HEBRU 11:1 - Laibaibal Thiang (BSI)

¹ Zumhnâk hi ruahchanmi thil a um taktak tiah hngalhnâk, hmuh lomi thil hmuhfiannâk a si.

Lai (Hakha) Common Language Bible 2006

¹ Zumhnak ngeih kan ti hi, kan i ruahchanmi kan hmuh ṭheo lai ti kan zumh le a taktak le a ngaingai a simi thil kan mit in kan hmuh khawh lomi hi an um ko ti kan zumh hi a si.

HEBRU 11:1 Խաչաձեւ Հղումներ

2 KORIN 5:7

Zeitintiah hmuh khawhmi si loin, zumhnâk in kan kal.

2 KORIN 4:18

Hmuhkhawhmi thil lawng zoh loin, hmuhkhawh lomi khi kan zohmi cu a si. Zeitintiah hmuhkhawhmi hi cânkhat ca lawng a si i hmuhkhawh lomi cu zungzal ca a si.

HEBRU 11:7

Zumhnâk in Noa cu hmuh rih lomi thil kongah cung leiin ralrin pêk a si, Pathian ṭih buin a chungkhar khamhnâk caah tilawng a tuah, cu nih cun vawlei kha thiamlo a coter i zumhnâk ningin dinnâk ro cotu a si.

HEBRU 10:22

lung taktak le zumhnâk i hngalhfiannâk ngeiin, kan lungthin i a thûrmi chiaṭha hngalhnâk hna kha thian terin kan taksa zong a thiangmi ti ah i kholh in Amah cu naih u sih.

SALM 27:13

Nunnâk ram ah hin BAWIPA ṭhatnâk hmuh lai rak zum hlah ning law, ka lung a dong cang lai.

HEBRU 11:27

Zumhnâk in bawi thinhun lai zong ṭih loin Ezip ram cu a chuahtâk i hmuh khawh lo cu ahmuh ruangah lungsau in a in ko.

HEBRU 6:12

cuticun zumhnâk le lungsaunâk thawngin biakam a co cangmi hna zohchunh in nan tha thu hlah seh.

HEBRU 10:39

Kannih cu lotlau dingin hnu leiah a tawlhmi kan si lo i nunnâk khamh dingin zumhnâk ngeitu kan si.

SALM 42:11

Maw ka nunnâk zei ruangah na ngaih a chiat? zeiruangahdah ka chungah hin na buai ko? Pathian i ruahchan; zeitintiah Amah cu ka thangṭhat ko rih lai, aka bawmtu le dam tertu Pathian a si.

1 KORIN 13:13

Cun zumhnâk, ruahchannâk, dawtnâk, hi pathum hna hi a hmun lai; asinain hi hna lakah a nganbik cu dawtnâk a si.

HEBRU 11:13

Cuhna cu an dihlak in zumhnâk ngei in an thi i biakammi thil tu cu an co manh lo, asinain lamhla pi in an rak hmuh chung cang, lungdai tein an rak i lawmhpi i vawlei ah hin khual le ramdangmi bantuk an si kha an rak hngalhter cang.

HEBRU 3:14

Zeitintiah Krih cotu kan si a hramthawk i kan zumhnâk kha a dongh tiang fek tein kan i tlaih ahcun,

GALATI 5:6

Zeitintiah Krih Jesuh ah cun cuarpartan hi zeihmanh a ṭhahnem lo, cuarpar tanlo zong zeihmanh a ṭhahnem hlei lo. Zumhnâk, dawtnâk i ṭuan lawng kha a ṭhahnemmi cu a si.

2 KORIN 5:17

Cucaah mizei pauh Krih ah a um ahcun sertharmi a si, thilhlun cu an lo i ngaihmanh u, zeizong vialte a thar cang.

2 PETER 1:1

Simon Peter, Jesuh Krih sal le, Lamkaltu nih, khamhtu Jesuh Krih kan Pathian dinnâk thawngin a sunglawimi zumhnâk kan comi bantuk a co vemi hna sinah,

LAMKALTU 20:21

Judah mi le Grik mi hna sin zongah an i ngaihchih i Pathian lei i an i mer nâkhnga kan Bawipa Jesuh Krih i zumhnâk an ngeih khawh nâkhnga ka theihter tawn hna,

TITAS 1:1

Paul, Pathian thimmi hna zumhnâk ning le Pathian-ṭihzahnâk in biatak hngalhpinâk tlamtling he Pathian caah ṭemmi sal le Jesuh Krih Lamkaltu ka si.

HEBRU 2:3

hi tluk in a nganmi khamhnâk hi zei rel loin kan um ahcun, zeitindah kan luat khawh lai? Cucu a hramthawk ah Bawipa nih a rak chim i a theitu hna nih kan sinah an fehter.

2 KORIN 11:17

Ka biachim hi Bawipa bangin ka chim lo, mihrut bangin ka hmaihngalnâk le ralṭhatnâk in ka chim.

2 KORIN 9:4

Culoahcun Masidonia in mi zeimaw nih an ka zulh sual lai i timh cia i nan um lo an hmuh sual ahcun kannih (nannih kan ti hna lo) nanmah â hmaihngalpitu hi kan ning a zak sual lai.

HEBRU 3:6

asinain Krih cu Fapa bangin Pathian chungkhar cungah zumhtlâk a si i chungkhar cu kanmah hi kan si, a dongh tiangin duh a nungmi zumhnâk le ruahchannâk kha kan i tlaih ahcun.