HEBRU 13:1 - Laibaibal Thiang (BSI)

¹ Unau dawtnâk hi umpeng seh law.

Lai (Hakha) Common Language Bible 2006

¹ Khrih chungah unau nan si bantukin pakhat le pakhat i daw zungzal u.

HEBRU 13:1 Խաչաձեւ Հղումներ

1JOHAN 4:20

Minih, ‘Pathian ka dawt a ti i a unau a huat ahcun lihchim a si; zeitintiah a hmuhmi unau hmanh a dawt lo ahcun, a hmuh lomi Pathian cu zeitindah a dawt khawh lai?

1 PETER 3:8

A hnu bik ah nan dihlak in ruahnâk hmunkhat in um ulaw vêl i ngeih hna u, unau bangin i daw u, zângfahthiam le toidornâk tein um u;

1 PETER 1:22

Unau dawtnâk taktak kha ngei in, Thlarau thawngin biatak zum in, nan thlarau nan thianter cang caah, lungthin thiang te le biatak tein pakhat le pakhat i daw u,

2 PETER 1:7

Pathian ṭihnâk ah khan unau zawnruahnâk telhchih u, cun unau zawnruahnâk ah khan dawtnâk telhchih u.

1 PETER 2:17

Mi vialte upat hna u. Unau kha daw hna u. Pathian ṭih u. Siangpahrang upat hna u.

HEBRU 10:24

Cun dawtnâk le thilṭha tuahnâk in i tharthawh dingin ruat cio u sih.

2 THESALON 1:3

Unau hna nanmah kongah Pathian sinah lawmhnâk bia chim awk kan ngei, cucu kan tuah awk hrimhrim a si, zeicatiah nan zumhnâk kha a ṭhang ngaingai i pakhat le pakhat nan i dawtnâk zong a karh chin leng mang,

1 PETER 4:8

Cun thildang vialte nâk in pakhat le pakhat i dawt hi rak uar bik ko u, zeitintiah dawtnâk nih sualnâk tampi a khuh tawn.

GALATI 5:22

Thlarau theitlai tu cu, dawtnâk, lawmhnâk, daihnâk, lungsaunâk, zângfahnâk, ṭhatnâk, zumhawktlaksinâk,

GALATI 5:13

Ule nau hna, zalong ding i kawhmi nan si, nan zalonâk tu cu thisa caah cânremah hmang hlah u, dawtnâk in rian i ṭuanpiak cio u.

BIAPHUAN 2:4

Asinain ralchanhnâk kan ngeihmi cu hihi a si, na dawtnâk hmasa na kaltâkmi hi;

1JOHAN 3:23

A nawlpêkmi cu hihi a si, a Fapa Jesuh Krih min zumh i nawl a kan pêk bangin pakhat le pakhat kan i dawtmi hi.

GALATI 5:6

Zeitintiah Krih Jesuh ah cun cuarpartan hi zeihmanh a ṭhahnem lo, cuarpar tanlo zong zeihmanh a ṭhahnem hlei lo. Zumhnâk, dawtnâk i ṭuan lawng kha a ṭhahnemmi cu a si.

JOHAN 15:17

Nawl kan pêkmi hna hi pakhat le pakhat nan i dawt khawh nâkhnga caah a si.

EFESA 5:2

Krih nih a kan dawt i Pathian sinah raithawinâk le rimhmui pekchanhmi ah kan ca i â pêk bangin dawt nâkin nung u.

EFESA 4:3

daihnâk ah i funtom in, Thlarau i pumkhat sinâk kha i tlaihpeng u sih.

LAMKALTU 4:32

Zumtu hna cu lungthin hmunkhat le thlarau hmunkhat in an um, an lakah pakhat hmanh nih an ngeihmi ka ta ti loin thil vialte an i hrawm.

LAMKALTU 2:1

Penticost ni a phâk tikah, an dihlak in, hmun pakhat ah lungrual tein an um.

SALM 133:1

Zohhmanh, unau rualrem tein khuasak ṭi hi a ṭha in a va nuam dah.