HEBRU 10:10 - Laibaibal Thiang (BSI)

¹⁰ Cu duhnâk in Jesuh Krih taksa voikhat ah zungzal ca pêkchanhnâk thawngin thianter kan si cang.

Lai (Hakha) Common Language Bible 2006

¹⁰ Jesuh Khrih nih Pathian duhmi kha a tuah caah, voi khat ah za lak in amah a pum aa pekchanhnak thawng khan kannih cu kan sualnak in a kan thianh cang.

HEBRU 10:10 Խաչաձեւ Հղումներ

HEBRU 10:14

Zeitintiah voi khat raithawinâk nih thianter lengmangmi hna cu zungzal ca in a tlinter cang hna.

HEBRU 10:12

Asinain Anih nih cun zungzal caah sual thawinâk voikhat lawng a tuah hnu ah Pathian orhlei kam ah a ṭhu;

1 KORIN 6:11

Nan lakah cheu khat cu cubantuk tuah a hmangmi nan rak si. Asinain Bawipa Jesuh min le kan Pathian Thlarau ah `awlthian nan si cang, thianter nan si cang, thiamcoter nan si cang.

HEBRU 7:27

Amah nih cu tlângbawi nganbik hna bantukin ni chiarte, Amah sualnâk caah raithawinâk pêk tain, cuhnu ah mizapi sualnâk ca i raithawinâk pêk ta kha a herh ve lo, zeicatiah Amah le Amah â pêk ah khan a lîm dih cang.

JOHAN 17:19

Anmah ruangah kâ thianter tawn, annih zong biatak in thianter an si khawh nâkhnga.

HEBRU 13:12

Cubangin Jesuh zong nih, Amah thisen hrimhrim in mi a thianter khawh nâkhnga, hau lengah ah a rak tuar.

1 KORIN 1:30

Nannih tu cu Amah thawngin Krih Jesuh ah nan um, Amah cu Pathian sinin kan ca fimnâk, dinnâk, thiannâk le tlanhnâk a si,

HEBRU 9:28

cubantukin Krih zong mi tampi sualnâk phor dingin voikhat pêkchanh in a rak um cang. Hngahhlang ngaiin Amah hngaktu hna caah, sual tel loin, khamhnâk caah a voi hnihnâk ah a ra ṭhân lai.

HEBRU 9:12

meheh le caw thisen he si loin, Amah Thisen theng kha â put i zungzal tlanhnâk kha hmu in voikhat ah zungzal ca zalak in Hmun Thiang Bik ah a rak lut.

1 PETER 2:24

Sualnâk leiah kan thih i dinnâk lei ah kan nun khawh nâkhnga, a taksa hrimhrim in thing cungah kan sualnâk kha a phorh i an tuknâk hma in nan dam cang.

HEBRU 10:20

A taksa lanin onmi puanzar kha kan caah a kan ruah piakmi lam thar le a nungmi lam cu a si,

HEBRU 9:26

Cutin sihlahsehlaw, vawlei ser hramthawk khan voitampi a rak temtuar cang hnga. Asinain hi cân dongh ah hin, sualnâk hlawnh dingin a ra i Amah hrimhrim kha sual raithawinâk ah â pe.

HEBRU 2:14

Zeicatiah ngakchia hna hi taksa le thisen cotu an si caah Amah zong nih an sining kha â hrawm ve, cucu thih ṭhawnnâk ngeitu Satan kha a thihnâk thawngin a hrawh khawh nâkhnga le,

1JOHAN 5:6

Hipa hi a si ti le thisen i a rami cu Jesuh Krih hi: ti lawngah si loin ti le thisen ah a si. Hngalhpitu cu Thlarau hi a si. Thlarau cu biatak a si caah.

JOHAN 19:34

Ralkap hna lak i pakhat nih a hnak ah fei in a sawh i thisen le ti a chuak cawlh.

HEBRU 2:11

Zeitintiah Thiantertu le thiantermi hna cu an dih lakin mi pakhat ta an si. Cucaah annih cu, “Unau hna” tiah kawh awkah a zahpi hna lo.

HEBRU 10:5

Cucaah vawlei i arat lio ah khan, “Raithawinâk le thilpêk na duh lo, cucaah pum kha ka caah naka timhlamh piak.

JOHAN 6:51

Keimah hi van in a rungṭummi changreu nung ka si. Hi changreu a eimi pauh, zungzal in a nung peng lai. Vawlei nunnâk dingah ka pêk hngami changreu cu ka taksa hi a si.” tiah a ti.

EFESA 5:2

Krih nih a kan dawt i Pathian sinah raithawinâk le rimhmui pekchanhmi ah kan ca i â pêk bangin dawt nâkin nung u.

EFESA 5:26

anih cu bia hmangin ti in a khawlh-ṭawl i a thianter khawh lai;

HEBRU 5:7

Anih nih taksa i a um lio ah khan, thihnâk in Amah khamhkhotu sinah, fakpi i aihrâmnâk le mitthli he thlacamnâk le nawlnâk kha a tuah, Pathian a ṭih tawn caah a thlacamnâk kha theihpiak a si.

HEBRU 9:14

Krih thisen, zungzal Thlarau thawngin Pathian sinah dotla in pekchanh mi nih, Pathian nung rianṭuan dingin, an chiaṭha hngalhnâk kha a thimi tuahsernâk chungin zeitlukindah a thianter chin chin lai!

HEBRU 10:29

Pathian Fapa a lamh chih i amah thiantertu biakam thisen a sawhsawh in a ruat i zângfahnâk Thlarau a cawhdehtu cu zeitluk a fakmi hremnâk dah tuar awktlâk ah nan ruah?

1 PETER 3:18

Zeitintiah Krih cu kan sualnâk ruangah voikhat a thi, cuticun miding nih miding lo caah a tuar, cucu Pathian sinah a kan hruai khawhnâk ding a rak si, taksa in thihter a sinain Thlarau in nunter a si,