HEBRU 11:6 - Laibaibal Thiang (BSI)

⁶ Zumhnâk lo in Amah lawmhmi si khawh a si hrimhrim lo; Pathian sinah a rami nih, Amah cu a um ti kha a zumh hrimhrim lai i biatak chuah in a kawltu sinah laksawng petu a si ti kha a zumh awk a si.

Lai (Hakha) Common Language Bible 2006

⁶ Ahohmanh nih zumhnak loin Pathian lung ton khawh a si lo; zeicahtiah Pathian a fuhmi paohpaoh nih cun, Pathian cu a um i amah a kawlmi cu laksawng a pek hna, ti kha an zumh awk a herh.

HEBRU 11:6 Խաչաձեւ Հղումներ

PHUNGTHLÛKBIA 8:17

Aka dawtu cu ka dawt ve hna i biatak tein aka kawltu hna nih anka hmuh lai.

MATTHAI 6:33

Cucaah Pathian pennâk le a dinnâk kha kawl hmasa u law, cu thil vialte cu chapchih nan si ko lai.

LUKA 12:31

Asinain Pathian pennâk kha kawl ula, cuthil vialte cu chap nan si ko lai.

SALM 119:10

Ka lungthin diklak in kan kawl, aw na nawlpêk pialtâk ding cu ka siang hrim hlah.

HEBRU 7:25

Cucaah Amah lan in Pathian sinah a rami hna cu a dongh tiangin a khamh khawh hna, zeicatiah an ca i nawlpiak dingin zungzal i a nun peng caah.

ROM 10:14

An zumh lo ahcun zeitindah an kawh khawh lai? Ahodah a si tiah an theih lomi cu zeitindah an zumh khawh lai? Chimtu um loin zeitindah an theih khawh lai?

HEBRU 3:12

Unau hna, i ralring u, culoahcun Pathian nung kaltâk duhnâk tiangin nanmah lakah mi zeimaw chungah zumhlonâk lungthin sual a um sual lai.

SALM 73:28

Asinain kei ka caah cun Pathian naih hi a ṭha; Bawipa PATHIAN cu kâ bochan, cuticun na tuahmi thil vialte cu ka phuan khawh cang lai.

JOHAN 14:6

Jesuh nih, “Keimah hi lam le, biatak le, nunnâk ka si. Keimah in dah ti lo cun ahohmanh Pa sin ah an phân bal lo.

2 PETER 1:5

Hi ruangah hin teihmâk chuah u law, nan zumhnâk ah khan ṭhatnâk telhchih u law, ṭhatnâk ah khan hngalhnâk telhchih u,

HEBRU 4:6

Cucaah mi cheukhat hna caah luhkhawh a si ko rih, Thawngṭha chim a thei hmaisatu hna kha nawlngaih lonâk ruangah an luh khawh lo caah,

GALATI 5:6

Zeitintiah Krih Jesuh ah cun cuarpartan hi zeihmanh a ṭhahnem lo, cuarpar tanlo zong zeihmanh a ṭhahnem hlei lo. Zumhnâk, dawtnâk i ṭuan lawng kha a ṭhahnemmi cu a si.

2 PETER 3:14

Cucaah dawtmi hna, cubantuk ruahchannâk cu nan ngeih caah, thûrhnawm lo le sawiawk um loin hngangam te i nan um lio an hmuh khawh hna nâkhnga, teihmâk chuah u.

JOHAN 8:24

Cucaah dah kaw nan sinah, “Sual ngeibu in nan thi lai,” kan ti hna cu. ‘Amah kha ka si’ ka timi hi nan zumh lo ahcun, nan sualnâk he nan thi hrimhrim ko lai,” tiah a ti.

2 PETER 1:10

Cucaah unau hna, kawh nan sinâk le thim nan sinâk hi fehter dingin teihmâk chuah chin chin u, cucu nan tuah ahcun zeitikhmanhah nan tlu lai lo.

HEBRU 7:19

zeitintiah nawlbia nih zeihmanh a tlinter kho lo; kap khat leiah, ruahchannâk ṭha deuh phâkter a si i cu nih cun Pathian kha a kan naihter.

SALM 78:32

Cubu hmanh ah an sual chin i thilmak a tuahmi zong an zum hlei lo.

HEBRU 4:2

A ngaingai tiah, kan sin i chim a si bangin Thawngṭha kha an sin zongah chim a si ve ko, asinain a ngaitu hna nih zumhnâk he an fonh hna lo ruangah an ngaihmi bia kha san an tlaihpi lo.

PHUNGTHLÛKBIA 11:18

Misuaksual nih hlennâk man a co tawn, asinain dinnâk ci a tuhtu nih a ṭuanman taktak a hmuh lai.

BIAPHUAN 21:8

Asinain miralchia, zumlotu, fihnungmi, lainawngmi, horduh cuaimi, doihthiammi, milem biami hna le lih chimmi vialte umnâk ding cu mei le kât mei tili, thih voihnihnâk cu a si.

HEBRU 11:26

Krih ruang i minchiatnâk cu Ezip ram i rumnâk nâkin chawva sunglawi deuh ah a ruah i a hmuh hngami laksawng kha a conh peng caah.

MARKA 16:17

Cun hi hmelchunhnâk hna nih zumtu hna cu a zulh hna lai: Ka min in khuachia an ṭhawl lai I holhthar in an holh lai,

SALM 58:11

Cuticun mi hna nih, “Miding caah cun laksawng a rak um taktak ko; vawlei ah biaceihtu Pathian a um taktak ko,” an ti lai.

LUKA 6:35

Asinain nan ral va daw ulaw, thilṭha tuah piak hna u, chamṭhân ding ruahchan loin cawih hna u. Nan ṭuanman cu a ngan tak tak lai i Cungnung bik fale nan si lai. A nih cu lawmh a hngalh lomi le misual cungah vêl a ngei.

SALM 106:24

Cu hnu ah ram duhnung ngaimi cu an iai ai i a bia kha an zum duh lo.

SALM 78:22

Pathian an zum lo i a khamhnâk zong an i bochan lo.

MATTHAI 6:16

“Cuhleiah, rawl nan ulh tikah, mi depde hna bantukin hmaichia in um hlah u. Zeitintiah annih nih rawl an ulh kha mi nih kan hngal hna seh tiah hmai chia ṭiamṭuam in an um tawn. Biataktein kan chimh hna, an ṭuanman an hmuh cang.

MATTHAI 6:5

Thla nan cam tikah mi depde hna bangin nan cam lai lo. Annih nih mi nih ka hmu hna seh tiah sinagog le zatlâng lamah dir buin thlacam an hmang. Biataktein kan chimh hna, an ṭuanman cu an hmuh cang.

MATTHAI 5:12

I lawm u law, i nuam tak tak ko u, zeitintiah vanah a nganmi nan ṭuanman a um, zeitintiah nanmah hlan i profet hna zong cubantukin an rak serhsat cang hna.

MATTHAI 11:26

Asi, ka Pa, cubantuk tuah cu na hmaiah a ṭhami a si.