FILIPI 2:3 - Laibaibal Thiang (BSI)

³ Mahzawn lawng ruahnâk le, puarthaunâk in zeihmanh tuah hlah u, toidornâk lungput he mah nâkin midang ṭhadeuh ah ruat cio hna seh.

Lai (Hakha) Common Language Bible 2006

³ Pakhat le pakhat i entainak le mah pumpak thangṭhat kawlnak kha nan lakah umter hlah u. Toidornak lungthin tu kha ngei cio u law midang nakin ka ṭha deuh tiah zeitikhmanh ah vaa ruat hlah u.

FILIPI 2:3 Խաչաձեւ Հղումներ

ROM 12:10

Unau i dawt bangin i daw cio u; mah nâkin midang kha sâng deuh ah chia u.

GALATI 5:26

Mah le mah i hlawrh le thin i hunter le hnahchuahnâk ngeiin um hlah u sih.

EFESA 5:21

Pathian ṭihzahbu tein pakhat le pakhat i hmaizah u.

EFESA 4:2

toidornâk le nunnemnâk, lungsaunâk le dawtnâk i inkhawhnâk vialte he

1 PETER 5:5

Cubantuk in nannih mino hna, upa hna tangah i dor u. Asi, nandihlak in i pumpeknâk lungput ngei u law, toidornâk in i thuam u. “Pathian nih porhlaw mi a doh hna i toidormi kha vel a ngeih hna.”

FILIPI 2:14

Phunzai lo le elhnial loin zei thil pauh hi tuah u,

GALATI 5:15

Asinain nan i seh i nan i ei ahcun, nan i hrawk dih te lai, i ral ring u.

1TIMOTE 6:4

mi porhlaw, zeihmanh a hngal taktak lomi, i elhnial le buaibainâk chuahter zong poi a ti lomi a si, cubantuk mi hna nih an chuahter bikmi cu, hnahchuahnâk le buaibainâk le thangchiatnâk le a ṭha lomi i lunghrinh nâk le,

LUKA 18:14

Kan chimh hna, a hmasa deuh nâkin hi pa hi thiamco in inah a tlung. Mah le mah â santermi pauh ṭhumh an si lai i mah le mah â ṭhummi pauh santer an si lai,” tiah a ti.

PHUNGTHLÛKBIA 13:10

Ruamkainâk nih sikṭhiatnâk dah ti lo zeidang a chuahter lo, asinain ruahnâk ṭha cheuhmi lâk hi fimnâk a si.

KOLOSE 3:8

Asinain atu cu nanmah ah thinhunnâk, thinhânnâk, huatnâk, thangchiatnâk le nan hmurkâ chuak fih a nungmi bia hi hlawnh hna u.

2 KORIN 12:20

Zeitintiah ka rat tikah ka duhning in kan hmu hna lai lo i nan duhning in nanka hmu sual lai lo, ti hi ka phâng ngai, culoahcun i sîknâk le, hnahchuahnâk le, thinhunnâk langhternâk, uanthuannâk le, buaibainâk hna a um sual lai,

1 KORIN 3:3

zeitintiah thisa mi nan si peng ko rih. Zeitintiah hnachuahnâk, elhnialnâk, i ṭhennâk hna nan lakah a um tikah thisa mi, minung men men bantukin nan nung ko lo maw?

1 KORIN 15:9

Zeitintiah kei cu lamkaltu lakah a hmebik, Pathian kawhhran hna ka serhsat ruangah lamkaltu ti awk hmanh ah kâ tlâk lo.

ROM 13:13

Chun i um bangin dawh tein um u sih. Zuri le hnahnok i um loin, hor le pumsa duhnâk tuah loin, buaibai le i hnahchuah loin.

ROM 2:8

asinain mah zawn lawng ruatin biatak zul duh loin dinlonâk a zultu hna sinah thinhunnâk le thinhannâk,

KOLOSE 3:12

Cucaah Pathian thimmi, a thiangmi le dawtmi nan si bangin velngeihnâk, zângfahnâk, toidornâk, nunnemnâk le lungsaunâk in i thuam u;

1 PETER 3:8

A hnu bik ah nan dihlak in ruahnâk hmunkhat in um ulaw vêl i ngeih hna u, unau bangin i daw u, zângfahthiam le toidornâk tein um u;