit hmang, mi hauhhmang, ningcang lo lak hmangmi hna nih Pathian pennâk an co lai lo.

ROM 1:29

Dinlonâk in an khat i nupa sualnâk, suahsualnâk, hakkauhnâk le min chiatter duhnâk in an khat. Hnahchuahnâk, lainawnnâk, i remlonâk, hlennâk, sualnâk lei lawng duhnâk, thlithup biaruah hmannâk,

PHUNGTHLÛKBIA 23:4

Rum i timtuk hlah; nangmah theithiamnâk ruangah i sûm deuh.

MATTHAI 6:19

“Lei i rungrul le cirik nih an ei khawh i mifir nih an bauh i an fir khawhnâk ah hin nan ro va khong hlah u;

2 KORIN 4:9

serhsat kan si nain kaltâk kan si bal lo, tlu lak in tuk kan si nain hrawh kan si bal lo.