HEBRU 1:6 - Laibaibal Thiang (BSI)

⁶ Asinain a fater vawlei i a ratpi ṭhân tikah, “Pathian vancungmi vialte nih Amah cu bia hna seh,” tiah a ti.

Lai (Hakha) Common Language Bible 2006

⁶ Pathian nih a fater cu vawlei cung i a thlah tikah, “Pathian vancungmi vialte nih amah cu an biak awk a si,” a ti.

HEBRU 1:6 Խաչաձեւ Հղումներ

KOLOSE 1:18

Amah cu taksa pum kawhhran lu, a hramthawknâk a si, zeizong vialte ah cungnungbik a si khawh nâkhnga thihnâk in a tho hmasa bik a si;

SALM 97:7

Kherchawmmi milem a biatu vialte cu ningzak in um hna seh, milem sawhsawh â uanpi mi hna cu. Nannih pathian vialte hna amah cu bia u.

KOLOSE 1:15

Amah cu hmuh khawh lomi Pathian muisam sermi thil vialte ah hrin-hmasa bik a si;

1 PETER 3:22

Amah cu vanah a kai i Pathian orhlei ah um in; van mi hna le, nawlngeihnâk le, ṭhawnâk hna cu Amah tangah chiahdih an si.

JOHAN 1:14

Bia cu titsa ah â cang i kan sinah khua a sa, a sunparnâk kan hmuh. Pa Fa ngeihchun sunparnâk bantukin, zângfahnâk le biatak in a khat.

BIAPHUAN 1:5

Jesuh Krih zumhtlâk biahngaltu, thihnâk in a tho hmasa bik le lei cung siangpahrang hna cungah biaceihtu a simi sinin zângfahnâk le daihnâk um ko seh. A kan dawt i a thisen in kan sualnâk kha a kan ṭawl piak,

ROM 8:29

Zeitintiah a fapa cu unau tampi lak i fater a si khawh nâkhnga, a hngalh chungmi hna cu, Amah fapa bantuk i um dingah a khaukhih diam cang hna.

1JOHAN 4:9

Hitihin Pathian dawtnâk cu kan cungah langhter a si, Amah thawngin nun kan ngeih khawh nâkhnga, Pathian nih a Fapa ngeihchun cu vawlei ah a run thlah.

JOHAN 1:18

Zeitikhmanh ah Pathian cu ahohmanh nih an hmu ballo. Fapa ngeihchun, Pa `angchungah a ummi nih Amah cu a phuan cang.

HEBRU 10:5

Cucaah vawlei i arat lio ah khan, “Raithawinâk le thilpêk na duh lo, cucaah pum kha ka caah naka timhlamh piak.

JOHAN 3:16

Zeitintiah Pathian nih vawlei hi a dawt tuk hringhran i a Fapa ngeihchun kha a pêk, Amah a zummi pauh cu lotlau loin zungzal nunnâk an ngei lai.

HEBRU 1:5

Zeitintiah vanmi ahosinahdah hi bia hi a chim bal? “Nang cu ka Fapa na si, Nihin ah kan hrin?” ti le, “Keimah cu Amah caah Pa ka si lai i Amah cu ka caah Fapa a si lai,” timi hi.

MATTHAI 24:14

Hi vanbawi pennâk Thawngṭha hi miphun vialte theihter awkah vawlei dih lakah chim a si lai, cuticun donghnâk kha a phân lai.