HEBRU 11:16 - Laibaibal Thiang (BSI)

¹⁶ Asinain an duhmi cu ram ṭha deuhmi a si i cucu vanram a si. Cucaah Pathian nih an Pathian si a ning a zak lo i an caah khualipi a rak timhtuah piak hna.

Lai (Hakha) Common Language Bible 2006

¹⁶ Annih nih an ngaihmi ram cu, ram ṭha deuh vancung ram tu kha a si. Pathian nih an caah khua pakhat a timhpiak hna i cucaah annih nih Pathian cu, kan Pathian, tiin an kawh tikah, Pathian cu a ning a zak lo.

HEBRU 11:16 Խաչաձեւ Հղումներ

HEBRU 13:14

Zeitintiah hika ah hin a hmunmi khua kan ngei lo, a ra laimi khua khi kan kawlmi cu a si.

HEBRU 11:10

zeitintiah Pathian hrimhrim nih a dirh i a sakmi le hrambunhmi khualipi kha a hngah.

FILIPI 3:20

Zeitintiah kannih cu vancung rammi kan si, van in a ra dingmi, khamhtu Jesuh Krih cu hngahhlang ngaiin kan cuan ko.

JOHAN 14:2

Ka Pa inah dal tampi a um, a um lo ahcun kan chimh cang hna lai, nan caah hmun timhlamh awkah ka kal lai.

HEBRU 2:11

Zeitintiah Thiantertu le thiantermi hna cu an dih lakin mi pakhat ta an si. Cucaah annih cu, “Unau hna” tiah kawh awkah a zahpi hna lo.

MATTHAI 25:34

“Cuticun Siangpahrang nih a orh leimi hna sinah, ‘Ka Pa, thluachuahmi hna, ra u law, vawlei ser lio i nan ca i timhmi pennâk cu co u:

HEBRU 12:22

Asinain nannih cu Zion tlâng, Pathian nung khualipi, van Jerusalem, relcawklo vanmi hna civuipi,

HEBRU 11:14

Zeitintiah cubantuk an chimmi nih anmah ca i ram a kawlmi an si kha a langhter.

2TIMOTE 4:18

Cun Bawipa nih sual rianṭuannâk vialte chungin a kan khamh lai i a vanlei pennâk ah him tein a kan phâkter lai. Amah sinah zungzal in zungzal tiang sunparnâk um ko seh. Amen!

MARKA 8:38

Zeitintiah tuchan ṭhangthar ṭangdang kai a hmangmi le misual hna lakah keimah le ka bia a zahpimi pauh, Mi Fapa nih, van mithiang hna he a Pa sunparnâk thuamin a rat tikah cu minung cu a zahpi ve lai,” tiah a ti.

LAMKALTU 7:32

‘Keimah cu na pupa hna Pathian - Abraham Pathian, Isak Pathian, Jakob Pathian’ Ka si, tiah a ti. Cun Moses cu a therh i a zoh ngam lo.

LUKA 12:32

Bu tlawmte hna, ṭih hlah u, zeitintiah pennâk pêk hi nan Pa lawmhnâk a si.

MARKA 12:26

Mithi hna an tho ṭhân timi kongah, Moses cauk nan rel bal lo maw? Burbûk ah khan Pathian nih, “Kei cu Abraham Pathian, Isaak Pathian, Jacob Pathian ka si,” a timi kha, nan rel bal lo maw?

LUKA 20:37

Sihmanhsehlaw mithi hna thawhter an si lainâk kong Moses nih burbûk a alhmi kongah arak hmuhsak cang, khaka ah khan, Bawipa cu, “Abraham Pathian, Isak Pathian, Jakob Pathian, tiah a ti.

HEBRU 10:34

zeitintiah ka cikcin ruangah nanka zângfah i nan thil an lâk zongah lunglawm tein nan in khawh, vanah a ṭha chinmi chawva zungzal a uhmi nan ngeih kha nan hngalh.

HEBRU 11:40

Pathian nih annih le kannih â ruang tein tlamtlinter i kan um khawh nâkhnga, a ṭha chinmi thil a kan ruah piak caah a si.

BIAPHUAN 21:2

Cuticun kei Johan nih, a thiangmi khualipi, Jerusalem thar cu, a vâ hmuh awkah dawh ngaiin ṭamhmi mo bantukin Pathian sin in van i a rung ṭum kha ka hmuh.