FILIPI 3:12 - Laibaibal Thiang (BSI)

¹² Tlâm ka tling cang ka ti lo i co awk ka co dihcang zong ka ti lo. Asinain Krih nih aka tlaihchan hi ka tlai kho ve hnga maw tiin a dawiin ka dawi.

Lai (Hakha) Common Language Bible 2006

¹² Hi thil ah hin ka tlam a tling cang ti a si lo i ka tling cang ti zong a si fawn lo. Sihmanhsehlaw a ka ngeitu cu Khrih kha a si cang caah cu thil cu ka ta a si khawh nakhnga kaa zuam lengmang.

FILIPI 3:12 Խաչաձեւ Հղումներ

SALM 138:8

BAWIPA nih ka ca i tuah a timhmi cu a tlinter lai. Maw BAWIPA, na vêl cu zungzal in a hmun. Na kutchuak thil hna hi kaltâk hna hlah.

2 KORIN 7:1

Cucaah ka dawtmi hna, cubantuk biakam cu kan ngeih caah taksa le thlarau thûrtertu vialte chungin i thianter usih law, Pathian ṭih bu tein thianhlimnâk hi tlinter u sih.

HEBRU 13:21

A duhnâk tuah dingin rianṭha kipah tlam in tlinter hna seh, Jesuh Krih thawngin a mithmuh ah a lawmh tertu nih nanmah ah `uandih ko seh, Amah sinah zungzal in zungzal tiang sunparnâk kha um ko seh. Amen.

EFESA 1:4

Ahmai ah a thiangmi le sawi awk um lomi kan si khawh nâkhnga vawlei hram thawk hlan in Amah ah dawtnâk in a kan thim cang,

FILIPI 3:16

Zeiasihmanhah kan phanhnâk riin, kan kal ning tein, ruahnâk pakhat ngeiin hmai nawr u sih.

2 PETER 3:18

Kan Bawipa le khamhtu Jesuh Krih zângfahnâk le hngalhnâk ah khan ṭhang ko u. Atu le zungzal tiangin Amah sinah sunparnâk um ko seh. Amen.

JEIM 3:2

Zeitintiah kan dihlak in thil tampi ah sualnâk kan tuah tawn. Bia chim lei i a palh lomi cu mi tlamtling a si i a pum â uk khomi a si.

HEBRU 12:14

Mi vialte he i remnâk le thiannâk kha dawi u, cu thiannâk loin ahohmanh nih Bawipa an hmu lai lo.

GALATI 5:17

Zeitintiah thisa duhnâk nih Thlarau a ralchanh i Thlarau zong nih thisa a ralchanh. Cuticun tuah nanduh mi nan tuah khawhlonâk cu hi hna pahnih ralchanh ruangah a si.

1 PETER 5:10

Zângfahnâk vialte Pathian, zungzal a sunparnâk co dingin an kotu hna Krih Jesuh nih, cân tawite nan tuar hnu ah, tlam tlinter le fehter in, ṭhawnter le fek tein in dirter ko hna seh.

2 THESALON 2:13

Asinain Bawipa dawtmi ule nau hna biatak zumhnâk le Thlarau thianternâk thawngin Pathian nih a hramthawk in khamhnâk co dingah an thim hna caah Pathian sinah lawmhnâk bia chim zungzal dingin ṭemchihmi kan si.

EFESA 4:12

zeitintiah mithiang hna timhtuahnâk i rianṭuantu ding le Krih pum ṭhanter dingah,

2 KORIN 13:9

Zeitintiah kan derthawm lio zongah nannih nan ṭhawn ahcun kan i lawm tawn. Cun tlamtlinter nan si khawh nâkhnga thla kan cam tawn.

1 KORIN 13:10

Asinain a tlingmi a phâk tikah a tling lomi cu hlawt an si ko lai.

PHUNGTHLÛKBIA 4:18

Asinain midik hna lam cu ni ceu bantuk a si, cucu chun laifang ceunâk bantuk a si.

SALM 119:5

Maw, na phunglam zul dingin, ka lam hna hi fehter hei si sehlaw!

SALM 84:2

Ka nunnâk nih BAWIPA biakinn tualrawn cu a ngai tuk hringhran, asi, a bât zong a ba dih, ka lungthin le ka thisa nih Pathian nung cu biatak tein a auh.

SALM 63:8

Ka nunnâk nih nai tein an zulh i na orhlei kut in naka tlaih tawn.

1THESALON 5:15

Ahohmanh nih Ṭhatlonâk kha Ṭhatlonâk in lehrul hlah u, nanmah le mi vialte caah ṭhatnâk kha a dawi in dawi u.

1TIMOTE 6:19

zungzal nunnâk cu an i tlaih khawh nâkhnga le a ra laimi caah i ṭhumhnâk ṭha khong luaimai dingin tha pe hna.

LAMKALTU 9:15

Asinain Bawipa nih, “Kal ko, Jentel mi le, siangpahrang hna le, Israel mi hna sinah ka min luhpitu dingah ka thimmi ûm a si.

1TIMOTE 5:10

ṭhatnâk tuahnâk kongah thangṭhatmi, fale zong tlamtling in a rak bawmtu le, thilṭha kip ṭhahnem ngai i tuahtu a si ahcun nuhmei ah ṭial khawh a si.

SALM 94:15

Asinain miding hna caah biaceihnâk a rak kir ṭhân lai i lungthin a dikmi vialte nih an zulh lai.

HEBRU 12:23

fater van i min bunhmi kawhhran hna, mi vialte cung i biaceihtu Pathian, midik thlarau tlamtlintermi,

SALM 42:1

Sakhi nih sihti a ngaih bantukin, maw Pathian, ka nunnâk nih nangmah an ngai.

MATTHAI 5:48

Cucaah van i nan Pa a tlin bantukin nannih zong nan tlin ve awk a si.

ROM 8:39

sannâk le thuhnâk, sermi thil dang vialte zong nih, kan Bawipa Jesuh Krih i a ummi Pathian dawtnâk chungin a ka ṭhen kho lai lo tiah fiang tein ka hngalh.

1 KORIN 9:24

Tlik â zuammi cu an dihlak in an tli na in, an lakah pakhat te lawng nih laksawng a hmuh tawn ti kha nan hngal lo maw? Nan co khawh nâkhnga tli ve tuah u.

1 KORIN 13:12

Zeitintiah atu ah cun thlalang ah fiang setsai loin kan hmuh, khi cân ah cun hmaitonh tein a si lai. Atu ah cun a cheuchum in ka hngalh, khi tikah cun hngalh ka si bantukin ka hngalh ve lai.

FILIPI 1:1

Paul le Timote, Krih Jesuh ah ṭemmi-sal hna nih, Filipi khua ah a ummi Krih Jesuh ah mithiang vialte le hotu le upa hna sinah;

FILIPI 3:3

Zeitintiah kannih Thlarau in Pathian a bia i thisa i bochan loin Krih Jesuh ah â lawmmi hna hi cuarpar tanmi kan si deuh,

FILIPI 3:8

Asi taktak ko, a liannganmi ka Bawipa Jesuh Krih hngalhnâk ruangah thil vialte hi sungh cikcek ah ka ruah dih, asi zeizong vialte hi ka sung cikcek ko. Krih kha ka miakmi a si khawh ahcun thildang vialte cu hmunthûr ah ka rel hna.