FILIPI 3:10 - Laibaibal Thiang (BSI)

¹⁰ A thihnâk ah thiin, a tuarnâk kâ hrawm ve ahcun, a thawhṭhannâk ṭhawnnâk zong ka co ve ko lai.

Lai (Hakha) Common Language Bible 2006

¹⁰ Ka duhmi cu amah Khrih hngalh le a thawhṭhan ṭhawnnak hmuh ve le temhinnak a inmi in ve le amah thih bantukin thih ve lawng hi a si cang,

FILIPI 3:10 Խաչաձեւ Հղումներ

GALATI 2:20

Krih sinah khenhchih in ka um nain ka nung; keimahtu ka si ti lo, Krih cu keimah ah a nung cang, atu thisa i ka nun hi, Pathian Fapa, aka daw i ka ai ah â pemi zumhnâk ah ka nung.

ROM 8:17

fa kan si ahcun, ro cotu kan si. Pathian ro cotu Krih ro copi hawi kan si, Amah kan tuarpi taktak ahcun a sinah thangṭhat kan si ve lai.

FILIPI 3:8

Asi taktak ko, a liannganmi ka Bawipa Jesuh Krih hngalhnâk ruangah thil vialte hi sungh cikcek ah ka ruah dih, asi zeizong vialte hi ka sung cikcek ko. Krih kha ka miakmi a si khawh ahcun thildang vialte cu hmunthûr ah ka rel hna.

1JOHAN 2:3

A nawlpêkmi kan zulh ahcun, cu nih cun Amah kan hngalh ti kha kan hngalh.

KOLOSE 3:1

Krih sinah thawhter nan si ahcun cunglei Pathian orhlei ah a ṭhumi Krih umnâk i a ummi thil hna khi kawl u.

KOLOSE 1:24

Nanmah ca ah ka teminnâk ah atu zongah kâ lawm, Krih nih a pum, a kawhhran ca i a teminnâk ah a baumi hna cu ka taksa i ka teminnâk ah tlinter a si chin leng mang ko;

2 KORIN 1:5

Zeitintiah Krih temtuarnâk bangin tampi kan tuar tikah Krih thawngin kan hnangamnâk zong a tam chinchin.

1 PETER 1:3

Kan Bawipa Jesuh Krih Pathian le Pa cu thangṭhat in um ko seh, Amah nih a tammi a vêl thawngin thihnâk in Jesuh Krih a thawhṭhânnâk thawngin ruahchannâk nung hmu dingin a kan hrin ṭhân,

2 KORIN 13:4

Zeitintiah Amah cu derthawmnâk he khenhchih a sinain Pathian ṭhawnnâk in a nung. Zeitintiah kannih zong Amah ah kan derthawm nain nanmah lei i Pathian ṭhawnnâk thawngin a sinah kan nung ve lai.

1JOHAN 2:5

Asinain a bia a nunpimi pauh cu, Amah ah Pathian dawtnâk a tling taktak cang. Cu nih cun Amah ah kan um ti kha kan hngalh.

JOHAN 17:3

Hihi zungzal nunnâk a si, nang Pathian taktak hngalh le, na thlahmi Jesuh Krih hngalh hi.

ROM 8:29

Zeitintiah a fapa cu unau tampi lak i fater a si khawh nâkhnga, a hngalh chungmi hna cu, Amah fapa bantuk i um dingah a khaukhih diam cang hna.

BIAPHUAN 1:18

Keimah cu a nungmi ka si, ka rak thi cang, cun zohhmanh zungzal ca in ka nung cang. Amen. Thihnâk le Mithikhua tawh kha ka ngeih hna.

KOLOSE 2:13

Cun nannih nan sualnâk le taksa in cuarpartan lomi nan si ruangah a thimi nan si lio ah Amah sinah an nunter hna, kan sualnâk vialte a kan ngaihthiam i

EFESA 4:13

Pathian Fapa theihhngalhnâk kong le zumhnâk ah kan dih lakin pumkhat kan si nâkhnga, Krih tlamtlinnâk bantukin nutling patling ah kan i chuah lai i

2 KORIN 1:10

kha tluk in a nganmi thihnâk chungin a kan khamh cang i a kan khamh ṭhân lengmang ko lai tiah Amah ah zumhnâk kan ngei,

JOHAN 10:18

Ahohmanhnih anka lâkpiak lai lo, keimah nawl in ka pêkmi a si. Pe kho ka si i la ṭhân kho zong ka si. Hi nawlpêk hi ka Pa sinin ka hmuhmi a si.

MATTHAI 20:23

Cuticun an sinah, “Ka hrai cu nan din ko lai, ka in hngami baptisma zong nan in ve ko lai, asinain ka orh le keh i ṭhutnâk nawl cu Keimah pek awk a si lo, ka Pa nih a timhhlamh piakmi hna caah a si,” tiah a ti.

ROM 8:36

“Zeitintiah Nangmah ruangah nitlâk tein thah kan tong, thah ding a simi tuu bang i ruah kan si” tiah ṭialmi bang khan.

GALATI 6:17

Atu thawkin ahohmanh nih hna ka hnawh ti hna hlah seh, zeitintiah Bawipa Jesuh chinchiahnâk cu ka pum cungah hin kâ put cang.

2 PETER 1:13

Asi, hi thlâm chung i ka um chung pauh cu nan lung lawmhter lengmang hi a ṭha tiah ka ruah.