FILIPI 4:5 - Laibaibal Thiang (BSI)

⁵ Lungnemmi nan sinâk kha mi vialte hmuhah siseh, Bawipa cu a nai ko.

Lai (Hakha) Common Language Bible 2006

⁵ Mi vialte sinah nemnak tein va um u. Bawipa cu tuan ah a ra lai.

FILIPI 4:5 Խաչաձեւ Հղումներ

MATTHAI 6:25

“Cucaah nan nunnâk ca i nan ei nan dinmi kongah siseh, nan pum nih â hrukmi hnipuan kongah siseh lungrethei in um hlah u. Rawl nâkin nunnâk a biapi deuh lo maw? Hnipuan nâkin pum zong a biapi deuh lo maw?.

TITAS 3:2

ahosinhmanh ah bia chia-khâ chimlo ding le, dai te i um awkah, nunnemnâk in mi vialte sinah toidarnâk vialte langhter dingin theihter ṭhân hna.

HEBRU 10:37

Zeitintiah a rauh hlan ah ara dingmi cu ara lai, a rau lai lo.

1 PETER 4:7

Thil vialte donghnâk a nai cang caah, thla nan cam khawh nâkhnga i bia takin i ralring u.

1 KORIN 6:7

Cucaah hibantukin biaceihtu hna hmai i nan i chuahpi lengmang mi hi nan palh hrimhrim ko. Zeiruangahdah palhnâk cu nan in ko hna lo? Zeiruangahdah hlengtu nâkin hlenmi si cu nan i thim ko lo?

HEBRU 10:25

Cheukhat nih an ngol bangin, hmunkhat te ah i pumh lengmang hi ngol hlah usih, Ni cu a naih chin lengmang bangin i forhchin lengmang in pakhat le pakhat nan lung thawhter i zuam u.

BIAPHUAN 22:7

“Ngaihmanh, Kara zau lai! Hi cauk chung i chimchungbia hna zultu cu mithluachuak a si.”

1 KORIN 8:13

Cucaah eiding nih ka unau a tlukter ahcun, ka unau a tluk tinâk hngalo, sa ka ei ti lai lo.

MATTHAI 6:34

Cucaah thaizing caah lungretheiin ruat hlah u, zeitintiah thaizing nih amah kong cu tuaktan te ko seh. Nikhat ca i nikhat lungretheih hi a za ko.

BIAPHUAN 22:20

Hi thil hna hngalh tertu nih, “Tuanah Kara hrimhrim lai.” a ti. Amen. Ra ko cang, Bawipa Jesuh!

1 PETER 1:11

Krih nih a teminnâk ding le, cuhnu ah sunparnâk ahmuh lai ding hna cu, zeibantuk set dah a si lai i zeitik cân set ahdah a si lai tiah an rak kawl lio ah an chung i Krih Thlarau nih a hlan kan in a rak hngalhter cang hna.

1 KORIN 9:25

Cun laksawng hmuh â timmi hna cu zeizong vialte ah â sum tawn. Annih nih a rawk khomi luchin hmuh awkah an i zuam i kannih nih a rawk kho lomi luchin hmuh awkah kan i zuam.

2 THESALON 2:2

kanmah chimmi bang i puh in, ca in siseh, bia in siseh, thlarau in siseh, Krih ni cu a phân diam cang timi nih nan ruahnâk a hninh i nan buai nâkhnga lo kan in nawl hna.

LUKA 21:34

“Asinain nanmah lei ah i ralring u, culoahcun nomhhnaihnâk mên ah, zu le sa he, nunchung khuasak tintuknâk he nan um lioah cu ni nih cun an hlauh sual hna lai.

1 KORIN 16:22

Mizei pauh nih Bawipa Jesuh Krih a dawt lo ahcun chiatserh in um seh. Maw, Bawipa ra ko cang.

2 KORIN 10:1

Cubangin keimah Paul, hmaitonh i ralchia, langhlat i nan hmai ah a ral a ṭha ngaimi nih Krih lungnemnâk le nunnemnâk in kan nawl hna.