HEBRU 13:16 - Laibaibal Thiang (BSI)

¹⁶ Asinain thilṭha tuah le nunsian hi phihhlah u. Cubantuk raithawinâk ah Pathian â lawm tawn.

Lai (Hakha) Common Language Bible 2006

¹⁶ Pakhat le pakhat i bawmh le pakhat le pakhat cung i ṭhatnak tuah kha philh hlah u; hihi Pathian lung a tongmi raithawinak a si.

HEBRU 13:16 Խաչաձեւ Հղումներ

2 THESALON 3:13

Ule nau hna, nannih cu thil ṭha tuah kha neng hlah u.

ROM 12:13

mithiang hna chamhbaunâk bawm hna ulaw, khual tlung ṭha tein zohkhenh u.

GALATI 6:10

Cucaah cân rem kan ngeih ning cio in, mi vialte cungah thilṭha tuah u sih, a hleiin zumhnâk i kan chung le sinah tuah u sih.

HEBRU 6:10

Zeicatiah Pathian hi nan ṭuanmi le Amah minin dawtnâk i nan langhtermi rian le mithiang hna ca i nan rak ṭuan cangmi le nan ṭuan cuahmah mi hna philh ding tiangin mi dinglo a si lo.

1TIMOTE 6:18

Thilṭha tuah hna seh, thilṭha tuahnâk ah rum hna seh, midang nih an ciangzar an tem ve nâkhnga nun siang hna seh,

FILIPI 4:18

A ngaingai tiah zeizong vialte tam ngaiin ka ngei, zeihmanh ka bau lo, Epafarodistas kutah nan rak kuatmi thil kha ka hmuh hna, cucu a rim a hmuimi, cohlan awktlak raithawinâk le Pathian lomhtertu ṭha an si.

EFESA 4:28

Firhmang nih fir ti hlah seh, chambau mi a bomh khawh nâkhnga a kut in ba lakin rian ṭuan seh.

1THESALON 5:15

Ahohmanh nih Ṭhatlonâk kha Ṭhatlonâk in lehrul hlah u, nanmah le mi vialte caah ṭhatnâk kha a dawi in dawi u.

LAMKALTU 10:38

Nazaret Jesuh, kha bantukin Pathian nih Thiang Thlarau le thiltikhawhnâk in sathau a thuh ning le thilṭha tuah in khual a tlawng i khuachia serhsatmi vialte a damter hnanâk kong kha, zeitintiah a sinah Pathian a um.

LUKA 18:22

Jesuh nih cucu a theih i a sinah, “Lamkhat na bau. Na ngeih vialte zuar law, mi sifak phaw hna, cuticun vanah ro na ngei lai, cun ra law, ka zul,” tiah a ti.

SALM 37:3

BAWIPA i bochan law, ṭhatnâk tuah; ram chungah um law, zumhtlâk a sinâk nih an cawm lai.

3 JOHAN 1:11

Dawtmi, thil ṭha lo cu i zoh chunh hlah. A ṭhami lawnglawng rak i zoh chunh. Ṭhatnâk tuahtu cu Pathian ta an si i sualnâk a tuahtu nih Pathian a hmu bal lo.

GALATI 6:6

Bia cawnpiak a simi nih cawnpiaktu sinah a ngeihmi thilṭha vialte hrawm ve seh.

FILEMON 1:6

na zumhnâk cu midang sinah na hngalhternâk thawngin Krih Jesuh ah na chung i a ummi ṭhatnâk phunkip hna nih hmual an ngeih khawh lai.

FILIPI 4:14

Zei a si zongah, ka vansânnâk nan i hrawm ve caah nan ti ṭha ngaingai.

LAMKALTU 9:36

Joppa khua ah zultu pakhat a min Tabitha a um, cucu Dorkhas ti a si, a sullam cu sazuk tinâk a si. Cu nu cu ṭhatnâk tuah le misifak bomhnâk lei ah nun siang ngaimi a si.

SALM 51:19

Cuticun dinnâk raithawinâk le, khanghthawinâk le pum khanghthawinâk ah nâ lawm lai i na biakṭheng cungah cawtum kha an pêkchanh cang lai.